Xestion de residuos urbanos.pdf - Axencia de Ecoloxía Urbana do ...

desenvolvemento sostible vol.1
boación destas entidades supere os 5.000 habitantes. No caso dos envases estarase ao previsto na
lexislación específica.
Por último as Entidades Locais poderán realizar as actividades de xestión de residuos urbanos directamente
ou a través doutras formas de xestión prevista na lexislación sobre réxime local.
2.1.2. a lei 10/2008 de residuos de Galicia.
A Comunidade Autónoma de Galicia, a través do artigo 27.30 do seu Estatuto de Autonomía, asumiu
a competencia para aprobar as normas adicionais sobre protección do medio ambiente e da paisaxe,
nos termos do artigo 149.1.23 da Constitución. É este o título competencial para lexislar en materia
de residuos.
Os aspectos máis salientábeis desta lei cara a xestión dos residuos son os que comentamos a continuación.
No artigo 1 declárase como obxecto desta lei “previr a produción de residuos, estabelecer o réxime
xeral da xestión de residuos…fomentando, nesta orde: a súa redución, reutilización, reciclaxe e outras
formas de valorización”.
Esta idea repítese cando nos obxectivos da lei se estabelece, no seu apartado e9): “fomentar a recollida
selectiva de residuos e a reutilización de produtos e materiais usados, a utilización de materiais
reciclados .. con tal fin, as normas fixarán obxectivos concretos de reducción“.
No que afecta á definición das competencias, recolle algunhas que non son especificamente incluídas
na lei 10/98 de Residuos, ou ben na lei de Envases e Residuos de Envases.
Así cando estabelece as competencias da Comunidade Autónoma de Galicia presenta como novidade,
no artigo 7 apartado h), a obriga, dos responsábeis da posta no mercado de produtos que polas
súas características se converten en residuos, de “elaboraren produtos que polas súas características
favorezan a prevención na xeración dos residuos faciliten, a súa valorización, así como constituír sistemas
integrados de xestión ou adoptar as medidas oportunas para garantir a súa correcta xestión”.
A importancia deste artigo radica na súa potencialidade para que respecto a calquera produto que
sexa posto no mercado galego teña o produtor que se responsabilizar tanto da xestión como do financiamento,
indo alén do previsto na lexislación estatal; tampouco pódense esquecer as posíbeis
alteracións do funcionamento do mercado que, pola aplicación desta norma de forma unilateral,
poidan alegar os interesados e que poden pexar o seu desenvolvemento.
Co relación as Entidades Locais a Lei galega entra na súa regulación máis polo miúdo, diferenciando
entre municipios e deputacións.
Os aspectos máis salientábeis e que non son recollidos abertamente na lei de residuos 10/98 son, co
relación os concellos, os seguintes:
– Chegar a acordos cos produtores de residuos comerciais para acadar a súa correcta xestión.
– Elaborar plans de xestión de residuos urbanos, segundo o estabelecido na lei e nos Plans
de residuos da comunidade.
– Exercer as competencias que, no seu caso, lles sexan atribuídas con carácter temporal
o permanente polas administracións competentes, mediante acordos ou calquera outro
instrumento administrativo. O exercicio destas competencias poderá levarse a cabo directamente
o a través da constitución de entes supramunicipais.
xestión de residuos urbanos nos concellos do Eixo atlántico
37