Xestion de residuos urbanos.pdf - Axencia de Ecoloxía Urbana do ...

36
– Autorización de traslado de residuos desde o a países da Unión Europea que estean regulados
no Regulamento (CEE) 259/93.
– Autorización dos traslados no interior do territorio do Estado así como a inspección e aplicación
do réxime sancionador dos traslados.
– Calquera outra competencia que non lles corresponda nin á Administración Xeral do Estado
nin ás Entidades Locais.
Entidades Locais:
– Competentes na xestión dos residuos urbanos, nos termos estabelecidos na propia Lei
10/98 de Residuos e nas normas que no seu caso sexan ditadas polas Comunidades Autónomas.
– Corresponde aos municipios, como servizo obrigatorio, a recollida, o transporte e polo
menos, a eliminación dos residuos urbanos na forma que estabelezan as respectivas Ordenanzas.
Con relación a planificación, a mesma lei determina, que os plans nacionais deberán ser o resultado
da integración dos diferentes plans autonómicos. Neles fixaranse os obxectivos específicos de redución,
reemprego, reciclado e outras formas de valorización e máis a eliminación. Incluirán as medidas
para conseguir os obxectivos, os medios de financiamento e os procedementos de revisión. A súa
duración será de catro anos.
Poderanse articular a través de convenios subscritos, no seu caso, entre a Administración Xeral do
Estado e as Comunidades Autónomas.
Hai que subliñar esta obriga de integrar os plans autonómicos no Plan español o que pode limitar as
actuacións, a través deste instrumento, do goberno central . Pero pola outra banda o uso dos instrumentos
financeiros contemplados no Plan danlle a posibilidade de favorecer determinadas actuacións
de xestión non contempladas nos Plans autonómicos.
Así mesmo a lei estabelece que os Plans autonómicos fixarán obxectivos específicos de redución,
reemprego, reciclado e outras formas de valorización e, finalmente, a eliminación. Incluirán as medidas
para chegar a estes os obxectivos, os medios de financiamento e os procedementos de revisión.
Neles incluiranse as cantidades de residuos producidos e estimaranse os custos das operacións de
prevención, valorización e eliminación. Tamén incluirán os lugares e instalación apropiados para a
eliminación dos residuos.
No referente á planificación de residuos polos entes locais a lei prevé a posibilidade de que o poidan
facer, sempre de acordo co previsto na lexislación e nos plans autonómicos.
Verbo dos residuos sólidos urbanos a lei, no seu artigo 20, fixa a obriga dos posuidores de residuos
urbanos de entregalos ás Entidades Locais, segundo sexa especificado nas respectivas Ordenanzas co
fin de que sexan reciclados, valorizados ou eliminados.
As entidades locais poderán entregar ditos residuos ao xestor autorizado para a súa valorización.
No caso particular de residuos urbanos distintos aos xerados nos fogares domésticos, as entidades
locais poderán obrigar aos seus posuidores a súa xestión.
Especialmente relevante é a obriga das entidades locais de implantar sistemas de recollida selectiva
dos residuos urbanos que posibiliten o seu reciclado ou outras formas de valorización, cando a po-
Estudos desenvolvemento sostible