Xestion de residuos urbanos.pdf - Axencia de Ecoloxía Urbana do ...

desenvolvemento sostible vol.1
2
A XEsTIón dos rEsIduos sólIdos urBAnos En GAlICIA
2.1. o Modelo CoMPetenCIal.
No estado español as competencias das diferentes comunidades que o conforman e do goberno central
veñen definidas na Constitución e nos Estatutos de autonomía e a súa aplicación faise a través
da lexislación xeral do estado e da lexislación autonómica.
A continuación recóllense os aspectos máis importantes, desde o punto de vista deste traballo, das
diferentes normativas que definen as competencias dos diferentes actores que participan na xestión
dos residuos sólidos urbanos.
2.1.1. lei 10/98 de residuos.
Dentro dos títulos competenciais do Estado destacan os seguintes: lexislación básica sobre protección
ao medio ambiente, ordenación dos rexistros públicos, comercio exterior e bases do réxime
xurídico das Administracións públicas. É esta pluralidade de títulos competenciais a que conflúe na
articulación da Lei 10/1998 de 21 de abril de Residuos.
Nesta Lei, entre outras cousas, fíxanse as competencias administrativas en materia de xestión de
residuos, que son as seguintes:
Administración Xeral do Estado:
– A elaboración dos plans nacionais de residuos.
– A autorización dos traslados de residuos desde o a países non pertencentes a Unión Europea.
– A inspección do citado réxime de traslados, sen prexuízo da colaboración que se poida
prestar pola Comunidade Autónoma onde estea situado o centro da actividade correspondente.
– A aplicación, no seu caso, do correspondente réxime sancionador.
– Estabelecer os requisitos das plantas, procesos e produtos da valorización, con especificación
das esixencias de calidade e da tecnoloxía a empregar (sen prexuízo das normas
adicionais de protección que diten as comunidades autónomas)
Comunidades Autónomas:
– A elaboración dos Plans autonómicos de residuos.
– A autorización, vixilancia, inspección e sanción das actividades de produción e xestión dos
residuos.
xestión de residuos urbanos nos concellos do Eixo atlántico
35