Xestion de residuos urbanos.pdf - Axencia de Ecoloxía Urbana do ...

20
Gráfico 12: Evolución PIBpm trimestral (a prezos correntes).
Fonte: elaboración propia a partir datos IGE.
A taxa de paro no segundo trimestre de 2010, de acordo co IGE-INE, ascende en España ao 20,1%,
atopándose Galicia cun 15,6% entre aquelas Comunidades Autónomas nas que existe menos paro
rexistrado.
Polo que respecta ao IPC como un dos principias indicadores de evolución, é preciso sinalar que mentres
que en España o índice en marzo de 2010 chegaba ao 107,273 (en base 2006), en Galicia era do
106,6, un 0,9%, inferior xa que logo ao reflectido a primeiros de ano. Neste senso, todo apunta a que
a caída do nivel xeral de prezos débese á do gasto dos fogares, magnitude que en 2009 reduciuse ao
61,4 % do PIB, en tanto que o gasto das administracións públicas elevouse ao 19,7%, o que sumou
un gasto en consumo final do 81,1% do PIB.
O IPC galego, durante o primeiro semestre de 2010, mantivo taxas interanuais de variación positivas
e, polo xeral, 1 ou 2 décimas superiores ás acadadas polo conxunto da economía española. Este semestre
de 2010 caracterizouse por unha certa estabilidade nos prezos, con taxas de variación que
oscilaron entre o 0,9% e o 1,8%.
Por outra parte, e no que atinxe ao agregado da demanda, as importacións de bens e servizos ascenderon
en 2009 ao 70,7% do PIB en tanto que as exportacións non superaron ao 54,8% do PIB.
No segundo trimestre de 2010, as importacións en Galicia incrementáronse un 7,5% mentres que as
exportacións o fixeron nun 22,6%, o que supuxo elevar o superávit da balanza comercial que se sitúa
en 636 millóns de euros, chegándose case a contía de 2009 Índice Conxuntura Caixa Galicia)
Segundo o IGE as exportacións incrementáronse, no primeiro semestre de 2010, o 18% acadando
os 7.387, 2 millóns de euros fronte o incremento das importacións neste mesmo período que foi do
9,4% cun total de 6.392,9 millóns de euros o que supón unha taxa de cobertura do 115,6% fronte a
española do 77,4%.
Estudos desenvolvemento sostible