Xestion de residuos urbanos.pdf - Axencia de Ecoloxía Urbana do ...

desenvolvemento sostible vol.1
Neste capítulo imos expoñer as principais conclusións deste traballo e no primeiro lugar manifestarmos
a gran dificultade que presenta o cambio de mentalidade que implica pór de novo a prevención
dos residuos nun primeiro plano. É certo que tanto a prevención da perigosidade dos produtos, tanto
do seu contido como do seu continente, vai avanzando así como tamén na redución dos pesos dos envases.
Pero a prevención “con maiúsculas” implica un cambio estrutural nas pautas de consumo e nas
de produción e, que nun mundo globalizado, son moitas as teclas que hai que tocar para conseguilo.
Sen embargo xa se apuntan ideas na búsquea dun consumo máis inmaterial cambiando o tipo de
necesidade a satisfacer e/ou medio empregado para a súa satisfacción e que permitan manter a
xeración de riqueza.
Hai que subliñar que as novas tecnoloxías de comunicación e información están a favorecer estes
procesos e actividades anque tamén poden estimular nun senso negativo outros consumos que non
favorezan a prevención.
Pensamos que as actuacións no eido da prevención han de utilizar todos os instrumentos posibles:
legais, técnicos e informativos pero, en especial, a educación e formación dos futuros cidadáns, amosándolles
as consecuencias das súas decisións de compra e produción.
As entidades locais poden, nesta liña, cooperar co seu exemplo tanto nas mencionadas decisións de
compra como nas de inversión así como noutras, no ámbito das súas competencias, explicando as
razóns das decisións adoptadas.
A segunda conclusión deste capítulo fai referencia á reciclaxe e valorización dos residuos que veñen
condicionadas pola xestión dos residuos urbanos e polo tanto polas decisións que neste eido son
tomadas polas diversas autoridades competentes así como pola situación de partida.
Nos capítulos anteriores expuxemos tanto a situación legal como a situación da xestión dos residuos
en no Norte de Portugal e en Galicia, así como os plans existentes que condicionan a súa evolución.
É neste campo da xestión dos residuos onde as entidades locais teñen a maior posibilidade de actuación
e é por isto que, a continuación, imos facer unhas consideracións sobre as accións que poden
levar a cabo para mellorala de maneira que se podan acadar os obxectivos de valorización dun xeito
sostible, baseándonos na situación relatada nos capítulos anteriores así como as consecuencias neles
obtidas. Isto o faremos de forma diferenciada para o Norte de Portugal e para Galicia.
8.1. ConCellos GaleGos do eIxo.
Así en Galicia as actuacións máis importantes abarcan os eidos da xeración de información sobre a
xestión dos residuos, o aproveitamento das sinerxías entre os entes locais, a racionalización e mellora
da calidade da recollida selectiva e das decisións de reciclaxe, a definición de infraestruturas e sistemas
que utilicen a tecnoloxía adecuada a cada situación, a utilización adecuada das taxas e prezos
dos servizos que permitan garantir a adecuada xestión e incentiven o comportamento responsable
dos cidadáns e a actuación das autoridades municipais no ámbito da súa competencia.
A continuación explicamos brevemente estas posibilidades de actuación, sen esquecer, que están interrelacionadas
e que actuación en todos os ámbitos mencionados permitiría obter case un óptimo
de xestión.
No primeiro lugar existe a carencia e polo tanto a necesidade, recollida en todos os documentos dos
que falamos anteriormente, de ter datos e estatísticas fiables da produción dos diferentes tipos de
xestión de residuos urbanos nos concellos do Eixo atlántico
183