Xestion de residuos urbanos.pdf - Axencia de Ecoloxía Urbana do ...

desenvolvemento sostible vol.1
8
ConClusIóns E rECoMEndACIóns
En su obra, Histoire des hommes et de leurs ordures: Du moyen âge à nos jours, afirma Catherine de
Silguy: “a historia do lixo confúndese coa dos homes e a súa civilización”.
Evidentemente tanto o tipo de residuos como o seu aproveitamento depende dos materiais cos
conforman e isto a súa vez das tecnoloxía de produción existentes en cada momento da historia e
dicir do desenvolvemento tecnolóxico e cultural de cada civilización
Durante a maior parte da historia da humanidade, nas sociedades sedentarias, aproveitábanse a
meirande parte dos refugallos tanto na agricultura, como na alimentación do gando ou ben reparando
os diversos instrumentos de diversa natureza encontrados neles.
Este aproveitamento, na sociedade occidental, fíxose fundamentalmente a través de organizacións
perfectamente estruturadas nuns casos (con escasa ou nula intervención das autoridades) e polo
emprego da imaxinación, como resultado da necesidade, noutros. Hoxe en día moita xente quedaría
abraiada se lles dixesen que no New York do século XIX os porcos, cabras, e cans eran os recicladores
dos restos de orgánica e doutros residuos que os seus habitantes botaban nas rúas. Ademais estes
animais servían de alimento aos máis desfavorecidos. Esta “tecnoloxía” de limpeza e reciclaxe das
rúas utilizábase tamén noutras grandes cidades.
No século XIX comeza con certo éxito, na sociedade occidental, a intervención das autoridades na
organización da xestión dos residuos urbanos, anque mantense determinadas estruturas informais 7
preexistentes. Pero non é ata ben entrado o século XX cando se comeza a realizar un reciclado consciente
fomentado polas autoridades e, ata entón, seguían a ser os ferrancheiros os que o levaban a
cabo polos seus rendementos económicos.
En determinados países coexisten a xestión formal e informal, especialmente en Centro América e
América do Sur, pero se pode ver algunha actividade das organizacións informais incluso en España
(Recollida do papel básicamente). Pero tamén temos exemplos de cidades onde soamente funcionan
estas organizacións como por exemplo no Cairo onde fracasou o intento de realizar unha recollida e
tratamento dos residuos a través de concesionarias. Na actualidade son as organizacións tradicionais
dos “zabbalines” as que recollen e reciclan o lixo xerado cun gran éxito xa que acadan case un 85%
de reciclaxe.
Pero non soamente sempre existiron, o longo da historia da humanidade, sistemas de recollida e
reciclado dos residuos senón que tamén se deu un sistema de vida que favorecía a prevención na
xeración dos residuos. Este sistema de vida durou practicamente ata finais da Gran Depresión, nos
EEUU, e uns anos despois da finalización da segunda guerra mundial en Europa.
7 Entendemos por organización informais informal ás organizacións de recollida e reciclaxe que non están
contratadas ou non teñen outorgada a concesión do servizo de recollida o reciclaxe pola administración
competente.
xestión de residuos urbanos nos concellos do Eixo atlántico
181