Xestion de residuos urbanos.pdf - Axencia de Ecoloxía Urbana do ...

18
1.2.3.1. Participación territorial.
A configuración física do territorio galego determina que a maior parte das variables socioeconómicas
amosen unha acusada dispersión territorial. Dentro do esquema espacial de desenvolvemento,
habería que ter en conta dúas vertentes: unha que se articula ao redor do Eixo Atlántico, como ámbito
de maior potencialidade e dinamismo, aínda que non sexa a protagonista exclusiva do desenvolvemento
territorial; e a outra, de carácter disperso, que se espalla ao longo do territorio.
Unha primeira diferenciación territorial, como antes se indicou, é a que distingue entre a Galicia Interior
e a Galicia Costeira. A primeira comprende a montaña interior que é a zona máis oriental onde se
achan as serras dos Ancares, do Courel, da Segundeira, de Queixa e de San Mamede; e as mesetas e
foxas interiores, entre elas as da Terra Chá, As Pontes, Sarria, Chantada e Lemos ao norte e Quiroga,
Maceda, A Limia e Verín ao sur así como os vales do Miño e do Sil. A segunda, é dicir, a Galicia Litoral,
comprende as chairas exteriores nas que destaca o chamado Escalón de Santiago, e as terras da costa
como a Mariña luguesa e as Mariñas Coruñesas ao norte e as Rías Baixas ao sur.
A distribución dos núcleos de poboación en Galicia, determinada en parte pola actividade económica,
centralízase no interior a partir das dúas capitais (Lugo e Ourense), mentres quen o litoral xira de
forma bipolar ao redor das dúas áreas metropolitanas de influenza (A Coruña e Vigo).
A participación por provincias e por cada un dos sete municipios mais importantes de Galicia, é a
seguinte (Índices de participación territorial; base:Galicia=100 %):
Táboa 5: Índices sectoriais de actividade económica nas cidades galegas do Eixo.
Municipios
Índice
Industrial
(incluída construción)
Índice
Comercial
(ao por maior
e ao por menor)
Índice Turístico
Índice de
Actividade
económica
A Coruña 9,69 14,23 14,95 14,41
Ferrol 1,56 2,68 2,16 2,37
Lugo 2,38 5,18 3,24 4,17
Ourense 2,22 5,13 3,40 4,63
Pontevedra 1,84 3,31 1,66 3,52
Santiago de Compostela 2,53 6,90 17,03 5,32
Vigo 10,04 16,24 11,72 13,00
Provincias
Índice
Industrial
Índice
Comercial
Índice
Turístico
Índice de
Actividade
económica
A Coruña 41,25 42,92 46,25 43,47
Lugo 15,85 11,99 9,90 13,58
Ourense 14,04 10,19 7,05 11,85
Pontevedra 28,86 34,90 36,80 31,10
Galicia 100 100 100 100
Estudos desenvolvemento sostible
Fonte: Elaboración propia, seguindo Atlas socioeconómico de Galicia de Caixanova 2009.