Xestion de residuos urbanos.pdf - Axencia de Ecoloxía Urbana do ...

desenvolvemento sostible vol.1
3 - Custos e financiamento dos residuos
Outro aspecto que vai mudar co incremento da complexidade da xestión é o relativo ó custo
desta.
O incremento do número de fraccións a recoller selectivamente así como as cantidades a tratar
van a incrementar os custos de forma máis ou menos notábel en función da solución adoptada.
Como xa dixemos anteriormente, o incremento no caso de chegarmos a seis fraccións pode
ser superior ao 50 % do custo actual, tendo en conta a recollida e o tratamento.
Este incremento, que deberá ser pagado polos cidadáns por unha o outra vía das que explicamos
nun capítulo anterior, debe xustificarse polos aforros que se produzan nos custos ambientais
xa que os derivados dos ingresos obtidos pola venda de materiais ou pola valorización
enerxética dedúcense agora e deduciranse no futuro dos custos totais.
Pero en medio do proceso de pagamento, consideramos que os municipios ou as entidades
que se constitúan para a xestión dos residuos terán que facer os pagos da xestión e utilizar
todos os instrumentos económicos dos que legalmente podan facer uso.
É evidente que as taxas terán que se adaptar á nova situación e experimentar unha suba, ademais
de modificarmos a súa forma actual, co fin de incentivarmos as medidas de prevención da
xeración dos residuos. Isto vai supor a necesidade dun pacto entre as forzas políticas.
Pero ademais é claro, á vista da normativa e da aplicación do principio de responsabilidade
do produtor, que unha importante fonte de financiamento vai ser a través dos SIX (sistemas
integrados de xestión) ou da xestión financiada, mediante outras figuras, polos produtores dos
produtos.
O desenvolvemento desta vía de financiamento, volve a necesitar de entidades de apoio aos
municipios e á administración competente da Xunta de Galicia, co fin de que lles dean información
elaborada de custos, rendementos e outros parámetros e situacións, que lles permitan
negociar adecuadamente cos correspondentes xestores dos SIX ou produtores individuais
estes pagos.
Por último dicir que a aplicación do novo Plan galego non vai ser doada xa que requirirá dun cambio
de mentalidade tanto do cidadán como das administracións, así como da posta en marcha dos necesarios
instrumentos de xestión solidaria e sinérxica e da definición e aplicación dos instrumentos
económicos axeitados para o financiamento dos novos labores de xestión, sen esquecer os medios e
coñecementos técnicos que permitan a presentación das solucións máis eficientes tanto ambiental
como economicamente. Neste sentido a aplicación da ferramenta coñecida com “Análise do Ciclo
de Vida” vai ser prioritaria, tal como se recolle na directiva marco, para unha adecuada definición
de fluxos a recoller separadamente así como para dar prioridades dentro dos diferentes sitemas de
valorización dos residuos.
xestión de residuos urbanos nos concellos do Eixo atlántico
163