Xestion de residuos urbanos.pdf - Axencia de Ecoloxía Urbana do ...

162
Pero ademais hai que considerar a previsión do Plan Estratéxico de Galicia 2010-2015 de impulsar
o crecemento demográfico polo que adquire maior importancia o sinalado sobre estas
medidas.
2 - recollida e tratamento
As medidas previstas no PXRUG así como as contidas no borrador da nova lei que vai dar corpo
a transposición da directiva van aumentar a complexidade da xestión, especialmente no caso
de que o mencionado borrador sexa aprobado.
A recollida dos residuos urbanos vai ter que aumentar o número de fraccións pudendo, no
caso extremo, chegar até seis (orgánica, plásticos, papeis, metais, vidro e resto) segundo se
interprete o borrador da mencionada lei e, no caso da aplicación do Plan, até un máximo de
cinco (orgánica, envases lixeiros, papel, vidro e resto). As anteriores fraccións hai que lles engadir
os residuos que cómpre levar ao punto limpo ou outros puntos de recollida como son as
baterías, os residuos farmacéuticos, os aparellos eléctrico e electrónicos, os téxtiles e outros
materiais.
É evidente que o primeiro afectado vai ser o cidadán de quén depende o éxito das medidas.
Alcanzalo obxectivos pasa pola súa colaboración; xa que logo fará falla explicarlle moi ben a
necesidade do seu esforzo e o contido do que del se agarda.
Tamén aumentará a complexidade dos tratamentos para conseguir a maior recuperación posíbel
dos materiais presentes nos residuos. Tanto a necesidade de cumprir cos obxectivos
relativos ao material biodegradábel que pode ser levado ao vertedoiro como o cumprimento
dos obxectivos de valorización da directiva marco de residuos e dos do propio PXRUG, fan
necesario o tratamento dos residuos orgánicos en maior medida que até agora así como da
fracción resto previa a valorización enerxética.
Todo isto implica un incremento de infraestruturas tanto de recollida como de tratamento.
Pero tamén implica unha maior complexidade desde un punto de vista técnico o que leva
consigo a necesidade de persoal cualificado nas diferentes entidades competentes na xestión.
Mais non todos os municipios poden facer fronte a estas necesidades (ámbalas dúas) e isto
condúcenos a necesidade de adoptar solucións que aproveiten as posíbeis sinerxías de traballar
de forma conxunta. Así tanto as fórmulas asociativas tales como as áreas metropolitanas,
mancomunidades e consorcios por unha banda como a creación de entes de apoio técnico
por outra poden facilitar a satisfacción de ditas necesidades.
Tamén a necesidade de coñecer a xeración de residuos e a súa composición, definición de
metodoloxías para a caracterización dos residuos, coñecer o estado das artes para a recollida
e tratamento, ter equipos de optimización de rutas e outras actividades como a definición de
medios de control das contratas, a harmonización de datos económicos etc son funcións que
poden e deben ser realizadas por estas oficinas de apoio e non deixalas en mans das contratas,
que velarán polos seus intereses e non polos dos cidadáns, e sen o coñecemento e dirección
activa dos procesos non se poderá realizar a xestión máis eficiente para o medio e para os
cidadáns.
Estudos desenvolvemento sostible