Xestion de residuos urbanos.pdf - Axencia de Ecoloxía Urbana do ...

desenvolvemento sostible vol.1
Gráfico 35: Produción residuos en cidades galegas do Eixo en 2009 e 2020.
Fonte: Elaboración propia a partir datos IGE.
Tamén se fixo a hipótese do Plan dunha redución das achegas dun 10 % por habitante e ano no ano
2020.
Os resultados amosan unha diminución das cantidades xeradas xa que e maior a redución das achegas
de lixo que o crecemento da poboación, a pesar de estimarse un incremento moi superior no
conxunto das cidades do Eixo que no total de Galicia.
A continuación exponse un resumo deste capítulo “do futuro da xestión dos residuos en Galicia e nas
cidades do Eixo”, recollendo nel as principais ideas.
1 - Xeración e tipoloxía dos residuos urbanos.
Por efecto dos probábeis incrementos das rendas, da progresiva urbanización da poboación,
dos novos roles da muller, das circunstancias familiares, do tamaño dos fogares así como dos
cambios nas pautas do consumo, factores todos eles interrelacionados, débese producir un
incremento na xeración de residuos por habitante e ano, fenómeno este que pode ter maior
incidencia nalgunhas das cidades galegas do Eixo dada a súa evolución.
Un segundo motivo de incremento da produción ven dado polo incremento de poboación de
Galicia que non será moi apreciábel polo que esta causa non terá a importancia da anterior;
emporiso, e de novo nas maiores cidades do Eixo, o incremento de poboación pode ter maior
un peso similar ao do incremento da xeración per cápita.
As mesmas causas do incremento por habitante son as responsábeis dun, moi probábel, cambio
na tipoloxía dos residuos urbanos cunha diminución na xeración de materia orgánica e un
incremento dos residuos doutra natureza e compostos de materiais cada vez máis complexos.
Soamente unha aplicación rigorosa das medidas de prevención previstas no PXRUG poderían
modificar o crecemento nas cantidades producidas por habitante e ano. De aquí a importancia
dunha adecuada implantación destas en todos os municipios así como do seu seguimento.
xestión de residuos urbanos nos concellos do Eixo atlántico
161