Xestion de residuos urbanos.pdf - Axencia de Ecoloxía Urbana do ...

16
1.2.3. A actividade económica.
Historicamente, a actividade económica de Galicia estivo fortemente condicionada pola disposición
de recursos naturais (entre eles os que chamamos características agro-ecolóxicas), condicionamento
que orixinou a presenza dunhas diferenzas moi acusadas no desenvolvemento entre as provincias do
interior e as costeiras. As actividades englobadas no sector primario foron as predominantes na economía
galega, desde o punto de vista da ocupación, até os anos sesenta do século XX. Na agricultura
e nas familias rurais o autoconsumo e o reemprego de materiais tiñan unha grande importancia. A
perda constante de activos, o recuamento do peso da agricultura na actividade económica galega e
os cambios do modelo produtivo agrario son a causa de que desde hai 50 anos, tanto o autoconsumo
como o reemprego de produtos e residuos da produción veñan experimentando unha forte tendencia
á baixa.
No ano 1930 o VEB agrario e pesqueiro representaba o 31,3% do total, mentres que no ano 2000 a
súa importancia descendera até o 6,5 % e no 2005 até o 4,75% do total, para situarse finalmente no
2009 no 3,6%.
Gráfico 9: Evolución porcentaxes sectoriais no PIB.
Fonte: elaboración propia a partir datos IGE.
Considerando conxuntamente as actividades gandeiras e agrícolas, a produción a prezos de produtor
foi no 2002 un 63,5% para as actividades gandeiras e un 36,5% para as agrícolas. Mención específica
debe facerse da produción forestal que en 2002 achegou a ser o 45,5% do total español. A produción
galega multiplicouse por máis de 3 desde 1973, mentres que a produción nacional soamente aumentou
un 40%.
No sector secundario salienta a alta contribución da construción, cunha riqueza xerada, no 2005, do
11,7% do total; porcentaxe que practicamente se mantén en 2009, non obstante o descenso experimentado
no 2008, ao redor do 2% no VEB e do 6,9% no emprego. A enerxía que no 2005 mostraba
unha riqueza xerada do 3,4%, descendeu lixeiramente até situarse no 2009 no 3,2% do total. A industria,
pola súa parte, ven mantendo practicamente o seu nivel de actividade, cun lixeiro descenso
no VEB.
Polo que respecta ao sector terciario, os servizos mantiveron unha evolución positiva sendo o sector
con mais contribución ao PIB e o que mantén o mais alto número de ocupados.
Estudos desenvolvemento sostible