Xestion de residuos urbanos.pdf - Axencia de Ecoloxía Urbana do ...

156
– Aproveitar sinerxías entre os entes locais a través de mancomunidades e consorcios co
fin de rebaixar os custos de operativa e xestión e incrementando o poder negociador cos
obrigados ao pago da xestión.
– Estabelecer a composición dos residuos xerados co fin de determinar quen está obrigado
a pagar pola súa xestión, de acordo coa normativa vixente.
– Estabelecer as necesarias taxas para cubrir os custos de xestión dos fluxos remanentes,
procurando que incentiven unha adecuada separación dos fluxos que teñen que ser pagados
por outras vías.
– Chegaren os rexedores dos diferentes partidos políticos aos necesarios acordos para evitaren
que o pago da xestión de residuos sexa motivo de confrontación.
Todo o anterior implica un desenvolvemento urxente da liña estratéxica número 8 do Plan: “Incremento
da planificación territorial e impulso dos novos instrumentos para a xestión sostíbel de residuos”.
E aquí onde o Eixo Atlántico, particularmente no que atinxe aos municipios galegos aínda que tamén
aos de Portugal, pode facer un importante labor de promoción e axuda dada a súa capacidade de
integración, pudendo estabelecer sistemas de información e asistencia técnica para a creación de
unidades de xestión de residuos e de negociación cos responsábeis dos pagamentos, á busca de estabelecer
unha liña de acción coordinada en todo o territorio.
Por último no capítulo de seguimento e monitorización do Plan, explica que este debe ser un proceso
estruturado, planificado e dinámico, para avaliar de forma continúa o estado de execución das actuacións,
o grao de cumprimento dos obxectivos e os cambios de tendencias ó longo do tempo.
Estabelece os elementos do Plan de seguimento, subliñando a necesidade de monitorizar os resultados
cuantitativos, a evolución xeral de implantación de actuacións e investimentos, e o seguimento
do nivel de sensibilización e coñecemento da poboación.
Define novos instrumentos para o seguimento e participación, estabelecendo indicadores de xestión
e a creación dunha base de datos estatísticos e propón a creación dun portal de residuos que facilite
o intercambio de información e a coordinación entre técnicos.
Podemos concluír que o Plan presenta un programa coherente de actuacións e obxectivos, en si
mesmo, e cun potencial de cambio na xestión dos residuos importante, que afectará aos municipios
esencialmente así como a súa xestión dos residuos comerciais.
Este cambio poderá implicar un importante incremento nos custos de xestión para o cidadán, ben
desde o seu rol de consumidor ben no de cidadán segundo sexa a orixe do financiamento destes
custos de xestión.
Tamén e certo que este custos son consecuencia da internalización dos custos externos da produción
e do consumo que facemos.
Un elemento importante é a prudencia do Plan para o desenvolvemento do cambio de fraccións a
recoller xa que non estabelece obxectivos moi ambiciosos no nivel da recollida selectiva de orgánico
en canto a cantidades, aínda que si é máis ambicioso nos obxectivos de calidade das recollidas.
O Plan pode ter, desde noso punto de vista, dous problemas importantes:
– derivado da lexislación básica que traspoña a directiva marco de residuos se cambia ou
fixa novos obxectivos con respecto aos do Plan galego e as obrigas que estabeleza en materia
de recollida selectiva.
Estudos desenvolvemento sostible