Xestion de residuos urbanos.pdf - Axencia de Ecoloxía Urbana do ...

desenvolvemento sostible vol.1
O custo total das actuacións prevido é de 509.870.810,63 €, coa seguinte distribución
– Xunta de Galicia: 6,19 %
– Administración Central do Estado: 1,01 %
– Unión Europea: 2,60 %
– Entidades Locais: 1,39 %
– Sistemas Integrados de Xestión: 4,49 %
– Investimento Privado: 84,32 %
Polo tanto o peso dos investimentos recaen basicamente nas empresas que, segundo parecese deducir
do Plan, farán a construción e explotación das instalacións. Pero o custo da explotación das
instalacións terá que ser pagado polos municipios. Para elo será necesario que estes poidan achegar
fondos ben mediante taxas municipais polo servizo prestado, ben por pago dos SIX ou ben por ingresos
doutra natureza. De acordo cos principios que informan a normativa deberían ser as taxas e os
pagos dos sistemas integrados de xestión os que lles financiasen.
Temos polo tanto dous momentos a teren en conta: o momento do investimento e o momento da
explotación.
No primeiro hai que aclarar o papel de Sogama, xa que, de acordo con estipulado no capítulo III da
Lei Galega de Residuos de 2008, lle corresponde “a xestión dos residuos sólidos urbanos a partir do
momento que son depositados nas estacións de transferencia ou plantas de tratamento previstas no
plan de xestión de residuos urbanos, coas operacións de transporte, almacenamento, valorización,
tratamento, comercialización e depósito controlado de residuos”.
Segundo isto podemos deducir que, xa que a meirande parte dos residuos utilizará as plantas de
transferencia, a responsabilidade das actividades de xestión serán de Sogama, e polo tanto haberá
de facer os investimentos necesarios, se cadra polo menos os das novas plantas de transferencia e
do Complexo Ambiental do Sur, ben directamente (coa posibilidade dun concurso cos investimentos
feitos polo adxudicatario) ben a través das posibilidades que lle da o apartado 3 do artigo 10. Esta
posibilidade é a de participar en empresas con obxecto social idéntico ou análogo.
O resto dos investimento en infraestruturas, tanto de mellora como de nova construción, que segundo
o Plan será financiado por capital privado, correspóndelle facelas aos entes locais. Outra cousa é
que o fagan mediante unha concesión que obrigue á empresa adxudicataria a facer o investimento.
Pero é no momento da explotación onde poden xurdir os problemas, dada a situación das arcas municipais
xunto coa aversión que mostran os políticos a incrementar, e nalgúns casos a estabelecer, as
taxas pola xestión dos residuos.
Nos momentos actuais as débedas dos municipios, tanto con Sogama como coas empresas concesionarias
de xestión de residuos, están a crecer e como consecuencia, a curto prazo, pode diminuír a
calidade do servizo dando o mínimo necesario e, cara ao futuro, incrementar a prima de risco a pagar
para que a empresa privada tome decisións e invista.
Polo tanto, para que o Plan sexa viábel é necesario tomar as medidas necesarias para diminuír dito
risco, é dicir que os particulares podan de recuperar os investimentos o que podería axudar a toma
das seguintes:
xestión de residuos urbanos nos concellos do Eixo atlántico
155