Xestion de residuos urbanos.pdf - Axencia de Ecoloxía Urbana do ...

154
– Plan de prevención de residuos: con nove accións de actuación e onde defínese como
acadar a redución dun 10 % na xeración per cápita de residuos. Diferenza entre accións
de produción, compra e uso responsábeis así como aquelas encamiñadas a evitar que
os residuos xerados se incorporen a recollida (autocompostaxe ) . As fontes previstas de
financiamento están máis repartidas que no caso anterior entre todas as administracións,
incluída a europea e os SIX.
– Fomento da recollida selectiva da fracción orgánica: inclúe seis accións e non soamente
define obxectivos de recollida senón tamén de autocompostaxe, de fomento das infraestruturas,
de fomento da calidade do compost e outras. A maioría do financiamento
previsto ten natureza privada.
– Plan de fomento da recollida selectiva de fracción de envases: con catro accións para
mellorar a cantidade e calidade da recollida, potenciar as recollidas comerciais en grandes
produtores,e implantar instrumentos de avaliación estatística. O financiamento prevese
maioritariamente dos SIX con achegas minoritarias dos entes locais.
– Fomento da prevención e a recollida selectiva da fracción outros: con cinco liñas de acción
a idea é desenvolver os contidos dos convenios cos SIX de aparellos eléctrico e electrónicos
e baterías así como fomentar recollidas específicas de téxtil e voluminosos. Tamén
fomento de acordos para recollida de aceites vexetais no sector hostaleiro cos pequenos
comercios. A maioría do financiamento ten como orixe os SIX e o capital privado.
– Plan de ampliación e mellora dos puntos limpos: contempla sete actuacións co fin de estender
a rede actual, ampliando o servizo que dan e facilitando espazos para incrementar
a reutilización e reparación e servindo como lugares de formación da poboación. O financiamento
previsto e maioritariamente da Unión Europea e da Xunta de Galicia.
– Ambientalización da administración: inclúe tres actuacións para o fomento da compra
verde, programas de prevención e recollida selectiva nas administracións públicas e pulo
á ambientalización de actos públicos, co fin de garantir neste ámbito unha xestión da actividade
baseada en criterios ambientais e de sostíbel e finalmente influír nas tendencias
do mercado mercé ao potencial de compra. O financiamento é compartido entre a Xunta
e os entes locais, con capital privado.
– Incremento da planificación territorial e impulso de novos instrumentos para a xestión de
residuos: con seis actuacións con especial fincapé do fomento da organización territorial
en materia de xestión de residuos, impulso de plans territoriais, cooperación entre SIX,
fomento de medidas económicas que favorezan a prevención e a recollida selectiva, desenvolvemento
de instrumentos para mellorar o coñecemento de tecnoloxías de xestión
de residuos e implantación dun sistema de información estatística de residuos urbanos;
todo o anterior co fin de fomentar a organización local e territorial a través do fomento
das estruturas territoriais, introducindo criterios de xestión sostíbel dos residuos e adaptado
a realidade local. O financiamento é, maioritariamente, da Xunta de Galicia.
– Planificación da rede de plantas de tratamento: con sete actuacións que xa temos explicadas
anteriormente, e que inclúen as melloras en infraestruturas existentes e a construción
de novas para o transporte e tratamento dos residuos, xunto co selado de vertedoiros. O
financiamento é maioritariamente privado.
Estudos desenvolvemento sostible