Xestion de residuos urbanos.pdf - Axencia de Ecoloxía Urbana do ...

desenvolvemento sostible vol.1
obxectivos prevíndose un total 1.167.911 Tm. En canto a composición dos residuos, admite o Plan
unha carencia de datos polo que considera unha composición constante. Isto último pódese amosar
arriscado xa que conforme aumenta a renda e a urbanización así como o cambio nos tamaños dos
fogares e a pirámide da poboación, diminúe a materia orgánica xerada, aumentando envases e outros
inorgánicos.
No capítulo sete se define o desenvolvemento temporal do Plan así como os instrumentos organizativos.
En canto o desenvolvemento temporal, considera tres fases:
– Inicio do Plan: de 2010 a 2013, coa posta en marcha das accións inmediatas, a estabilización
da xeración per cápita, inicio das accións para o desenvolvemento de instrumentos de
organización territorial, inicio dos trámites para a construción das novas plantas, realización
das melloras nas existentes, e posta en marcha da instalación de Cangas do Morrazo.
– Primeira fase de consolidación do Plan: 2014 a 2017 coa posta en marcha do Complexo
de Tratamento de Residuos do Sur e posta en marcha das primeiras plantas locais de compostaxe.
– Segunda fase de consolidación do Plan: de 2018 a 2020 comezándose esta fase cunha revisión
do avance das medidas e obxectivos do Plan e posíbel adaptación do Plan. Execución
da segunda fase de instrumentos do Plan e despregue do resto das infraestruturas.
No relativo aos instrumentos organizativos define a necesidade de desenvolver novos elementos
organización para impulsar e dinamizar o Plan, dando maior alcance as unidades con competencia na
materia de residuos da Consellería de Medio Ambiente e dotalas de recursos suficientes; tamén manifesta
a necesidade de incrementar a coordinación entre a administración autonómica e o resto das
administracións, desenvolvendo novos mecanismos de comunicación e participación, fomentándose
as tecnoloxías de información e comunicación.
Como se pode apreciar volve a xurdir, como xa ocorrera cando comentamos o contido do borrador
de anteproxecto de lei de residuos e solos contaminados (estatal) e no Plan Nacional Integrado de
residuos, a necesidade de crear instrumentos para obter unha adecuada información que constitúe
a base de calquera toma de decisións razoábel.
Remata o Plan con dous capítulos: o dedicado ás liñas estratéxicas para o desenvolvemento do Plan
e o capítulo nove que trata sobre o seguimento e monitorización do Plan, constituíndo as primeiras
o centro do Plan e clasificándose segundo:
– Tipo de actuación: sobre a cidadanía, de xestión, organización ou loxística, infraestruturas
– Tipo de xestión: prevención, recollida selectiva, tratamentos ou destino final.
– Fluxo de residuo considerado.
definíndose de quén é a competencia das actuacións e os obxectivos a conseguiren, o seus custos e
as fontes de financiamento.
As liñas estratéxicas previstas son as seguintes:
– Plan de comunicación e educación ambienta: contén sete accións e entre outro obxectivos
fixase o de formar os responsábeis políticos e técnicos das entidades locais sobre a xestión
dos residuos, así como promover o traballo en rede. Para o seu financiamento previu unha
achega maioritaria dos Sistemas Integrados de Xestión (SIX).
xestión de residuos urbanos nos concellos do Eixo atlántico
153