Xestion de residuos urbanos.pdf - Axencia de Ecoloxía Urbana do ...

152
– Valorizar un 25% da materia orgánica, 60% do vidro, 50% do papel cartón, 50% de envases
lixeiros, 55% de todo o material de envases.
– Valorizar un 20% da fracción outros e un 20% de voluminosos. Reutilizar ou reciclar das
recollidas especiais un 65%.
– Incrementar a valorización enerxética
– No ano 2017 deberase tratarse o 100% dos residuos que sexan enviados ó vertedoiro.
Como no caso dos sistemas de recollida selectiva propostos no Plan, os obxectivos deberán modificarse
para acadar, como mínimo, os que sexan fixados na transposición da directiva.
Para chegar a estes obxectivos son necesarias novas infraestruturas de tratamento, definidas no
apartado 8: Liñas estratéxicas dentro da liña 9: “Planificación da rede de plantas de tratamento”.
Aínda que posteriormente enunciaremos estas liñas, pola súa importancia vamos a reproducir aquí
o que o Plan prevé.
Así en materia de infraestruturas previde:
– Ampliación de plantas de transferencia: catro novas plantas.
– Mellora das plantas de tratamento existentes: considera actuacións en o Complexo Medioambiental
de Cerceda (Sogama), en a Planta de tratamento de residuos de Nostián,
Complexo Medioambiental de tratamento de residuos e asimilábeis de Barbanza, e o correspondente
a Mancomunidade de Bueu. As actuacións encamíñanse a instalar en Cerceda
unha planta de compostaxe e mellorar a recuperación de envases procedentes do
contedor de resto, en Nostián e Barbanza a separar o tratamento da orgánica procedente
de selectiva do procedente de resto e outras melloras para a recuperación de envases
e dos sistemas de aireación. En Cangas do Morrazo está prevista a incorporación dunha
planta de compostaxe para tratar a materia orgánica procedente da recollida selectiva e
algunhas melloras da transferencia existente.
– Novas Plantas de Compostaxe da Fracción Recollida Selectivamente: Construción de una
planta de 40.000 toneladas/ano outra de 15.000 toneladas /ano, dúas de 10.000 t/a, unha
de 7.000 t/a e 3 de 5.000 t/a. Ao anterior súmase unha serie indefinida de plantas de
2.000 t/a xunto con autocompostaxe e o compostaxe comunitario.
– Plantas de selección de envases lixeiros: prevense dúas novas plantas de envase lixeiros
de 16.000 t/a e 5.000 t/a esta última sen situación definida.
– Novas plantas de tratamento da fracción resto: ademais das xa comentadas, prevese un
novo complexo medioambiental no sur de Galicia que incorporaría unha planta de compostaxe,
a de 40.000 t/a, unha planta de envases lixeiros a de 16.000 t/a, unha planta
de tratamento de resto cunha liña de recuperación de envases e outra de valorización
enerxética.
Como se pode ver non se abandona a valorización enerxética pero se apoia de forma singular o tratamento
da materia orgánica recollida selectivamente, pero cun desenvolvemento prudente, que se
manifesta na programación temporal do Plan.
No apartado 6.3 do Plan, calcúlanse as cantidades previstas de xeración de residuos nos diferentes
escenarios, incluíndo unha diminución na xeración no ano 2020 dun 10 % per cápita de acordo cos
Estudos desenvolvemento sostible