Xestion de residuos urbanos.pdf - Axencia de Ecoloxía Urbana do ...

150
directiva marco de residuos, recollendo as ideas que xa expuxemos anteriormente sobre xeración de
residuos, xerarquía de tratamento, protección do medio
Pero sobresae unha idea de forma máis explícita que nos outros documento : ”a necesidade de facer
emerxer e conseguir transmitir aos cidadáns os impactos asociados a xestión dos residuos, tanto os
vencellados . ás nosas pautas de consumo e estilos de vida” como os asociados ao uso de recursos
e ao impacto sobre o medio.
En definitiva, os obxectivos xerais perseguidos son os seguintes:
– Estabilizar a produción de residuos, no que atinxe ao peso, volume, perigo, diversidade,
separando a produción dos residuos do crecemento económico: se pretende un redución
dun 10 %, per cápita, no ano 2020, respecto a xeración do 2009.
– Fomentar a recollida selectiva en orixe, como estratexia para obter materiais de mellor
calidade con saída no mercado da reciclaxe.
– Potenciar a xestión e recollida en orixe da fracción orgánica dos residuos municipais. Con
esa finalidade fomentarase unha recollida de calidade con impropios inferiores o 15 %,
aínda que se di que cun máximo do 20 %.
– Potenciar as recollidas comerciais en orixe.
– Potenciar o mercado da reciclaxe, co uso de instrumentos económico e da compra pública.
– Garantir a complementariedade de modelos: axustar a recollida e o tratamento ás características
dos territorios, elixindo os máis adecuados economicamente e desde o punto de
vista ambiental e da valorización.
– Desenvolvemento das infraestruturas de tratamento precisas para acadar os obxectivos.
– Minimizar o vertido final en depósitos controlados, en especial de fracción biodegradábel
e materiais recuperábeis.
– Implicar as persoas nas actuacións da xestión dos residuos, maximizando a implicación e
os coñecementos da poboación e dos xestores.
– Garantir a calidade e transparencia da información, mediante o uso dunha metodoloxía e
terminoloxía común que permita a comparación da información.
– Acomodar o sistema de xestión de residuos ao sistema de xestión urbana, como un máis
e relacionado cos outros.
– Previr a contaminación do solo e rexenerar os solos degradados.
En canto ao obxectivo de garantir a complementariedade dos modelos de recollida e tratamento, o
Plan prevé os seguintes modelos de recollida que, dunha maneira importante, van a condicionar os
custos e as obrigas dos cidadáns:
- Áreas dispersas:
o Autocompostaxe da orgánica.
o Recollida en contedores agrupados en puntos de paso:
Resto.
Envases lixeiros.
Papel e cartón.
Estudos desenvolvemento sostible