Xestion de residuos urbanos.pdf - Axencia de Ecoloxía Urbana do ...

desenvolvemento sostible vol.1
Tamén cómpre ter en conta que de continuar o proceso de despoboamento das zonas rurais e interiores,
os investimentos necesarios hoxe en día serán, probabelmente, infra-utilizados nun futuro
bastante próximo, o que obriga a deseñalos coa meirande cautela posíbel ou a adoptarmos medidas
de fomento da poboación na áreas que a perden e de diminución da dispersión do hábitat, de xeito
que acade unha distribución máis homoxénea da poboación no territorio.
Non podemos esquecer que os países cunha distribución territorial máis homoxénea, como Alemaña,
conseguen un mellor aproveitamento dos recursos cunha menor presión sobre o territorio.
Un último tema a considerar é o proceso de avellentamento da poboación que se está a dar en Galicia
e que ten importantes aspectos analizábeis en relación ao consumo e polo tanto á xeración dos
residuos, posto que cambia a tipoloxía e as cantidades xeradas de cada tipo. Este proceso vense a
sumar aos cambios debidos a unha diminución da poboación dos que xa falamos.
Así, Galicia presenta un índice de avellentamento 1 de 136,7, no ano 2009 cando no ano 1998 fora de
94,7 o que significa un forte incremento da idade media da poboación. No que se refire ás cidades galegas
do Eixo Atlántico no seguinte gráfico se pode apreciar que, salvo a situación de avellentamento
diferencial de Monforte de Lemos, moi por enriba da media galega, e algo menos pronunciados nos
casos de Sarria e Ferrol, o resto das cidades están ao redor da media de Galicia.
Gráfico 8: Índice de avellentamento nas cidades galegas do Eixo.
Fonte: elaboración propia a partir datos IGE.
1 O Índice de Envellecemento defínese como o cociente entre a poboación con máis de 60 anos e a poboación
con menos de 20.
xestión de residuos urbanos nos concellos do Eixo atlántico
15