Xestion de residuos urbanos.pdf - Axencia de Ecoloxía Urbana do ...

148
accións necesarias e construír as infraestruturas contempladas no Plan así como aos responsábeis do
financiamento destes custos.
O Plan comeza cunha diagnose da situación actual e, como resultado da mesma, conclúe o seguinte:
- Os niveis de xeración de residuos municipais son baixos e, polo tanto, un bo punto de partida.
En calquera caso será necesario adoptar medidas para modificar a tendencia ó alza
como resultado da urbanización e do incremento do nivel devida.
- É necesario incrementar o nivel de información referente á recollida e xeración de recursos.
- Bos resultados na recollida do vidro e non así en papel cartón e envases lixeiros.
- Elevado porcentaxe de impropios na recollida selectiva da bolsa amarela.
- Colapso da capacidade das instalacións de tratamento actuais, polo que é necesario o
desenvolvemento de novas estruturas.
- Modelo de tratamento moi centralizado, alto custo enerxético en transporte.
- A elevada dispersión territorial existente en Galicia non fai aconsellábel un único modelo
de xestión.
- Baixo nivel de desenvolvemento de recollidas a grandes xeradores.
- Escasa xestión da fracción orgánica dos residuos.
o Unha alta proporción vai o vertedoiro de Sogama.
o Tírase unha experiencia negativa dos resultados da xestión onde se levou a cabo unha
recollida separada.
o Hai mester de mellorar as recollidas actuais para demostrar a viabilidade deste tipo
de recollida.
o Cómpre ampliar a xestión in situ.
- É necesario desenvolver unha organización central e territorial para a xestión dos residuos.
o Sistemas organizativos específicos para a xestión dos residuos: provincias, mancomunidades.
o Estas organizacións permitirían o desenvolvemento e mantemento dun sistema específico
de xestión de residuos municipais e sistemas de capacitación de técnicos locais,
así como impulsar e mellorar a xestión e facilitar o estabelecemento de instrumentos
de tipo económico con esa finalidade.
- É necesario mellorar a implantación e funcionamento do puntos limpos.
Entendemos que a diagnose, en termos xerais, resulta acertada e coincide cos datos recollidos neste
documento sobre a situación actual.
Cómpre facer, emporiso, unha consideración no caso da recollida e reciclado de papel cartón e envases
lixeiros; as recollidas municipais dan un resultado moi baixo tanto en calidade (no caso de
envases lixeiros a peor de España, en media, salvo Madrid) como polas cantidades recollidas por
habitante. Sen embargo hai que engadir o xestionado polos comercios do que, probabelmente non
haxa ningunha estatística fiábel sendo necesario cambiar esta situación.
Estudos desenvolvemento sostible