Xestion de residuos urbanos.pdf - Axencia de Ecoloxía Urbana do ...

desenvolvemento sostible vol.1
do Estado segundo se estipula no artigo 5º do Real decreto 1481/2001, de actuacións para reduciren
os residuos biodegradábeis co destino ao vertedoiro de maneira que sexan alcanzábeis os obxectivos
do apartado 2 deste artigo. En particular estas medidas será de reciclaxe, compostaxe e outras formas
de valorización como produción de gas e dixestión anaerobia.
Incorpora tamén a definición de residuo biodegradábel e fixa os obxectivos a cumprir, de acordo co
estipulado no Real Decreto. Agora mesmo o obxectivo marcado é que a cantidade total en peso, de
residuo biodegradábel, que chegue os vertedoiros (sen estabilizar) non sexa superior ao 35 % do
producido no ano 1995. Este obxectivo tense que cumprir no ano 2016.
Do análise dos datos do deste plan pódense obter as seguintes conclusión que non deixan de seren
semellantes ás obtidas do resto do documento :
– é necesario mellorar, clarificar e normalizar a metodoloxía para a cuantificación dos residuos
urbanos, en xeral, e dos biodegradábeis en particular,
– cómpre rebaixar a xeración de residuos biodegradábeis pasando dun 70% a un 60% en
España,
– só unhas poucas comunidades dispoñen de datos da composición dos residuos sólidos
urbanos nos diferentes procesos nos que son tratados.
En canto o financiamento das actuacións correspóndelle este ás comunidades autónomas e ás entidades
locais no ámbito das súas competencias e de acordo coas dispoñibilidades orzamentarias.
Tamén aos axentes económicos contribuíren segundo o contido da lexislación vixente e o ministerio
financiará as actuacións que sexan fixadas como prioritarias.
Como resumo xeral do plan podemos dicir que, como nel se recoñece, carece de información adecuada,
polo que non é un plan preciso.
Tampouco é un plan nun senso estrito, xa que poucas veces define as responsabilidades para levar a
cabo as medidas, non cuantifica, en xeral, accións e tampouco custos.
Pero o que si é certo e que marca as tendencias e as liñas de acción e, deste xeito, amósanos o camiño
do futuro. Un futuro onde unha parte importante da xestión vai recaer nas entidades locais.
Como remate deste apartado hai que dicir que pensamos que é moi probábel que, unha vez trasposta
a directiva, se teña que facer un novo plan de acordo coa nova legalidade vixente e que esperamos
que sexa un plan máis estruturado e que resolva as carencias deste.
6.2.1.2. Plan de Xestión de Residuos Urbanos de Galicia (2010-2020).
Este Plan encontrase en fase de tramitación para a súa definitiva aprobación e unha vez aprobado
terá carácter vinculante para as administracións públicas e particulares de acordo co contido do artigo
21º “Efectos”, da vixente lei de residuos de Galicia.
Pola súa importancia para os municipios galegos do Eixo imos facer un análise mais polo miúdo.
A diferenza do Plan Nacional, tanto a estrutura como o contido responden ás características que se
esperan dun documento desta natureza; en efecto, ademais de definir os principios de actuación e
os obxectivos xerais, defínense e cuantifican obxectivos específicos, así como as medidas a levar a
cabo, os responsábeis das actuacións e os custos necesarios para acadar os obxectivos, realizar as
xestión de residuos urbanos nos concellos do Eixo atlántico
147