Xestion de residuos urbanos.pdf - Axencia de Ecoloxía Urbana do ...

146
Tamén fíxanse uns indicadores para o seguimento das accións pero sen determinar responsabilidades
de subministro de información nin un calendario para definir a metodoloxía de elaboración nin
a data de posta en marcha.
Nos seguintes apartados do Plan analízanse e defínense a situación, obxectivos e medidas doutros
residuos, entre os que son de especial interese (polas consecuencias económicas e responsabilidade
de xestión) para os municipios os de baterías e acumuladores, os dos aparellos eléctricos e electrónicos,
os de demolición e construción e, finalmente, os dos lodos das depuradoras municipais.
Con respecto a situación actual o primeiro que afirma o Plan, verbo das baterías é que as súas previsión
que ampliábeis aos aparellos eléctricos e electrónicos, é a falta de datos fiábeis polo que dificilmente
se pode facer un diagnóstico da situación, tanto na recollida como na reciclaxe.
E aínda que no caso do aparellos eléctrico e electrónicos se dean datos, non existe unha metodoloxía
de verificación e control, datos e metodoloxía que se achan sometidas ás entidades xestoras dos sistemas
integrados de xestión (creados polo decreto 208/2005 de 25 de febreiro) e parte interesada.
A experiencia das comunidades autónomas e das entidades locais con estes sistemas e cos seus xestores
son moi negativas, tanto desde os aspectos de prestación do servizo de recollida e do reciclado,
como no pago dos custos que as entidades locais teñen.
No propio Plan maniféstase que “[Se] detecta[ ] que non en todos os casos se está a proceder á
descontaminación dos aparellos que conteñen compoñentes perigosos antes de procederen a súa
valorización”
É verdade que a orixe dos problemas pode estra no propio decreto, polo que un obxectivo deste Plan
debería haber sido a modificación do decreto.
Dentro dos obxectivos previstos para estes residuos, baterías e aparellos eléctrico e electrónicos, ten
especial interese o de “ampliación do número de puntos de recollida en instalacións municipais ..”. A
consecución deste obxectivo implica, para non agravar a situación das arcas municipais, unha definición
clara, ben nos acordos coas empresas xestoras dos sistemas coas autonomías ou ben cos entes
locais, dos custos a pagar aos municipios.
Desde unha perspectiva autonómica a obriga dun seguimento, por unha entidade independente contratada
pola administración e pagada polos sistemas, dos destinos dos residuos recollidos é esencial
e alíñase con outro obxectivo do Plan que é o fomento do control da xestión diferenciada dos residuos
perigosos.
O resto dos obxectivos van na liña de incrementar a porcentaxe dos que son recollidos nestes circuítos
específicos e a súa importancia radica no feito de que canto maiores sexan as cantidades que
vaian neles, menor será o custo de recollida e vertido para os entes locais. Por iso é necesario un
incremento do control da xestión que se está a facer e isto pasa por unha adecuada información.
Non comentamos máis sobre esta parte do Plan xa que afecta máis ás comunidades autónomas e o
ministerio competente do Goberno central. Tampouco imos entrar na análise do Plan sobre os residuos
de depuradoras, xa que non constitúen o obxecto deste libro. Para rematar este breve percorrido polo
Plan Nacional Integrado de Residuos, faremos unha breve análise da estratexia de desvíos de residuos
biodegradábeis de vertedoiros e finalmente terminaremos cunhas consideracións finais sobre o Plan.
No apartado 18º do Plan recóllense dita estratexia. Comeza cunha introdución na que se recolle a
obriga de facer un programa conxunto, entre administracións autonómicas e a Administración Xeral
Estudos desenvolvemento sostible