Xestion de residuos urbanos.pdf - Axencia de Ecoloxía Urbana do ...

desenvolvemento sostible vol.1
afecta os residuos urbanos de orixe domiciliaria, tipo de refugallos que, cómpre recordar,
son xestionados polos municipios, baixo a orientación das comunidades autónomas.
– a necesidade de incrementar os sistemas de control, inspección e vixilancia.
– a necesidade de articular, para levar adiante este Plan, procedementos para unha coordinación
máis efectiva entre as administracións e sectores implicados.
Tanto os principios como estes problemas xa foron comentados noutros apartados e polo tanto pasamos
a enumerar os obxectivos xerais do Plan:
– Modificar a tendencia actual de crecemento da xeración de residuos
– Erradicar o vertido ilegal.
– Diminuír o vertido e fomentar de forma eficaz: a prevención, a reutilización, a reciclaxe
da fracción reciclable, así como outras formas de valorización da fracción de residuos non
reciclábeis.
– Completar as infraestruturas de tratamento e mellorar o funcionamento das existentes.
– Obter estatísticas fiábeis en materia de infraestruturas, empresas xestoras e produción e
xestión de residuos.
– Avaliar os instrumentos económicos e en particular os fiscais que se puxeron en práctica
para promoveren cambios nos sistemas de xestión existentes. Identificar a conveniencia
da súa implantación de xeito harmonizado en todas as comunidades autónomas.
– Consolidación dos programas de I+D+i.
– Reducir a contribución dos residuos ao Cambio Climático, fomentando as medidas con
maior potencial de redución de dito efecto.
Hai que salientar o recoñecemento, unha vez máis, da falta dunha información fiábel o que fai que
os obxectivos particulares do Plan teñan que se pór en “cuestión”. Así mesmo, como antecedente do
que se plasmou máis tarde no borrador do anteproxecto de lei de residuos e solos contaminados,
identifícase a necesidade de harmonizar as medidas que tomen as comunidades.
A continuación, o Plan, pasa a describir a situación da xestión dos diferentes residuos con relación ao
cumprimento da normativa vixente e ás instalacións e procesos existentes, facilitando datos sobre
todo o anterior.
Neste mesmo capítulo analiza a reutilización, a reciclaxe e a valorización. As conclusións son negativas
e salienta a baixa calidade das recollidas selectivas, pola cantidade de impropios que inclúen,
así como a mala calidade dos produtos resultantes do tratamento da materia orgánica, aspectos que
xa comentamos neste traballo anteriormente. Por último subliña a gran cantidade de residuo que se
segue a levar a vertedoiro.
Fixa a continuación os tanto de forma cualitativa como cuantitativa os obxectivos incluíndo os de
redución do material biodegradable a ser levado o vertedoiro e que fixa en 3,6 millóns de toneladas
no ano 2016.
As medidas a estabelecer, segundo o plan, co fin de lograr estes obxectivos, constitúen un conxunto
de accións cun carácter voluntarista xa que non podemos encontrar no texto unha metodoloxía de
actuación, unha valoración das accións, un calendario, as medidas para financialas, nin os que teñen
que as financiar.
xestión de residuos urbanos nos concellos do Eixo atlántico
145