Xestion de residuos urbanos.pdf - Axencia de Ecoloxía Urbana do ...

144
de requisitos comúns entre as Administracións competentes e os sectores afectados, mellorando os
intercambios de información”.
Como se pode interpretar da lectura deste parágrafo, a primeira cousa que expresa é o carácter estratéxico
do Plan e o interese en harmonizar as actuacións das diferentes administracións competentes,
cousa que xa comentamos como un obxectivo do “Borrador do anteproxecto de lei de residuos e
solos contaminados” que foi presentado case dous anos despois da aprobación do Plan.
Ademais no acordo do Consello dise que o Plan no cumprimento da vixente lei de residuos, ten que
ser o resultado da integración dos Planes autonómicos, e que foi elaborado desta maneira.
Sen embargo cando se analizan os obxectivos e determinadas obrigas que se estabelecen, con carácter
xeral, non son o resultado da integración senón a incorporación dos obxectivos e obrigas,
definidos os primeiros e lexisladas as segundas, na directiva marco de residuos. Matiza, o Plan, con
respecto as obxectivos, que son valores medios e que nunhas comunidades se conseguirán antes e
noutras máis tarde. Isto é así porque até que se faga a transposición da directiva non se pode obrigar
as Comunidades Autónomas a conseguir ditos obxectivos.
O Plan Nacional Integrado de Residuos inclúe os residuos domésticos e similares, os residuos de
lexislación específica, os solos contaminados, ademais dalgúns residuos agrarios e industriais non
perigosos que, aínda que non teñan lexislación específica, son relevantes pola súa cantidade e a súa
incidencia no entorno. O Plan inclúe a “Estratexia de Redución de Vertido de Residuos Biodegradábeis”,
o que ademais de cumprir cunha obriga legal, serve para prolongar a vida dos vertedoiros e
diminuír o impactos sobre o medio, segundo o explica o Plan.
No Plan afirmase que a política en materia de residuos debe alicerzarse na aplicación dun conxunto
de principios que na práctica supón:
– Promover a correcta xestión do conxunto dos residuos, diminuír a súa xeración e impulsar
as prácticas máis adecuadas para a súa xestión.
– Estabelecer prioridades nas opcións de xestión desde a prevención, reutilización, reciclaxe,
valorización enerxética e por último a eliminación.
– Que todos os axentes implicados desde as administracións públicas aos axentes económicos
e sociais, pasando polos consumidores e usuarios, asuman a súa cota de responsabilidade
en relación cos residuos.
– Dispor de infraestruturas suficientes para garantir que os residuos son xestionados de maneira
adecuada e no posíbel preto do lugar da súa xeración.
A continuación o Plan describe a situación xeral da xestión dos residuos en España, apuntando como
problemas a resolvermos os seguintes:
– a elevada porcentaxe de residuos que aínda están a ser levados o vertedoiro.
– a falta de información sobre a xeración e características dos residuos así como da súa xestión,
información que é necesaria para adoptar medidas e obxectivos realistas.
– a necesidade de articular modelos, por parte das administracións, de xestión eficiente que
permitan cumprir coas obrigas e obxectivos legais derivada da múltiple normativa que
Estudos desenvolvemento sostible