Xestion de residuos urbanos.pdf - Axencia de Ecoloxía Urbana do ...

142
pagado polo consumidor vía prezo do produto, aínda que inicialmente pódanse producir algúns desaxustes
e que non se poda, de forma inmediata, repercutir estes custos nos consumidores.
Un efecto adicional que se pode conseguir mediante a aplicación deste principio e que o consumidor,
ademais de outros efectos que teña sobre as decisións de compra, acabe por decatarse do efecto que
sobre su poder de compra ten a xeración de residuos derivado do seu consumo. Para isto é necesario
que este custo sexa visible para o consumidor, cousa que até agora non ocorre.
Pero para poder facer uso deste instrumento é necesario que sexan definidos os produtores obrigados
a cumprir dito principio e para elo o anteproxecto define que será o Goberno de España o que
aprobe, mediante as oportunas disposicións,a ampliación da responsabilidade do produtor dun produto
que co seu uso se converte en residuo. Así mesmo determina as finalidades de dita ampliación
que deberá ser unha das seguintes: promover a prevención, mellorar a reutilización ou mellorar o
reciclado e a valorización dos residuos
Para a aplicación desta responsabilidade ampliada se establecen posíbeis medidas e obrigas ós axentes
económicos e entre outras está a posibilidade de atribuír a responsabilidade, total ou parcial, da
organización da xestión dos residuos o produtor do produto do que estes procedan.
O establecemento destas medidas terá en conta a súa viabilidade técnica e económica, e o conxunto
de impactos ambientais, sociais e sobre a saúde humana e respectará a necesidade de garantir o
correcto funcionamento do mercado interior.
Na lexislación galega (lei 10/2008) estaba tamén a ampliación dos produtos sometidos a responsabilidade
do produtor, pero os produtos, aos que este réxime xeral ha de ser aplicado, han de ser
incluídos nunha lista que hai que aprobar regulamentariamente, polo goberno galego.
Até agora non foi publicada ningunha lista e polo tanto estas obrigas soamente aplican aos produtos
ou fluxos de produtos que xa o estaban pola normativa básica.
Xurde, do contido deste artigo, se o goberno galego terá a capacidade de determinar que produtos
deberán cumprir con novas obrigas, de ser aprobado o anteproxecto nos termos aquí expresados.
Outros aspectos son considerados tamén no anteproxecto de lei, sobre os produtores do produto e
as súas posibles responsabilidades e capacidade de actuación, pero estes aspectos non inciden máis
do explicado ate agora no financiamento das entidades locais.
O contido do borrador de anteproxecto de lei de residuos e solos contaminados é moito máis amplo
do comentado aquí, pero nos centramos nos aspectos que, pensamos, son máis relevantes para xestión
dos residuos desde unha perspectiva autonómica e de entidade local.
Como resumo do visto neste apartado de lexislación se pode destacar o seguinte:
– No primeiro lugar, nun terreo máis conceptual podemos dicir que:
o hai unha tendencia a previr a xeración de residuos que informa todos os documentos e a
normativa europea e española, encamiñando as medidas neste senso.
o existe a vontade de desenvolver unha sociedade da reciclaxe, no que se impoña o máximo
aproveitamento dos residuos; isto é outras das constantes que están a definir as
medidas a adoptarmos para a xestión dos residuos.
o o principio da responsabilidade do produtor imponse definitivamente como unha vía
para incentivar a prevención da xeración dos residuos así como unha vía de financia-
Estudos desenvolvemento sostible