Xestion de residuos urbanos.pdf - Axencia de Ecoloxía Urbana do ...

138
En efecto, segundo na vixente lei de residuos: “A Administración Xeral do Estado, mediante a integración
dos respectivos Plans autonómicos de residuos, elaborará diferentes Plans de residuos, nos que
se fixarán os obxectivos específicos de...”.
No novo redactado queda como segue: “A Administración Xeral do Estado, previa consulta ás Comunidades
Autónomas, elaborará... o Plan Nacional marco de xestión de residuos que conteña a
estratexia xeral da política de residuos, as orientacións e estrutura á que se deben axustar os plans
autonómicos, así como os obxectivos mínimos a cumprir de prevención, preparación para a reutilización,
reciclado, valorización e eliminación”.
Parece que o obxectivo deste artigo e acadar a harmonización, tanto na estrutura como nas liñas de
actuación dos plans autonómicos, deixando liberdade ás comunidades autónomas para fixaren os
obxectivos a partir dos mínimos que sexan estabelecidos no Plan Nacional. Pero o verdadeiro protagonista
da elaboración dos plans e das estratexias de actuación, pasaría a ser agora a Administración
Central do Estado.
No que respecta a planificación municipal podería entenderse que de voluntaria convertese en obrigatoria
de acordo co seguinte texto: “As entidades locais, no marco das súas competencias, elaborarán
programas de xestión de residuos, consonte a, e coordenados con, o Plan Nacional marco e cos
plans autonómicos de xestión de residuos”.
Se finalmente este borrador é aprobado conforme está, a lei galega terá que cambiar o artigo da
planificación das entidades locais xa que deixa á vontade destas que teñan ou non unha planificación
da xestión dos residuos.
Do resto dos instrumentos para levar a cabo a aplicación das políticas o mais significativo é a creación
da comisión técnica de residuos, co fin de fomentar a cooperación e colaboración entre as administracións
públicas competentes en materia de residuos, na procura de criterios comúns na xestión
dos residuos. Nesta comisión estarán representadas as comunidades autónomas e os entes locais
e poderanse crear grupos de traballo onde participen persoas expertas alleas á administración. En
canto aos instrumentos económicos se regula a necesidade de que sexan adoptados de forma harmonizada
se son quen de causar problemas o mercado interior.
A aplicación dos principios e das políticas están encamiñadas a acadar a valorización dos residuos e
en especial a súa reciclaxe, previndo medidas tais como o estabelecemento e apoio de redes de reutilización
e reparación, o uso de instrumentos económicos, o requisitos das licitacións (entendese que
das administracións públicas), fixación de obxectivos cuantitativos e outros como a recollida separada.
En particular manda facer recollidas separadas, cando sexa factíbel e adecuada e fixa os seguintes
obxectivos:
– Antes do ano 2015 deberase facer unha recollida separada para, polo menos, os seguintes
materiais: papel, metais, biorresiduos, plástico e vidro. Engade que os sistemas de recollida
xa existentes poderán adoptar a recollida separada á que se refire o parágrafo anterior.
– As entidades locais habilitarán espazos, estabelecerán instrumentos ou medidas para a
recollida separada de residuos domésticos e, no seu caso, comerciais aos que é preciso daren
unha xestión diferenciada, ora sexa polo seus riscos ou para facilitaren o seu reciclado.
A situación derivada desta implantación terá importantes consecuencias, tanto económicas como de
adopción de novos usos e costumes tanto por parte das entidades municipais como dos cidadáns.
Estudos desenvolvemento sostible