Xestion de residuos urbanos.pdf - Axencia de Ecoloxía Urbana do ...

desenvolvemento sostible vol.1
como a separación, previo o tratamento, do resto dos compoñentes susceptíbeis de recuperación
aínda que non fosen recollidos selectivamente. (Artigo 13º. Valorización)
En canto a autosuficiencia e proximidade na xestión dos residuos, se pretende racionalizar a creación
e utilización das infraestruturas existentes e futuras, mediante a creación de unha rede integrada de
instalacións de valorización e eliminación, en colaboración coas comunidades autónomas e si fose
necesario con outros estados membros. Isto último cambia no borrador de setembro onde a colaboración
se fará cos estados membros da Unión e a racionalización farase no seo da Comisión Técnica,
afirmando que o principio de autosuficiencia e proximidade non significa que España deba posuír
a gama completa de instalacións de valorización no seu territorio. E como consecuencia con maior
razón no caso das autonomías
Se complementa o anterior coa limitación da posible oposición das comunidades autónomas ao uso
das súas instalacións e en particular quedaría suprimido o artigo, contido na vixente lei de residuos
española, que da a posibilidade de oposición o seu uso para residuos que proveñan de diferente comunidade
autónoma cando a planta de tratamento fose de titularidade pública ou se financiase con
fondos públicos.
Hai que recoñecer que introducir racionalización pode ter efectos positivos,en particular, pode amortecer
os custos de xestión e polo tanto o desembolso a ser feito polos cidadáns.
Co respecto o resto das políticas salientar que amplíanse as obrigas respecto o acceso a información
previndo a participación dos cidadáns na elaboración de Plans e programas de residuos así como na
súa avaliación ambiental, no borrador de xuño, desaparecendo o artigo que recollía esta participación
no borrador de setembro. Aquí soamente cabe dicir que esperamos que volva a aparecer dada a
importancia da concienciación do cidadán que se incrementa coa súa implicación nos procesos que
lle afectan.
O derradeiro principio da política se residuos é o relativo os custos da xestión dos residuos, que terán
que correr pola conta do produtor inicial dos residuos, polo seu posesor actual ou polo anterior posesor,
estabelecendo que estes custos poderán ser sufragados, parcial ou totalmente, polo produtor del
produto do que proceden os residuos e que os distribuidores poidan compartir os custos. Finalmente,
obriga a que os custos da xestión dos residuos estean correctamente identificados e cuantificados
e entendemos que serán definidos polas administracións competentes na xestión e dentro do ámbito
da súa competencia .
Para a aplicación destes principios o anteproxecto define os instrumentos da política de residuos, que
segundo el son: o programa de prevención de residuos, os plans e programas de xestión de residuos,
a avaliación de plans e programas, as medidas e instrumentos económicos e a Comisión Técnica de
residuos.
Os programas de prevención teñen personalidade propia neste anteproxecto de lei, incrementando a
súa importancia fronte a lexislación actual, e lexisla a obriga de estabelecer obxectivos de prevención
e as medidas necesarias para acadalos. Son a administración xeral do estado e das comunidades autónomas
as responsábeis da súa elaboración e avaliación periódica. As administracións locais poden
incorporar nos seus plans medidas de prevención pero cómpre pensar que, dado o ámbito das súas
competencias, as posibilidades efectivas de actuación se reducen moito.
Pero é en materia da planificación da xestión dos residuos onde se producen os maiores cambios
dende o punto de vista competencial.
xestión de residuos urbanos nos concellos do Eixo atlántico
137