Xestion de residuos urbanos.pdf - Axencia de Ecoloxía Urbana do ...

132
6.1.2. outra normativa europea.
A directiva marco completase con outra normativa específica que regula os diferentes sistemas de
tratamento que se aplican aos distintos tipos de residuos e en particular aos residuos sólidos urbanos.
Podemos considerar as máis salientábeis desas normas a Directiva 99/31/CE de vertido de residuos.
A importancia desta directiva, destinada a previr ou reducir os efectos ambientais negativos dos vertidos
de residuos, e en particular polo que respecta ás augas superficiais, ás subterráneas, aos solos,
á atmosfera e á saúde humana, reside nos límites que nela se para o vertido de materia orgánica sen
estabilizar. Así no seu artigo 5 determina as diferentes datas límites así como as máximas cantidades
de residuos biodegradábeis que poden ser levados a vertedoiro sen tratamento previo. Para o ano
2014 soamente un máximo dun 35 % dos residuos biodegradábeis que en 1995 foron levados a vertedoiro
poderanse levar dito ano (en peso). No mesmo artigo se prevé unha posíbel demora de 4 anos
no caso que no país membro, no ano 1995, fosen levados máis do 85 % dos residuos o vertedoiro. No
artigo 6 obrigase a que os residuos antes do seu vertido teñan que ser tratados.
É claro que estes artigos van ter que mudar a xestión dos residuos que se está a facer en Galicia, en
particular porque nestes momentos unha gran parte dos residuos van directamente ao vertedoiro
de Cerceda, sen unha estabilización ou un tratamento previos e, polo tanto, non se está a cumprir o
criterio de verter un máximo do 35 % en peso da materia biodegradábel (sen tratamento).
As actuacións necesarias para cumprir con esta directiva terán que ser levadas a cabo pola comunidade
autónoma e polos municipios e o financiamento destas actuacións serán unha obriga dos
municipios, que deberán utilizar os instrumentos legais existentes para acadar os recursos necesarios
para esa finalidade.
Outra Directiva 94/62/CE de envases e residuos de envases, considera aos residuos de envases, xa
que a pesaren de estar incluídos dentro dos RSU teñen unha lexislación específica. Nela se definen os
produtos que se poden considerar envases e se estabelecen obxectivos cuantitativos que os estados
membros deben alcanzar nuns determinados prazos. Neste caso, a directiva xa modificou a recollida
das entidades municipais e agora a súa influencia no futuro ven dada polas modificacións que a
directiva marco de residuos, na súa transposición á lexislación española, poda determinar. Tamén,
si se fixan novos obxectivos de reciclado ou valorización dos envases, poderíase afectar ao futuro da
xestión municipal.
Existen outras directivas que afectan á xestión dos residuos, tales como a directiva 2000/76/CE relativa
a incineración dos residuos, cun carácter marcadamente técnico. A tendencia cara ao futuro neste
eido virá dada pola elección de alternativa para o tratamento dos residuos e fundamentalmente nun
plan de custos.
6.1.3. outros documentos europeos.
Existen outros documentos europeos que tamén poderían influír no futuro da xestión dos residuos,
principalmente polo seu contido indicativo, nalgún caso normativo, do camiño que se pretende recorrer
na Unión Europea no terreo do tratamento dos residuos.
Así temos a comunicación da Comisión de 21 de decembro de 2005 “Un paso adiante no consumo
sostíbel dos recursos” (COM(2005) 666).
Nesta comunicación establécense orientacións e descríbense medidas destinadas a diminuír as presións
sobre o medio, derivadas da produción e xestión dos residuos. O enfoque da Comisión, que
Estudos desenvolvemento sostible