Xestion de residuos urbanos.pdf - Axencia de Ecoloxía Urbana do ...

desenvolvemento sostible vol.1
Gráfico 5: Número de concellos galegos por densidades.
Fonte: elaboración propia a partir datos IGE.
Como se pode ver, a moda da distribución é a dos municipios cunha densidade maior de 25 Hab./
Km 2 e menor de 50 Hab./Km 2 o que supón o 9,66% da poboación galega e outro 5,96% entre 25 Hab./
Km 2 e 10 Hab./Km 2 o que xa da unha idea das dificultades para levarmos adiante unha xestión doada
nestas zonas.
Sen embargo a densidade nos concellos do Eixo é moi superior e a moda da distribución sitúa entre
unha densidade de máis de 250 Hab./Km 2 e 100 Hab./Km 2 , o que facilita a xestión nestes municipios.
Con seren importantes as diferenzas de densidade en Galicia, o problema agrávase se temos en conta
que esta poboación está repartida en máis de 29.000 núcleos de poboación, o que supón unha elevada
dispersión do habítat.
Se consideramos a clasificación tradicional dos núcleos de poboación en función do seu número de
moradores, é dicir, se chamamos urbanas aos que teñen máis de 50.000 habitantes, semi-rurais a
aqueles que teñen máis de 10.000 e rurais ao resto, resulta que temos en Galicia un total de 998.749
persoas que moran no medio urbano, nun total de 7 cidades, o que supón o 35,72% da poboación e o
2,22% dos municipios galegos; 1.015.775 que o fan no medio semi-rural nun total de 60 concellos, o
que supón un 36,33% da poboación e o 19,05% dos concellos. Por último o 27,95% da poboación vive
no medio rural, é dicir, 785.565 persoas nun total de 248 concellos, é dicir, o 78,73% destes. Pódese
deducir destas cifras a complexidade que pode supor a xestión de residuos, complexidade que ven
incrementada polo número das entidades de poboación e polos hábitos de vida.
Co obxecto de ter en conta estes factores na planificación da xestión dos residuos, a Xunta de Galicia
recalculou o número de entidades de cada tipo mediante uns criterios de poboación, xeográficos e
socioeconómicos, operación que levou a identificar novas vilas rurais, mentres que outras antigas
vilas perderon dito carácter en termos estatísticos. Ao termos en conta máis parámetros, con criterios
de racionalidade, conséguese unha mellor modelización da realidade, como ocorreu neste caso.
O resultado da aplicación destes parámetros foi o seguinte: once municipios pasaron de ser rurais a
semi-rurais cunha poboación de 70.176 habitantes; asemade sete municipios que totalizan 72.395
moradores pasaron a ter natureza rural. Isto quere dicir que o total da poboación rural pasou a ser
783.784, o que supón un 28,03% do total, quedando o semi-rural cunha poboación de 1.013.556
moradores, o 36,25% do total.
xestión de residuos urbanos nos concellos do Eixo atlántico
13