Xestion de residuos urbanos.pdf - Axencia de Ecoloxía Urbana do ...

desenvolvemento sostible vol.1
6
o FuTuro dA XEsTIón dE rEsIduos En GAlICIA
A evolución da xestión dos residuos sólidos urbanos vén condicionada polas liñas definidas pola normativa
europea así como as definidas nos diferentes “programas de acción comunitarios en materia
de medio ambiente”.
En particular condicionan as actuacións a directiva 1999/31/CE relativa o vertido de residuos así
como a directiva 2008/98/EC sobre residuos, coñecida como directiva marco de residuos.
O anterior hai que engadir a lexislación de cada país (e o xeito en que as mencionadas directivas son
traspostas nela) así como os Plans nacionais de residuos. No caso de España hai que sumar ademais
os efectos das lexislacións e dos seu Plans de residuos autonómicos.
Unha vez estabelecidas as diferentes liñas de actuación a partir do análise realizado dos diferentes
documentos mencionados, temos que considerar os condicionantes existentes para a súa aplicación
así como as accións de diversa natureza que, levadas a cabo polas autoridades autonómicas e os
municipios, poden facilitar a devandita aplicación. Estas actuacións poden ser tanto de tipo político
como técnico.
A continuación imos facer unha relación dos aspectos esenciais contidos na directiva marco de residuos
e outros documentos publicados pola Unión Europea cara a xestión dos residuos sólidos urbanos,
sempre desde o noso punto de vista.
Feito isto, faremos un estudo independente do marco español e galego, por unha parte e do portugués
por outra parte.
6.1. o MarCo euroPeo.
6.1.1. A directiva marco de residuos.
A directiva marco europea parte duns principios entre os cales os máis salientábeis pola súa influencia
no tema que estamos a tratar son os seguintes:
1. O principio de que quen contamina paga.
2. A xestión dos residuos débese facer coa garantía dun alto grao de protección ao medio e á
saúde humana, tanto polo produtor como polo posuidor.
3. A ampliación da responsabilidade do produtor no deseño e na produción de bens, que han
de ter en conta e facilitar o uso eficiente dos recursos ao longo do todo o seu ciclo de vida,
sen devir porén unha ameaza á libre circulación dos bens no mercado interno.
4. O de precaución e da acción preventiva.
5. Autosuficiencia, dentro da Unión Europea, para a eliminación e recuperación dos residuos e
facilitar cos estados membros pódanse alcanzar individualmente ese obxectivo.
xestión de residuos urbanos nos concellos do Eixo atlántico
129