Xestion de residuos urbanos.pdf - Axencia de Ecoloxía Urbana do ...

118
– Informar á poboación.
– Transparencia do sistema en custos e ingresos.
– Infraestrutura axeitada.
– Análise previo das consecuencias da súa implantación.
– Reforzo da inspección e dos sistemas de multas.
– Adaptación gradual das taxas.
Remataremos este apartado co afirmación de que, independentemente do tipo de taxa empregada,
é necesario estabelecer sistemas de control da adecuación do servizo prestado, tanto en termos de
calidade, como desde o punto de vista dos efectos ambientais e do custo do servizo, e informar dos
resultados aos cidadáns.
Un exemplo deste control é o estabelecido nos Países Baixos denominado “Afval Monitor” alicerzado
en:
– Medidas da protección do medio, a través da consecución dos diferentes obxectivos ambientais
postos en relación cos obxectivos de xestión (Por exemplo: separación en orixe).
– Custos: identificación dos custos necesarios para dar o servizo e atinxir os obxectivos ambientais.
– Servizo prestado, en función da calidade técnica do servizo e a satisfacción dos cidadáns
con el.
Como conclusións deste capítulo podemos extraer as seguintes:
– As administracións e os cidadáns están interesados no coñecemento dos custos da xestión
dos residuos. No caso dos primeiros coa finalidade de planificar adecuadamente e de poder
calcular as taxas a cobrar ao cidadán polo servizo e ao produtor do produto cando sexa
responsábel do financiamento da xestión; no caso dos segundos para comprobaren que
se fai unha correcta administración dos recursos que paga a través dos impostos, taxas e
repercusión de conceptos como o punto verde ou similares.
É por isto polo que:
– É necesario estabelecer unha metodoloxía para calcular os custos de xestión dos residuos,
facilitando as comparacións entre os diversos sistemas de xestión.
– Hai que implantar sistemas de recollidas de datos que permitan ter a información adecuada
de cantidades xeradas por cada tipo de residuo así como obter os custos de xestión, unha
vez estabelecida a metodoloxía de cálculo de custos.
– Hai que incluír na definición dos custos todos os conceptos, entre eles os do persoal das
administracións así como aqueles custos de uso de medios que teñen prezo no mercado.
– Hai que ter ne conta os custos ambientais co fin de internalizalos, nos casos en que isto
sexa posíbel e desde logo para a toma das decisións de xestión mais axeitadas.
– Debe procederse á busca das sinerxías na xestión dos residuos co fin de reducir os custos
económicos e ambientais da súa xestión, mediante os acordos entre as administracións
competentes.
Estudos desenvolvemento sostible