Xestion de residuos urbanos.pdf - Axencia de Ecoloxía Urbana do ...

desenvolvemento sostible vol.1
En canto a utilización das taxas e impostos faise, cada vez máis, baixo o principio do “contaminadorpagador”
co fin de influír na conduta de empresas e fogares, tanto na liña de modificaren as súas pautas
de produción e consumo como na de xeraren produtos menos contaminantes e con menos refugallos.
A aplicación dos anteriores instrumentos (taxas e impostos) pódese facer de moitas maneiras; aquí
imos seguir a clasificación que fai a Asociación de Cidades e Rexións para o Reciclado e Xestión Sostíbel
dos Recursos.
Segundo esta Asociación distínguense cinco subcategorías:
– Réxime impositivo xeral: baseado en impostos que conforman o orzamento xeral da entidade.
– Contribucións específicas: impostos deseñados para a recollida do residuo doméstico
pero os ingresos procedentes del se incorporan ao orzamento da entidade sen obriga de
ser aplicados á xestión dos residuos.
– Taxa fixa: cantidade calculada para cubrir o custo do servizo e que se cobra por igual aos
veciños.
– Taxa variábel non relacionada coa cantidade producida dos residuos: cantidade diferente
segundo determinados parámetros e que en conxunto serve para cubrir o custo do servizo.
Como parámetros temos o tipo de inmoble, a súa superficie, o custo do aluguer…
– Taxa variábel relacionada coa produción de residuo: fixase en función do servizo e do seu
custo pero basease en parámetros vinculados coa produción e a xestión dos residuos,
como por exemplo o volume, mediante venda de bolsas o cubos, frecuencia da recollida
ou peso do recollido (a través de sistemas de pesada electrónica).
Nos países de Europa aplícanse combinacións destes sistemas como a que se recolle na seguinte
táboa:
Táboa 47: Precio medio das taxas de residuos nos concellos galegos.
IMPostos e taxas utIlIZadas
Instrumento Principal País onde é utilizada
Taxa ligada a produción de residuo
Austria, Bélxica, Finlandia, Alemaña,
Luxemburgo; Suecia, Suíza
Taxa non relacionada coa produción de residuo Bélxica, Francia, Holanda, Irlanda, España
Taxa Fixa Bélxica, Francia, Dinamarca, Irlanda
Imposto Específico Francia, Grecia, Italia, Portugal e España
Impostos Xerais Reino Unido
Fonte: Asociación de cidades e rexións para o reciclado.
As taxas variábeis non son doadas de estabelecer xa que poden favorecer respostas dos cidadáns
para evitalas, como xa acontecera hai uns anos en Cataluña onde deuse o “turismo das bolsas de lixo”
cando as persoas no camiño do traballo deixaban noutros concellos o seu lixo. Para a súa introdución
deben darse condicións previas tales como:
xestión de residuos urbanos nos concellos do Eixo atlántico
117