Xestion de residuos urbanos.pdf - Axencia de Ecoloxía Urbana do ...

116
4.2.3. a situación en europa.
táboa 46: Precio medio das taxas de residuos nos concellos galegos.
Municipio taxa (€/tn)
Carballo 54,50
Coruña (A) 66,86
Ferrol 52,68
Ribeira 21,45
Santiago de Compostela 104,13
Lugo 84,00
Viveiro 107,65
Sarria 56,60
Monforte de Lemos 11,09
Carballiño (O) 61,20
Ourense 100,00
Barco de Valdeorras (O) 74,28
Verín 25,00
Lalín 24,40
Pontevedra 18,60
Vilagarcía de Arousa 60,00
Vigo 39,00
Fonte:elaboración propia.
Os sistemas de financiamento en Europa están a adquirir, de xeito progresivo, cada vez meirande
complexidade, en particular polas posibilidades enunciadas nas directivas europeas e polas posteriores
transposicións nas normativas de cada país. Xa vimos algún exemplo no caso español e galego coa
normativa de envases e outros decretos.
Pero non soamente aumenta a complexidade polas posibilidades mencionadas de máis fontes de
financiamento, senón tamén pola crecente ligazón entre os instrumentos usados, as cantidades xeradas
de residuo e os diversos fluxos que os compoñen.
Os ingresos utilizados correntemente para o financiamento da xestión dos residuos son os seguintes:
– Taxas.
– Partidas de ingresos non vencelladas aos residuos.
– Prezos públicos pola prestación de servizos en competencia cos xestores privados cando a
xestión non é de competencia municipal (refugallos comerciais e industriais).
– Venda de produtos (compost e outros materiais recuperados).
– Venda de enerxía e calor.
– Outros subsidios.
– Ingresos procedentes da aplicación do principio da responsabilidade do produtor, tema
xa comentado amplamente. Na aplicación deste principio, como xa vimos, a participación
das administracións pode ser desde a de autorizar soamente á de facer a xestión e repercutila
no produtor do produto.
Estudos desenvolvemento sostible