Xestion de residuos urbanos.pdf - Axencia de Ecoloxía Urbana do ...

desenvolvemento sostible vol.1
táboa 44: Cotas das taxas de recollida de lixo nas vivendas urbanas en Galicia.
Provincia Media (€) Importe máximo (€) Importe mínimo (€)
A Coruña 62,27 112,00 12,00
Lugo 38,84 107,65 0,30
Ourense 43,66 100,00 25,00
Pontevedra 45,59 91,33 6,00
Esta circunstancia agrava o déficit que arrastran as corporacións locais, tendo realmente difícil solución,
xa que un hipotético incremento nas taxas, ten que ser moi ben explicado aos cidadáns e require
un acordo entre os partidos co fin de resolveren un problema real que non debe coñecer de cores
políticas.
Para o financiamento da recollida e tratamento do lixo, os concellos contan coas taxas indicadas anteriormente
así como cos transferencias feitas polos SIX firmados en convenio. Aqueles Concellos que
non teñan implantadas taxas pola realización destes servizos, financiarán a parte non cuberta polos
SIX co resto do orzamento corrente de ingresos; é dicir, con aqueloutros ingresos correntes que non
teñan a consideración de vinculados a gastos finalistas.
En Galicia, dos 315 concellos en que se divide o seu territorio, 301 teñen estabelecidas taxas por
recollida de lixo. En xeral trátase de taxas específicas de carácter independente e cobradas de forma
independente, aínda que se dan casos en que se cobran con outros consumos pero que teñen ordenanzas
específicas. Entrementres no resto encóntranse incluídas con outras figuras tributarias, como
por exemplo o abastecemento de auga ou o saneamento.
As taxas poden fixarse das seguintes formas:
– en función do uso e tipoloxía do inmoble, diferenciando se é rural ou urbano e, nalgúns
casos, tendo en conta a superficie do local
– fixas: non se fai diferenza algunha entre os veciños. Normalmente aplícase en municipios
pequenos
– progresivas: a taxa fixase como no primeiro caso pero se incrementa en función da renda
(Vilagarcía de Arousa) ou en función do consumo de auga (Santiago de Compostela).
Salvo nestes dous últimos casos, nos que se intenta pór en relación o pago coa capacidade de xeración
de residuo, non hai unha vinculación directa entre a taxa e a cantidade do residuo xerado. É
evidente que as taxas non cumpren cun dos seus obxectivos (segundo o pensamento actual sobre
os fines dos pagamentos pola xestión dos residuos): fomentar a redución da produción de residuos.
xestión de residuos urbanos nos concellos do Eixo atlántico
111