Xestion de residuos urbanos.pdf - Axencia de Ecoloxía Urbana do ...

106
No caso de que os produtores non adopten un sistema de depósito e retorno, para o caso dos envases
domésticos e dos comerciais que voluntariamente o decidan, será obrigatorio a formación de
“sistemas integrados de xestión (SIX)” que, a través dunha empresa xestora de dito SIX, procederá
nos termos estabelecidos na Lei á financiamento da recollida selectiva dos envases.
A aplicación da Lei de envases e dos regulamentos posteriores que a desenvolven a levado á existencia
de varios SIX de envases que son os seguintes:
– sistema integrado de xestión de envases lixeiros e de papel cartón xestionado por Ecoembalajes
España, SA
– sistema integrado de xestión de envases de vidro xestionado por Ecovidrio que é unha
asociación sen ánimo de lucro
– sistema integrado de xestión de envases de medicamentos e medicinas caducadas xestionado
por Sigre
– sistema integrado de xestión de envases de produtos fitosanitarios
Os dous primeiros financian as recollidas selectivas levadas a cabo polas Entidades Locais da seguinte
maneira:
– SIX de envases lixeiros e papel cartón:
Estudos desenvolvemento sostible
o Caso de existir recollida selectiva de envases lixeiros (domésticos ou comerciais adheridos
voluntariamente), o que denominamos modelo Sogama no caso de Galicia, a
empresa xestora paga polas toneladas recollidas. O pagamento faise de acordo coas
condicións firmadas entre a empresa xestora e comunidade onde se localiza a entidade.
Os conceptos de pagamento e fórmulas de o realizar son as mesmas en toda España
e adáptanse ás condicións de cada comunidade, tocante a niveis salariais, prezo
do combustible e índice de inflación. Así mesmo para cada entidade concreta se teñen
en conta o grao de ruralidade, a dispersión da poboación e o tipo de construción.
Ademais tense en conta o tipo de contedor e sistema de recollida utilizada: contedor
de tapa pechada ou aberta e así mesmo de carga lateral, carga posterior ou iglú. Por
último págase a distancia até a planta de transferencia ou até a planta de tratamento.
Dentro dos conceptos de pago inclúense os custos de amortización dos contedores
e dos medios utilizados para a súa limpeza así como a amortización dos camións de
recollida, gastos financeiros, ademais das operacións de explotación co respectivo
persoal e instalacións necesario/as para ela. O anterior engádese unha porcentaxe
de gastos de xestión en que poidan incorrer as entidades. Ao prezo resultante aplícaselle
un incremento se a calidade do recollido e superior a unha porcentaxe de 90 %
ou unha redución se a calidade é inferior ao 70 %, xustificándose pola diminución ou
incremento da densidade respectivamente. Unha vez definido así o prezo unitario de
pago dedúcese o custo de vertedoiro xa que, segundo a lexislación, hai que pagar o
incremento dos custos respecto a recollida sen selección.
o No caso de non existir recollida selectiva de envases lixeiros pero si de orgánica, págase
unha cantidade en función das toneladas de envase lixeiro recuperadas nas plantas
de selección. E dicir, non se paga a recollida do total dos envases que van no contedor
resto senón segundo o recuperado. As cantidades a pagar son o resultado do convenio,
como no caso anterior.