Xestion de residuos urbanos.pdf - Axencia de Ecoloxía Urbana do ...

desenvolvemento sostible vol.1
En todos os casos hai que facelo por fluxos, sistemas de recollida e tratamentos.
Así mesmo é importante determinar a eficiencia dos diferentes sistemas de recollida e tratamento
para o que convén definir uns indicadores así como a metodoloxía da súa elaboración co fin de que
se poidan comparar. Isto pódese facer no ámbito da comunidade ou no ámbito estatal ou europeo.
No caso de Galicia tamén este é un dos labores por facer, coa colaboración dos concellos, de modo
que melloremos o rendemento da xestión do lixo, tanto económica como ambientalmente.
4.2. Modelos de FInanCIaMento en GalICIa.
A continuación imos describir os diferentes modelos da financiamento da xestión dos residuos sólidos
urbanos. No primeiro lugar imos considerar o previsto no campo normativo e despois cal é a súa
aplicación en Galicia, facendo fincapé na situación nas vilas do Eixo Atlántico.
Posteriormente faremos algunhas consideracións da situación en Europa.
4.2.1. A normativa vixente.
4.2.1.1. A normativa estatal.
Polo que atinxe á competencia local en materia de residuos sólidos urbanos, a Lei 7/1985, de 2 de
abril, Reguladora de las Bases do Réxime Local, modificada por posteriores normas legais, estabelece
no seu artigo 25.2 que o Concello exercerá, en todo caso, competencias nos termos da lexislación do
Estado e das Comunidades Autónomas nas seguintes materias:
l) Subministro de auga e alumado público; servizos de limpeza viaria, de recollida e tratamento
de residuos, saneamento e tratamento de augas residuais.
O seu artigo 26.1 delimita os servizos obrigatorios, prescribindo que os Concellos por si ou asociados
deberán prestar, en todo caso, os servizos seguintes:
a) En todos os Concellos, entre outros, a recollida de residuos.
b) Nos Concellos con poboación superior a 5.000 habitantes, ademais, entre outros, o tratamento
de residuos.
A Lei 10 /98 de 21 de Abril de Residuos, estabelece a competencia das entidades locais para a xestión
dos residuos e como servizo obrigatorio a recollida, o transporte e, polo menos, a eliminación dos
residuos. Ademais posteriormente obriga á recollida selectiva nas vilas con máis de 5.000 habitantes,
así como a obriga dos posuidores de residuos desta natureza de os entregar ás entidades locais.
No Título IV , “Instrumentos económicos na produción e xestión de residuos”, determina que as Administracións
públicas poderán estabelecer as medidas económicas, financeiras e fiscais adecuadas
para o fomento da prevención, da aplicación de tecnoloxías limpas, da reutilización, do reciclado e
outras formas de valorización...”
Exemplo de medidas desta natureza son similares aos que mencionamos anteriormente no caso de
Cataluña, cando estabelece un canon sobre as cantidades enviadas ao vertedoiro, canon que posteriormente
é repartido entre as entidades, co fin de fomentar a reciclaxe da materia orgánica.
A Lei 11/97 de Envases e Residuos de Envases, aplica o principio de responsabilidade do produtor do
produto e se definen as condicións para a xestión dos envases que debe financiar, en calquera caso,
dito produtor.
xestión de residuos urbanos nos concellos do Eixo atlántico
105