Xestion de residuos urbanos.pdf - Axencia de Ecoloxía Urbana do ...

104
Os custos de eliminación en vertedoiro varían segundo o seu tamaño, os tratamento dos lixiviados
e dos gases e da súa situación en España. A media de custo en España, sen ter en conta os canons,
é de arredor de vinte euros por tonelada con máximos en Cataluña cerca de 70 euros por tonelada,
mentres que en Europa varía nun amplo rango entre 14 e 150 euros / Tm.
Ademais nalgunhas zonas de España, como xa se ten feito en moitos países de Europa, aos custos
de vertedoiro engádense uns canons coa finalidade de desalentar o envío ao vertedoiro de lixo. Por
exemplo en Cataluña varía entre 10 e 20 euros por tonelada, co que no ano 2010 estiman recadar
cerca de 25 millóns de euros que destinarán a axudas para incentivar a recollida selectiva de materia
orgánica. No seguinte gráfico pódense ver as cantidades a pagar como canon nalgúns países de Europa.
No caso de Alemaña non hai canon porque está prohibido o vertido sen tratamento e aproveitamento
previo do contido dos residuos.
4.1.3. seguimento dos custos.
Gráfico 26: Canon de vertido e incineración adicional ó precio.
Como dixemos máis arriba é importante facer un seguimento dos custos de xestión tanto para podelos
mellorar como para fixar as taxas a cobrar, ben aos cidadáns ben aos responsábeis da xestión dos
sistemas integrados de xestión (SIX), así como con propósitos orzamentarios.
No primeiro lugar é importante coñecer os diferentes conceptos que serán incorporados aos custos,
a súa natureza e se son compartidos con outras actividades e a proporción a imputar a cada unha
das actividades.
Feito isto é necesario clasificalos para o que é necesario distinguir entre:
– Custos de recollida, tratamento, administración e control e seguimento (caracterizacións,
estatísticas).
– Investimentos e reposicións e custos de operación.
– Custos fixos e variábeis.
Estudos desenvolvemento sostible