Xestion de residuos urbanos.pdf - Axencia de Ecoloxía Urbana do ...

desenvolvemento sostible vol.1
tema hai que obter máis datos, uns valores de referencia poderían oscilar entre 200 e 700 euros tonelada
recuperada. Se soamente se recuperase papel e metais, os custos diminuirían extraordinariamente.
Adicionalmente hai que considerar os custos de compostaxe e biometanización da materia orgánica, así
como os de valorización enerxética e vertedoiro nos respectivos casos.
Así o custo de biometanización, sen deducir os ingresos, sitúase cerca dos 80 euros por tonelada, incluíndo
un tratamento final para producir compost e o custo de levar os rexeites o vertedoiro. Se deducimos
os ingresos podemos falar de 60-65 euros por tonelada tratada. Os investimentos necesarios nas
instalacións poden alcanzar entre 250 e 400 euros por tonelada de capacidade de tratamento anual,
segundo as características da instalación.
En referencia aos custos de produción de compost, en plantas de fermentación aerobia, están próximos
aos 45 euros por tonelada tratada, nun rango entre 30-60 euros por tonelada, consonte tamén ás características
da instalación.
Os custos de investimento poden variar entre 150 e 250 euros por tonelada que entra no proceso e depende
se procede de materia recollida selectivamente ou dunha fracción resto. Isto tamén ocorre coa
biometanización debido aos procesos máis ou menos complexos de selección.
Todo o dito anteriormente parte do suposto dunha boa calidade na recollida selectiva. Se isto non
ocorrer, os custos do tratamento da materia orgánica acharanse máis próximos aos do tratamento da
fracción resto.
No Plan galego estímase o investimento necesario para as plantas de compostaxe de 565 euros por
tonelada de capacidade anual até 1.750 euros por tonelada, inversamente proporcional ao tamaño da
instalación.
Os custos de incineración varían segundo o tipo de tecnoloxía empregada, do tamaño das plantas,
do poder calorífico dos residuos tratados, dos custos laborais, así como dos ingresos da produción da
enerxía eléctrica. Este último adoita ser un valor determinado “legalmente”. As taxas que cobran as instalacións
tampouco reflicten necesariamente o custo da incineración, como pode ser o caso de Sogama
ou da instalación existente nas Illas Baleares.
Nestes momentos, os custos totais poden variar entre 60-85 euros por tonelada e considerando os
ingresos podería quedar entre 30 e 60 euros tonelada.
En España valorizaranse, no ano 2009, un total de 2.131.880 toneladas de refugallos urbanos en incineradoras
e en Galicia un total de 526.525 toneladas. O custo por tonelada para os usuarios das incineradoras
foi para cada incineradora, o que ven na táboa 43, cifra que non corresponde necesariamente cos
custos reais das incineradoras por tonelada valorizada.
táboa 43: Medias de recollida de residuos por CCAA.
CCaa €/tn
BALEARES 131,23
CANTABRIA 29,98
CATALUÑA 42,94
GALICIA 51,10
MADRID 54,66
MELILLA 56,06
PAÍS VASCO 61,45
total naCIonal 59,80
xestión de residuos urbanos nos concellos do Eixo atlántico
103