Xestion de residuos urbanos.pdf - Axencia de Ecoloxía Urbana do ...

desenvolvemento sostible vol.1
dos contedores fainos directamente o fogar. Tamén a frecuencia do servizo varía dunha zona a outra,
e chega a ser nalgúns casos unha vez o mes. Ademais en Finlandia os servizos municipais están, en
moitas cidades, en competencia directa cos axentes privados. En máis do 50 % das cidades finesas o
servizo é feito por estes últimos, mediante acordos coas asociacións de veciños, principalmente nas
cidades de menos de 10.000 habitantes.
Os altos custos de Dinamarca pódense atribuír a eficacia da recollida selectiva que fai diminuír as
cantidades botadas neste contedor.
En xeral as diferenzas entre custos xorden da natureza urbana ou rural da área de recollida, das súa
frecuencia e do grao de enchedura do contedor, o relevo etc... pero sempre (ceteris paribus) é maior
no rural.
Na táboa 41 danse os valores de retirada dos diferentes fluxos recollidos selectivamente, por países,
indicándose o rango dos custos e, entre parénteses, o custo medio.
Estes custos son de moi difícil comparación dada a diferenza existente entre os métodos de recollida
selectiva, o número de fraccións diferentes, as frecuencias de recollida, o calidade da infraestrutura
de recollida, as diferentes ratios de achegas por parte dos cidadáns etc...
Por exemplo, en Alemaña recóllense tres calidades diferentes de vidro, en Bruxelas a recollida selectiva
dos residuos faise mediante bolsas, non existindo unha infraestrutura de contedores.
Gráfico 25: Custos de recollida da categoría “resto” (€/hab).
En París, a recollida dos envases lixeiros va mesturada con envases de papel cartón e a frecuencia da
recollida é de dúas veces por semana fronte a todos os días en Madrid.
xestión de residuos urbanos nos concellos do Eixo atlántico
101