Xestion de residuos urbanos.pdf - Axencia de Ecoloxía Urbana do ...

100
Ademais unha das obrigas que fixa a UE para a concesión de fondos é a de considerar as axudas
económicas nas taxas a cobrar aos usuarios dos servizos aínda que permite facelo incrementalmente.
Por suposto non se consideran custos doutra natureza tales como custos ambientais netos e os de
usos alternativos de bens patrimoniais dos municipios. Entre os primeiros temos, por exemplo, as
emisións á atmosfera ou a contaminación de solos.
Tamén habería que considerar como custos de xestión de residuos os provocados pola limpeza das
rúas despois de eventos de variada natureza: manifestacións, “o botellón”, concertos; así mesmo
a limpeza das rúas e especialmente nas estradas (nas súas beiras) da cantidade de refugallos, que
por un comportamento incívico, son botados dende os vehículos. Estes pequenos xestos do cidadán
teñen un elevado custo que hai que coñecer e separar para poderen as autoridades determinar as
políticas de cobro oportunas e que sexan capaces de actuar de forma disuasoria.
De todo o dito até agora temos que concluír que é necesario levar a cabo una adecuada contabilidade
dos custos da xestión dos residuos, integrando todos os conceptos, e será despois o momento de
decidirmos as políticas máis adecuadas para a financiamento destes custos, tendo en conta a importancia
de que o cidadán sexa consciente das consecuencias das súas decisións de consumo e do seu
comportamento como cidadán.
4.1.2. Valores dos custos de recollida e tratamento.
Non é doado, dada a falta de datos, facer unha estimación dos custos de xestión dos residuos e inda
máis difícil poder estabelecer unha comparación entre os custos de diferentes municipios, rexións
ou países.
Así como na práctica son diferentes os conceptos que se contabilizan como custo, tamén pode ser
diferente o servizo prestado e por suposto a eficiencia do servizo. Non é estraño que un custo alto
poida estar asociado cun indicador de eficiencia da xestión (como taxa de recollida selectiva) baixo,
e inversamente.
A continuación imos dar algunhas referencias de custos de forma agregada, tendo en conta que os
custos das entidades locais nunha mesma rexión poden encontrarse grandes diferenzas, mesmo entre
os de localidades veciñas.
Un primeiro dato que podemos dar é que o negocio xerado polo conxunto dos servizos de xestión e
reciclado de residuos alcanzou, en España, preto de 8.400 millóns de euros (dos que un 40% corresponderon
aos asociados a xestión dos residuos urbanos) no ano 2007 e no xerado pola limpeza viaria
foi cerca de 1.300 millóns de euros. Nestas cifras non están incluídos os gastos dos municipios en medios
propios (persoal, infraestruturas móbiles e fixas) nin as axudas recibidas para a construción das
instalacións (que deberíanse contabilizar como amortizacións), polo que as cantidades mencionadas
poderían ser notabelmente superiores e polo tanto aumentar tamén o custo de xestión dos residuos,
sen incluír os ambientais.
Os datos que se dan a continuación teñen a súa orixe en estudos da Comisión Europea (Euronomia),
da Asociación de Cidades e Rexións para o Reciclado e de Ecoembes, mentres que outros son de
elaboración propia.
No seguinte gráfico recóllense os custos da recollida do contedor resto, en euros por persoa, en diferentes
países. O custo medio encontrase entre 100 €/Tm e 40 €/Tm salvo Finlandia que baixa a 15
€/Tm no urbano e 32 €/Tm no rural, pero hai que salientar que nese pais a compra e mantemento
Estudos desenvolvemento sostible