Libro 20010/11 - Pasada das Cabras

O Camiño Francés: Terceira Etapa
Sarria - Portomarín
MARZO 2010
1.-A VIAXE BURELA-SARRIA
Un grupiño de peregrinos, ao redor de oitenta persoas, vaise
formando na Estación de Autobuses de Burela; desde
as 7:15 hs escoitase falar do tempo, da hora de levantarse
e das historias soñadas de cadaquén. O grupo arriba á
estación polos seus propios medios; o guía, José Antonio,
presidente da Asociación Deportiva “Pasada das Cabras”, dá
a benvida co cóctel de “bos días”; empeza a familiarizarse
o grupo de viaxe ata a chegada dos dous autobuses da empresa
Morán de Mondoñedo.
En torno ás 7:30 horas arráncase escoitando que a uns se
lles pegaron as sabas, a outros aquelouselles o electrónico
e así conversas de temática variada, con paradas en Nois
(Foz), Cruz do Lobo (Barreiros) e Lourenzá para recoller máis peregrinos, chégase ao Hotel Montero á entrada de Vilalba onde
se fai unha paradiña para ollear a prensa escrita e observar os grupos de fumadores e non fumadores que se conformaron
nun santiamén.
Sobre as 10:00 hs da mañá estáse en Sarria. Despois da obrigada foto de familia, coma de costume, desfaise a agrupación;
iniciase a visita ao patrimonio histórico e bares ou cafeterías abertos de Sarria. Entre o augurio doutro bo día comeza a andaina
por unha subida de escaleiras.
2.-PERFIL DA ETAPA
Sáese de Sarria deixando a un lado o Mosteiro dos pais Mercedarios para adentrarse nun senfín de corredoiras. Estes camiños
entre muros de pedra están cubertos de carballos e castiñeiros. É unha etapa repleta de natureza, prados, bosques, vacas e
paisanos guiando o gando dun terreo a outro, desta fermosa Galicia rural ata chegar ao río Miño. Destaca a paisaxe de terras
cerradas con lastras de lousa. Cátase a tansformación da vida do agricultor pasando etapas de gando de leite, a gando de
carne e recentemente a rabaños de ovellas e cabras.
Hai tramos do camiño nos que se ven restos das antigas calzadas romanas descubertas pola erosión da auga. O grupo atópase
con tramos do camiño que son verdadeiros ríos de auga con pasos de pedra que hai que ir saltando para non mollar os pés.
Esta terceira etapa dende o Cebreiro é para algúns camiñantes a primeira, xa que Sarria atópase moi cerca dos míticos e derradeiros
100 quilómetros, a distancia mínima que hai que andar a pé para gañar a “Compostelá”.
A etapa non defrauda nin o primeirizo nin ao curtido peregrino. Ofrece incontables aldeas dos
concellos de Sarria, Paradela e Portomarín, bos exemplos do románico, pistas veciñais asfaltadas,
senadas e corredoiras rurais, pontes medievais e pasadoiros rústicos e ata unha moderna
área de descanso chea de máquinas expendedoras.
O tramo inicial de 2,9 quilómetros entre Sarria e As Paredes ofrece un excelente comezo de
etapa. Pasando xunto ao edifi cio da Prisión Preventiva, chégase ao mirador sobre Sarria, adornado
cun cruceiro. Uns trescentos metros despois do mirador, o Camiño xúntase co Convento
da Magdalena.
Esta rota está chea de paixases fermosas e patrimonio histórico. En Barbadelo sae ao camiño o
crego ofertando aos peregrinos a visita guiada á Igrexa románica monumento nacional.
En Mirallos, parroquia de Ferreiros no concello de Paradela, un home de ben explica ao grupo de
peregrinos que posúe sete credenciais asinadas por outros tantos bispos, e parola que os sinais
do camiño desta etapa son obra súa. O lugareño destaca a importancia da igrexa rómanica que
se baixou pedra a pedra desde Ferreiros no 1790.
3.-CHEGADA A PORTOMARÍN
Resulta moi agradable pasear polas rúas desta localidade de vida tranquila, só minimamente alterada polos peregrinos, e con
fermosas vistas sobre o val do río Miño.
A vila nova está edifi cada no alto dun outeiro. A vila antiga quedou submerxido nas augas do Miño cando se fi xo o encoro de
Belesar no 1960.
Nun parqueciño fronte ao río pódese descansar, gozar da conversa e da tarde tan estupenda mentres tanto van chegando os
últimos do grupo, algo cansos, para superar a subida fi nal polas escaleiras que levan ao medio da vila.
A visita á igrexa é obrigada; a portada principal mostra a pegada do Pórtico da Gloria da catedral de Santiago; no exterior
pódense ver os números escritos no seu día sobre as pedras para poder facer o traslado e a posterior reconstrución.
Así, con compras e visitas, entre unhas cousas e outras, vai pasando a tarde e chegan as 18:00 horas para volver ao punto
de partida.
4.-OBXECTIVOS CUMPRIDOS
O regreso deste grupo heteroxéneo en idade e intereses foi de ledicia e satisfación polos obxectivos acadados xa que se cumpriu
cunha etapa máis para gañar a “compostelá”, andouse por aldeas e vilas de Galicia, e probáronse os produtos típicos da
zona.
O grupo séntese gratifi cado por pasar outro día camiñando e conversando con outros peregrinos de Ferrol,Ourense, etc, que
tamén fan o camiño francés a Santiago.
Despois desta 3ª etapa, na que é imposible aburrirse, ten practicamente de todo, o grupo estivo entretido e atópase cada vez
máis unido e harmonioso agardando a próxima con ilusión e curiosidade.
Asdo.: Antonio Mogo Río