acta da sesión ordinaria celebrada polo pleno ... - Concello de Bueu

ACTA DA SESIÓN ORDINARIA CELEBRADA POLO PLENO DA
CORPORACIÓN O DÍA 15 DE OUTUBRO DE 2012
No Salón de Actos da Casa do Concello de Bueu, sendo as 10:10 horas do día15 de
Outubro de 2012, reúnese o Pleno da Corporación Municipal, baixo a Presidencia do
Sr. Alcalde D. Félix Juncal Novas, co fin de celebrar sesión ordinaria segundo a Orde
do Día fixado por Resolución da Alcaldía e notificada ós membros da mesma:
Sres. Asistentes:
Alcalde-Presidente
D. Félix Juncal Novas
Grupo BNG
D. Martín Villanueva Pastoriza
D. Andrés Lamosa Barros
D. José Inocente García Cuervo
D. Fidel Castro Quiroga
Dª Mariña Loira Ave
Dª. Mª Teresa López Piñeiro
Dª Mª Teresa Magdaleno Rodríguez
Grupo PP
D. José Manuel Rosas Otero
D. Miguel Juncal Pereira
Grupo PSOE
D. José Manuel Castro Dopazo
Concelleira non adscrita
Dª Laura Ogando Muñiz
Secretaria
Dª Lucía Artime Alonso
Interventor
D. Sergio Curra Moreira
Non asisten D. Xosé Leal Fariña (BNG), D. Mario Riobó Durán (BNG) Dª Mª José Pérez
Piñeiro (BNG) e D. Manuel Santos Pires (PP)
1. APROBACIÓN ACTAS ANTERIORES.
Apróbanse pola unanimidade dos concelleiros presentes(8 votos a favor do BNG, 2
do PP, 1 do PSOE e 1 da concelleira non adscrita)
as seguintes actas:
- Ordinaria de 12 de xullo
- Extraordinaria de 25 de agosto
- Ordinaria de 3 de setembro
2. DACIÓN CONTA DAS RESOLUCIÓNS DA ALCALDÍA

Pola Presidencia enténdese dada conta destas resolucións que, xunto coa súa
relación, estiveron a disposición dos Sres. Concelleiros dende a convocatoria da
sesión, quedando enterada a Corporación Municipal.
3.RENUNCIA CONCELLEIRA POPULAR Dª SUSANA Mª CANOSA GRAÑA.
O Sr. Alcalde-Presidente pasa a dar lectura do escrito de renuncia da ata agora
Concelleira Popular Dª Susana Mª Canosa Graña, presentado no rexistro en data 9 de
outubro de 2012, aducindo motivos persoais para renunciar ao seu cargo de
concelleira, e deséxalle moita sorte na sua vida persoal a partires de agora.
4. INCOACIÓN EXPEDIENTE INVESTIGACIÓN BENS “PRAZA ENLEITO”
O Sr. Alcalde da lectura ao dictame da Comisión Informativa e despois a Concelleira
Delegada de Patrimonio pasa a dar lectura da proposta.
“Vista a solicitude presentada por D. Manuel Lamosa Barros, DNI nº 31.089.611
instando ao Concello para a apertura de expediente de investigación sobre a
titularidad do espezo público “Praza de Enleito” na Ramorta, Bueu.
Considerando o deber que asiste ós Concellos e exercer a defensa dos seus
bens en tódalas posibilidades e que entre os instrumentos que o ordenamento
xurídico vixente outorga a tal efecto se atopa a potestade de investigación, parece
que debería tramitarse expediente administrativo ó efecto de determina-la
titularidade pública ou privada da propiedade referida, pois o exercicio da referida
potestade non implica de por sí a determinación da natureza pública do ben, senón
que como ben indica o seu nome o que se pretende é realizar unha investigación e
serán as actuacións probatorias que se practiquen na mesma, así como os informes
técnicos e xurídicos que se emitan os que servirán de motivación ó acordo que no
seu caso se adopte.
O procedemento de tramitación é absolutamente reglado segundo o
diagrama fixado polo Regulamento de Bens das Entidades Locais, e o disposto no
preceptivo informe de Secretaría de data 2 de outubro de 2012 e así se detalla na
presente proposta
Polo exposto dende esta Concellería, veño en elevar ó Pleno da Corporación a
seguinte
PROPOSTA DE ACORDO
Primeiro.- Estimar procedente o exercicio da acción investigadora respecto
da titularidade do espazo público que se denomina Praza do Enleito na Ramorta,
Bueu.
Segundo.- Incoar expediente de investigación sobre a titularidade do espazo
público que se denomina Praza do Enleito na Ramorta, Bueu.
Terceiro.- Nomear Instructora do expediente á Concelleira Dª Mariña Loira
Avee Secretaria a Dna. Araceli Pérez Morán, xefa do negociado de Secretaría // á
Corporación, ou funcionario/a que a sustitúa, suxeitos ás causas de abstención ou
recusación recollidas nos artigos 28 e 29 da Lei 30/1992.
Cuarto.- Publicar este acordo no Boletín Oficial da Provincia, expoñendo un
exemplar de dita publicación no taboleiro de anuncios do Concello por un prazo de
quince días.
Quinto.- Abrir un período de alegacións escritas a favor dos afectados polo
expediente de investigación polo prazo dun mes dende o día seguinte ó do remate
da publicación no taboleiro de anuncios da Corporación.

Sexto.- Dar traslado da presente resolución ás Administracións do Estado e
Autonómica para que estas, no seu caso, poidan facer valer os seus dereitos e alegar
o que estimen procedente.
Sétimo.- Notificar persoalmente a presente resolución ós afectados polo
expediente que resulten coñecidos e identificables para que durante o referido prazo
fagan as súas alegacións.”
Intervén o voceiro socialista que da os bós días a todos e despois di o que sempre
repite neste tipo de expedientes que é que o que sexa propiedade pública que se
defenda e que o que sexa privado que o defendan tamén os seus propietarios.
Espera que este expediente se resolva pronto e que non se eternice como outro do
que todos sabemos (Alargo camiño na Graña)
Non habendo máis intervencións, a proposta é aprobada pola unanimidade dos
concelleiros presentes (8 votos a favor do BNG, 2 do PP, 1 do PSOE e 1 da concelleira
non adscrita)
5. TROCO TITULARIDADE BANCADAS PRAZA ABASTOS.
O Sr. Alcalde da lectura ao dictame da Comisión Informativa e despois o Concelleiro
Delegado de Servizos pasa a dar lectura da proposta.
Vista a necesidade de regular os postos da praza de Abastos, para o que no ano
2009 fíxose un concurso de concesión de bancadas e postos co fin de regularizar a
situación da praza, e tendo a intención de dar unha imaxe máis homoxénea das
bancadas e postos da Praza de Abastos do Concello de Bueu
Vista a existencia de postos vacantes na praza de Abastos que non foron
adxudicados no concurso que se levou a cabo polo Concello no ano 2009 (Pleno de 7
de outubro)
Vista a solicitude presentada conxuntamente polas adxudicatarias dos postos nº 14
e 15 para cambio de titularidade das suas bancadas, partindo da existencia dunha
vacante, a nº 13
E visto que o cambio non afecta a terceras persoas nin supón unha transmisión nin
introducción no réxime de concesión das bancadas de ningunha persoa máis sen
seguir o procedemento legalmente establecido ao efecto
Visto o informe de Secretaría favorable ao respecto
VEÑO A PROPOÑER ANTE O PLENO OA SEGUINTE PROPOSTA DE ACORDO:
1.- A aprobación do cambio de titularidad das bancadas solicitadas, quedando da
maneira na que segue:
- Consuelo Costas Rivas, adxudicataria da bancada nº 13
- Josefa Cabaleiro Garrido, adxudicataria da bancada nº 14
2.- A declaración de vacante da bancada nº 15, a partir da aprobación deste acordo.
3.- O traslado deste acordo aos servizos de Tesourería, aos efectos do pago das
taxas que correspondan ao abeiro da Ordenanza fiscal nº 6 reguladora da taxa pola
prestación do servizo de mercado municipal de abastos.
Intervén o Voceiro do PSOE, Sr. Castro, e pregunta cántos postos ou bancadas hai
valeiros neste momento. Resposta o Sr. Alcalde que pensa que hai 4, pero non pode

asegurar o número, está a falar de memoria. Explica que despois de facer estas
regularizacións, tense pensado aprobar uns pregos para facer un novo concurso
como o que se fixo en 2009 e adxudicar todos aqueles postos que queden vacantes.
O Sr. Castro anima á Alcaldía a facer este concurso, pois hai xente interesada no
mesmo.
Intervén de seguido o Voceiro Popular, Sr. Rosas dicindo que coincide plenamente co
compañeiro socialista pois hai demanda de postos por parte de veciños de Bueu e
habendo postos valeiros o máis lóxico é sacar o concurso.
Non habendo máis intervencións, a proposta é aprobada pola unanimidade dos
concelleiros presentes (8 votos a favor do BNG, 2 do PP, 1 do PSOE e 1 da concelleira
non adscrita)
6. PROPOSTA CRITERIOS REGULADORES REXIME RETRIBUTIVO EN
SITUACIÓNS DE INCAPACIDADE TEMPORAL DO PERSOAL DO
CONCELLO DE BUEU, TRAS A ENTRADA EN VIGOR DO REAL DECRETO-
LEI 20/2012, DE 13 DE XULLO.
O Sr. Alcalde da lectura ao dictame da Comisión Informativa e despois o Concelleiro
Delegado de Persoal pasa a dar explicación da proposta. Explica que non foi
informado polo Interventor para a Comisión informativa porque ese mesmo día
acordouse cos traballadores o contido da proposta e non dou tempo, pero que para o
pleno os grupos contaron co informe solicitado. Explica que este asunto tiña un
límite temporal fixado polo Decreto para adoptar un acordo, e a data límite era o día
de hoxe e que se congratula de poder chegar a un acordo cos traballadores en tan
curto espazo de tempo.
A proposta é a seguinte:
“Coa recente entrada en vigor do Real Decreto-lei 20/2012, de 13 de xullo, de
medidas para garantir a estabilidade presupostaria e de fomento da competitividade
(entrada en vigor o 15 de xullo) véñense de incorporar unha serie de novidades e
modificacións no tocante a certos aspectos e materias relacionadas cos dereitos e
condicións laborais dos empregados de todo o sector público. Novidades entre as
que se inclúen unha serie de limitacións respecto dos complementos retributivos
que, en concepto de mellora voluntaria da acción protectora da Seguridade Social,
aboan as Administracións Públicas ao seu persoal en situación de incapacidade
temporal, e que resultan plenamente aplicables á Administración Local.
Así, vense a fixar que, se ben cada Administración Pública, incluídas as Locais, sigue
conservando a súa capacidade para complementar as prestacións que percibe o seu
persoal en situacións de incapacidade temporal, isto deberase realizar conforme a
unha serie de limitacións, que son reguladas no artigo 9 do referido RDL 20/2012, de
13 de xullo, e veñen a surtir efecto dende o mesmo día da entrada en vigor desta
norma, ao mesmo tempo que implican a suspensión e inaplicación, dende esa data,
de todas aquelas cláusulas e/ou previsións contidas en Pactos, Acordos e Convenios
que entren en contradicción coas mesmas.

En vista do anteriormente sinalado, e coa finalidade dunha eficaz e áxil aplicación,
neste Concello, das previsións que se veñen de sinalar, compre proceder a unha
inmediata clarificación dos novos criterios aplicables ao respecto. Deste xeito, ao
mesmo tempo que se garante unha plena adecuación ás limitacións normativas que
se veñen de fixar, tamén se intenta que dita adecuación se realice, no tocante aos
empregados municipais, co menor prexuízo posible respecto da situación e dereitos
gozados con anterioridade á entrada en vigor do devandito RDL 20/2012, de 13 de
xullo.
Á vista do anteriormente exposto, as normas aplicables, ao respecto do réxime
retributivo do persoal deste Concello en situación de incapacidade temporal, serán
as que continuación se relacionan.
Primeiro.- O réxime retributivo aplicable en situacións de incapacidade
temporal do persoal ao servizo deste Concello adecuarase aos criterios que a
continuación se relacionan. En calquera caso, estos criterios surtirán efectos nos
procesos de incapacidade temporal que teñan inicio transcorridos tres meses dende
a entrada en vigor do referido RDL 20/2012, de 13 de xullo, de tal xeito que non
resultarán aplicables aos traballadores que, á súa entrada en vigor, se atopen en
situación de incapacidade temporal.
1. Aboarase un complemento, ata alcanzar o 100% das retribucións que se veñan
percibindo no mes anterior ao de causarse a incapacidade, dende a data de inicio,
nos supostos de incapacidade temporal por continxencias profesionais, así como nos
supostos de incapacidade temporal por continxencias comúns que xeren:
- Hospitalización.
- Intervención cirúrxica.
Igualmente, o persoal municipal tamén percibirá un complemento á prestación
económica que perciba ata acadar o 100% das retribucións nas situacións de;
- Maternidade.
- Risco por embarazo.
- Risco durante a lactancia natural.
- Paternidade.
- Violencia de xénero

- Incapacidade Temporal sen hospitalización provocada por
enfermidades/patoloxías crónicas, dexenerativas, irreversibles e/ou
incurables. Neste caso, se require a existencia de diagnóstico médico oficial
que acredita que as situacións de incapacidade temporal se derivan de ditas
enfermidades/patoloxías
2. Nos restantes casos de incapacidade temporal que se derive de continxencias
comúns o complemento calcularase de conformidade coas seguintes regras:
a) Dende o primeiro día da situación de incapacidade temporal ata o terceiro día,
inclusive, aboarase un complemento ata acadar o 50% das retribucións que se viñan
percibindo no mes anterior ao de causarse a incapacidade.
b) Dende o cuarto día da situación de incapacidade temporal ata o vixésimo día,
ambos inclusive, aboarase un complemento ata acadar o 75% das retribucións.
c) A partir do vixésimo primeiro día, inclusive, aboarase un complemento ata
acadar o 100% das retribucións que se viñan percibindo no mes anterior ao de
causarse a incapacidade.
Segundo.- En todo o non contemplado, de xeito específico, nas presentes normas,
deberase estar ao previsto, ao respecto desta materia, no referido RDL 20/2012, de
13 de xullo, así como na restante normativa que, en cada momento, resulte de
aplicación
En todo caso, no tocante á normas de tramitación que deban rexer a aplicación
práctica do réxime retributivo, en situación de incapacidade temporal, que se ven de
clarificar, estarase ao disposto nas Instruccións emitidas pola Dirección Xeral de
Función Pública da Xunta de Galicia, con data de 7 de maio de 2012, sobre
aplicación dos complementos de incapacidade temporal. Instruccións que, en
calquera caso, resultarán aplicables mentres non se elaboren, no propio Concello,
unhas propias e específicas, ou ata que, de ser o caso, deban ser substituídas por
outras que, por aplicación das previsións normativas vixentes en cada momento,
resulten de obrigado cumprimento.”
Non habendo máis intervencións, a proposta é aprobada pola maioría dos
concelleiros presentes (8 votos a favor do BNG, 1 do PSOE e 1 da concelleira non
adscrita e a abstención dos dous concelleiros do PP)
7. PLAN ECONÓMICO-FINANCIEIRO.

O Sr. Alcalde da lectura ao dictame da Comisión Informativa e despois o Concelleiro
Delegado de Facenda pasa a dar explicación da proposta. Explica que este plan é
obrigatorio e que baséase no Plan de axuste que xa foi aprobado neste ano, no mes
de marzo. O informe do Interventor ao efecto dí que o plan de axuste estase
cumprindo perfectaente e nalgúns ámbitos aínda por enrriba do previsto.
O Sr. Castro di que non pode votar a favor por coherencia co xa dito en marzo, pois
este tipo de medidas só benefician aos mesmos de sempre, aos banqueiros. No seu
día asinouse un préstamo cunha entidade bancaria sen coñecer cal era nin os xuros,
e que resultaron ser moito máis altos edos previstos: un 6% fronte ao 1% co que
saen de Europa...polo que non pode votar a favor.
Non habendo máis intervencións, a proposta é aprobada pola maioría dos
concelleiros presentes (8 votos a favor do BNG, e 1 da concelleira non adscrita e a
abstención dos dous concelleiros do PP e do concelleiro socialista).
8. CRÉDITO EXTRAORDINARIO 01/2012.
O Sr. Alcalde da lectura ao dictame da Comisión Informativa e despois o Concelleiro
Delegado de Facenda pasa a dar explicación da proposta. Explica que non supón un
gasto a máis senon que é un trámite que se debe cumprir a efectos de orzamento,
pero que non supón incrementar o gasto.
Non habendo máis intervencións, a proposta é aprobada pola maioría dos
concelleiros presentes (8 votos a favor do BNG, e 1 da concelleira non adscrita e a
abstención dos dous concelleiros do PP e do concelleiro socialista).
9. NOMEAMENTO PASEO MARÍTIMO DE AGRELO COMO PINTOR JOSÉ
SOLLA.
Presentase como unha proposta conxunta de todos os grupos municipais. O Sr.
Alcalde da lectura ao dictame da Comisión Informativa e despois o Concelleiro
Delegado de Cultura pasa a dar explicación da proposta. Partese dunha proposta
presentada pola Asociación de Amigos Johan carballeira, que todos os grupos
admitiron. A urxencia de tratar este asunto en pleno é debida a que o pintor José
Solla marcha para a Arxentina o 28 de outubro e quérese que estea presente no acto
de inauguración do Paseo Marítimo de Agrelo co seu nome; por iso a premura en
tomar o acordo.
Explica que a xustificación deste galardón é que a pesar de ser marinense, ten unha
moi importante vinculación co pobo de Bueu, xa que pasa os veráns en Bueu e
incluso está empadroado neste Concello. A súa labor como pintor e a súa
importancia xustifican plenamente a concesión deste galardón.
“PROPOSTA CONXUNTA DA COMIISIÓN INFORMATIVA DE CULTURA DE NOMEAMENTO
DO PASEO AGRELO PORTOMAIOR COMO PASEO DO PINTOR JOSÉ SOLLA
MOTIVACIÓN
José Solla Castro é un pintor marinense que dende hai varios anos vive en Mar del
Plata, Arxentina. A súa vinculación con Bueu dende hai anos é constante, sendo a
nosa vila o lugar que elixiu para veranear e para crear diversas coleccións e mesmo
lugar de inspiración.
Como artista plástico está moi ben considerado, alcanzando diversos premios e
expoñendo nos mellores lugares do mundo. Unha mostra dos seus premios e
galardóns adxúntase no anexo a este documento.
O nome, paisaxes e xente de Bueu é parte de moitas das súas obras, grazas a ese
lazo que o une co noso concello.
PROPOSTA:

Nomear ao paseo que discorre entre as praias de Agrelo e Portomaior como Paseo
do Pintor José Solla, dada a cercanía que este ten coa casa do pintor e ser unha das
paraxes que inspiran parte das súas creacións.”
Non habendo máis intervencións, a proposta é aprobada pola unanimidade dos
concelleiros presentes (8 votos a favor do BNG, 2 do PP, 1 do PSOE e 1 da concelleira
non adscrita)
10. DACION CONTA DENUNCIA CONVENIO COLECTIVO E ACORDO
REGULADOR DO CONCELLO DE BUEU.
Polo Sr. Alcalde dase conta de que polo Concello de Bueu procedeuse a denuncia do
Convenio colectivo e do Acordo regulador, para iniciar unha negociación e chegar a
novo acordo no prazo dun ano dende a denuncia. De dita denuncia deuse traslado
aos representantes sindicais e aos representantes dos traballadores do Concello e a
autoridade laboral competente.
11. DACIÓN CONTA RR.AA. DELEGACIÓN PRESIDENCIA COMISIÓN
INFORMATIVA DE BENESTAR SOCIAL, IGUALDADE E SANIDADE E
DELEGACIÓN DE COMPETENCIAS.
Unha vez tomada posesión pola concelleira Dª Teresa magdaleno, dase conta nesta
sesión plenaria das Resolucións polas que se lle delegou a Presidencia da Comisión
Informativa de Benestar Socia, Igualdade e Sanidade e a delegación de
competencias de Benestar Social.
12. MOCIÓN CONXUNTA PSdG-PSOE, BNG e CONCELLEIRA NON ADSCRITA
SOBRE INTERRUPCIÓN DO EMBARAZO.
O Sr. Alcalde da lectura ao dictame da Comisión Informativa e despois pasa a dar
lectura da moción.
“Ao abeiro do previsto no Regulamento de Organización, Funcionamento e Réxime
Xurídico das Entidades Locais, oS Grupos Municipais do BNG, PSdeG-PSOE e
Concelleira non adscrita do Concello d ebueu desexa someter á consideración do
Pleno Municipal a seguinte MOCIÓN:
Ante a intención manifesta do actual Goberno de España de reformar a Ley 2/2010,
de 3 de marzo, de Salud Sexual y Reproductiva y de la Interrupción Voluntaria del
Embarazo, en termos claramente restritivos e de eliminación de dereitos, máis de 30
organizacións galegas (políticas, sindicais, de mulleres, colectivos en defensa da
sociedade e outra sentidades sociais) uníronse baixo o manifesto "Decidir fainos
libres" que aposta claramente polo dereito das mulleres a decidir libremente sobre a
interrupción do seu embarazo como parte fundamental dos Dereitos Humanos das
Mulleres, porque o exercicio deste dereito non pode ser regulado polo Código Penal.
Unha vez máis, o Goberno do PP, ante a ineficacia da súa política económica, optou
por aplicar a súa política ideolóxica máis conservadora, recortando os dereitos das
mulleres. Unha pérda de dereitos que suporía un risco para a saúde e a vida das
mulleres, omitindo a obrigación do Estado de acordo coa normativa europea e
internacional, de referendar a protección e seguridade xurídica en materia de
dereitos sexuais e reprodutivos.
O dereito a decidir das mulleres sobre os seus corpos e as súas vidas está
enfrontado co prototipo de feminidade que discrimina ás mulleres e que pretende
impor o Gobenro con esta anunciada reforma.

Con esta moción seguimos as recentes recomendacións que Nacións Unidas realizou
a España, con ocasión da revisión do cumprimento do Pacto Internacional de
Derechos Económicos, Sociales y Culturales (PIDESC), onde recoñece os dereitos ao
traballo, educación, seguridade social e o dereito a garantir o máis alto nivel posible
de saúde, incluíndo a saúde mental, sexual e reprodutiva, sen discriminación
algunha. Nelas, Nacións Unidas recomenda ao Estado/España garantir a plena
aplicación da Lei Orgánica 2/2010 de 3 de marzo de 2010 en todo o territorio
nacional e a adopción dun procedemento básico común a todas as comunidades
para garantir un acceso equitativo á interrupción voluntaria do embarazo; para
asegurar que o exercicio da obxección de conciencia por parte de médicos e doutros
membros do persoal sanitario non constitúa un obstáculo para as mulleres que
queiran pór fin a un embarazo.
Por todo o antedito, o Concello de Bueu aproba a seguinte moción, e dará traslado
dela ao Goberno Central:
1. Este Concello acorda aherirse ao manifesto "DECIDIR FAINOS LIBRES"
elaborado pola Plataforma Estatal en Defensa dos Dereitos Sexuais e
Reprodutivos que agrupa a máis de 140 organizacións sociais e de mulleres.
Así mesmo, comprométese a colaborar coa Plataforma Galega recentemente
constituída, que integra ata agora 31 organizacións de toda Galicia,
promovendo as súas actividades a través dos medios de comunicación locais
e con actividades de difusión do Manifesto.
2. Este Concello acorda esixir ao Goberno Central o mantemento da Ley 2/2010,
de 3 de marzo, de Salud Sexual y Reproductiva y de la Interrupción
Voluntaria del Embarazo. No mesmo sentido, acorda instar ao Goberno da
Xunta de Galicia a poñer todos os medios necesarios para a implementación
de dita Lei, de xeito que garanta que as mulleres na nosa comunidade poidan
exercer o seu dereito á interrupción voluntaria do embarazo, se así o
desexan.”
Non habendo máis intervencións, a moción é aprobada pola maioría dos concelleiros
presentes (8 votos a favor do BNG, 1 do PSOE e 1 da concelleira non adscrita e a
abstención dos dous concelleiros do PP)
13. DECLARACIÓN MUNICIPIO SOLIDARIO CO ALZHEIMER.
O Sr. Alcalde da lectura ao dictame da Comisión Informativa e despois pasa a dar
lectura da moción (lle correspondía a Dª Teresa Magdaleno, mais excusase pois non
trouxo as gafas).
“DECLARACIÓN DE LOCALIDADE SOLIDARIA CO ALZHEIMER
Conscientes de que o Alzheimer é a demencia con maior prevalencia que
afecta en Galicia a 400.000 de persoas entre enfermos e familiares e que,
debido ao aumento da esperanza de vida da poboación, nos próximos vinte
anos verá duplicada a súa incidencia, snedo este un problema especialmente
grave en Galicia polo especial avellentamento e dispersión da poboación.
Conscientes de que o Alzheimer é un problema socio-sanitario debido á
inexistencia de tratamentos efectivos e posibilidade de prevención,
Conscientes de que a abordaxe desta enfermidade -que ten un custo anual
medio de máis de 30.000 euros- recae principalmente nas familias e que a

dotación de recursos socio-sanitarios específicos para afrontar as necesidade
das persoas enfermdas e das súas familias é escasa.
Conscientes de que, a pesar das diferentes recomendacións formuladas
dende os diversos órganos nacionais e internacionais e do recoñecemento da
importancia desta problemática na comunidade galega mediante a
declaración do ano 2012 Ano Galego do Alzheimer, non existe un plan
autonómico especificamente dirixido a paliar os efectos desta enfermidade.
E sabedores/as de que a poboación de Bueu está a envellecer e que iso leva
consigo importantes riscos á hora de adquirir ou padecer unha demencia
(sobre todo tipo Alzheimer).
O Concello de Bueu quere facer constar o seu compromiso con este problema de
primeira magnitude declarándose "Localidade Solidaria co Alzheimer".
Con este xesto institucional queremos servir de exemplo a outros municipios e
apoiar á sensibilización e concienciación da sociedade, institucións e cargos públicos
sobre este problema socio-sanitario de primeira magnitude.
Ratificando esta declaración, o municipio de Bueu como "Localidade Solidaria
co Alzheimer" apoia a iniciativa liderada pola Alianza polo Alzheimer que
reivindica a posta en marcha dunha Política de Estado de Alzheimer.”
O concelleiro Popular Sr. Juncal puntualiza que deben ser solidarios non co Alzheimer
senon cos afectados e familiares dos enfermos de Alzheimer, di que é só unha
custión semántica.
Non habendo máis intervencións, a proposta é aprobada pola unanimidade dos
concelleiros presentes (8 votos a favor do BNG, 2 do PP, 1 do PSOE e 1 da concelleira
non adscrita)
14. ROGOS E PREGUNTAS.
O voceiro do PSOE Sr. Castro plantexa catro cuestións, que entraron en rexistro en
data 11 de outubro, que de seguido transcríbense:
1. Cáles foron os pasos dados durante estas derradeiras semanas para facer
efectiva a solución ós problemas de estacionamento e circulación nos
aledaños do centro de saúde dunha forma definitiva?
2. Así mesmo, fixo algo o equipo de goberno para facilitar o estacionametno
e a circulación na zona con medidas transitorias mentras non se acometa
a solución definitiva.
3. Por que o equipo de goberno otorgou licencia de ampliación de vivenda a
un veciño do lugar da Pena, que ven de ser anulada polo TSX, a pesares
de ter un informe desfavorable do arquitecto municipal?
4. Que opinión sobre a responsabilidade patrimonial do concello de Bueu
sobre este asunto ten o alcalde? Segue pensando que non existe tal
responsabilidade a tenor do informe de 4 de setembro do asesor xurídico

externo que di textualmente: "responsabilidade patrimonial del concello
que sería complicado de soslayar en su totalidad".
Engade ademáis un rogo:
Varios veciños da rúa Alexandre Bóveda me veñen de comunicar que un dos
contenedores de lixo fai meses que ten inoperativo sistema de apertura. Que
o concelleiro de servizos ten constancia deste particular e que aínda están
esperando que se lle de a solución prometida. Ó parecer hai posibilidades de
que os mesmos operarios da recollida de lixo foran os responsables de tal
deterioro. Por canto lle rogamos ó señor concelleiro delegado que depure
responsabilidades se as hai e solucione esta incidencia no máis curto espazo
de tempo, así como calquera outra vinculada con desperfectops nos
contenedores do noso concello
O Sr. Alcalde contesta as preguntas 1 e 2 dicindo que na última sesión xa comentara
que entabláronse conversas cun veciño dono dunha parcela e que había boa
disposición. Mantivéronse dous reunións máis e hai que presentar unha proposta
para a adquisición desa parcela e está en estudo polos servizos técnicoas do
Concello. Aínda que se empece por un aluguer, a intención é adquirir dita parcela.
Confía en que o despacho de calixto Escariz remita nesta semana o informe
solicitado, ver as condicións económicas da operación e pechar o máis rápido posible
este asunto. A solución será en calquera caso temporal ata que se produza a
apertura do vial.
Deuse traslado destas conversas a Asociación “A voz do paciente” e parece ter o
beneplácito de todos.
Respecto das cuestións 3, o sr. Alcalde contesta:
.- Convén aclarar que a razón esgrimida polo arquitecto municipal para
informar desfavorablemente a licenza peticionada baseabase na presunción de que
o proxecto presentado, se ben aparentemente formulaba unha ampliación de
vivenda unifamiliar, podería servir para amparar a construción de dúas vivendas na
mesma parcela, o que non estaría permitido polas NSPMB
.- Non obstante, resulta preciso recordar que os informes dos técnicos en
materia de licenzas urbanísticas gozan de carácter preceptivo pero non así
vinculante ( art. 195.2 da LOUGA, en relación co art.º 83. 1 da LRJYPAC), polo
que a licenza únicamente foi otorgada logo de ser rebatidas expresamente,
mediante informe xurídico de data 11 de xuño de 2012 obrante no expediente, as
razóns esgrimidas polo arquitecto municipal para denegar a licenza, sobre a base de
que o Concello, á hora de outorgar licenzas de obras, e sobre a base do carácter
regulado da mesmas unanimemente admitido pola doutrina xurisprudencial
maioritaria, debería limitarse ao exame do proxecto presentado, sen entrar a realizar
xuízos de valor sobre a actuación posterior ou intencións dos titulares da licenza, tal
e como teñen apuntado os tribunales en numerosas ocasións, no senso de que non
se pode denegar una licenza sobre a única base de resquemores ou sospeitas de
que o que realmente se vai a construir e outra cousa diferente ó autorizado, pois o
Concello goza de instrumentos axeitados para perseguir tal actuación por vía de
disciplina urbanística ( art. 209 LOUGA), de non axustarse escrupulosamente ao
proxecto que serviu de base para o outorgamento da licenza, o que se podería
constatar unha vez finalizadas as obras, con ocasión do exame da edificación esixido
para o outorgamento da licenza de primeira ocupación que habilitase o uso da
vivenda, tal e como xa se advertía na mesma licenza outorgada a Benito Entenza

- Así mesmo, convén traer a colación que unha das razóns esgrimidas pola
Sala para anular a licenza se debeu á previa situación de fóra de ordenación
na que se encontraba a vivenda de orixe, por canto nesta se desenvolvían
usos vivideros baixo rasante, situación de fóra de ordenación que non se
desprendía dos planos do proxecto presentado - o semisoto presentábase
lóbrego- sendo estes planos os analizados e valorados polos técnicos
municipais á hora de conferir a licenza. Neste sentido a períto xudicial sinalou
con rotundidade que a vivenda tal e como aparecía contemplada no proxecto
presentado non se encontraba nunha situación de fóra de ordenación que
imposibilitase o outorgamento da licenza de ampliación.
Respecto a última cuestión plantexada resposta que neste punto non convén
esquecer que o proxecto autorizado non contemplaba que a vivenda prexistente se
encontrase en situación de fóra de ordenación, ao non se indicar neste a existencia
de usos vivideros baixo rasante, ao que debe engadirse o feito de que o proxecto se
presentase como un proxecto de ampliación de vivenda, reunindo todos os
elementos para ser considerado como tal proxecto de ampliación, tal e como se
destacou pola períto xudicial e mesmo polo arquitecto municipal – a obra resultante
cumplía con tódolos parámetros urbanísticos fixados pola ordenanza de aplicación,
polo que se entende que a anulación da licenza non debe levar consigo
responsabilidade patrimonial de ningún tipo para o Concello de Bueu, sen prexuízo
de que esta poida chegar a ser esixida polo titular da licenza anulada.
Respecto do rogo, contesta o Concelleiro delegado de Servizos que hai 70
pedaletas solicitadas, pois desaparecen de maneira misteriosa, e o mesmo pasa en
cangas e Moaña, e espera poder restituilas en tempo máis breve posible.
Intervén o Sr. Juncal dicindo que non é que falte a pedaleta, que o que
rompeu é o sistema de apertura dos contenedores, non as pedaletas.
O Sr. Castro remata pidindo que se arranxe este tema pois fai moi mal efecto
ver todos os contenedores rotos e o lixo amontonado no chan. Hai que arranxar
estes contenedores e depurar responsabilidades no caso de que o culpable sexa o
propio persoal de limpeza e recollida de lixo.
De seguido intervén Dª Laura Ogando, e formula a pregunta seguinte:
A Concelleira non adscrita do Concello de Bueu, Laura Ogando Muñíz, fai a seguinte
pregunta no Pleno do 15 de outubro de 2012, ao alcalde desta corporación ou á
Concellería de Persoal, como estimen pertinente:
Na prensa do 05/10/2012 sae unha noticia onde se anuncia por parte do concelleiro
de Persoal a contratación de fai uns días como asesor en materia laboral e para a
realización da RPT a Javier Ferreira, catedrático da Universidade de Santiago.
Ao preguntarlle por esta cuestión á Secretaria Xeral do Concello o día 09/10/2012 e
polo tipo de contratación que se levara a cabo, me contesta que sería por medio dun
negociado máis que as bases para este tipo de contrato todavía non estaban feitas.
Un procedemento negociado a adxudicación recae no licitador/a xustificadamente
elexido polo órgano de contratación, tras efectuar consultas con diversas
candidaturas e negociar as condicións do contrato con cada un deles. Ao menos
teñen que ser 3 empresas e tras recibir as ofertas os órganos de contratación
poderían resolver a adxudicación sempre con escrupuloso respecto ós principios de
igualdade e non discriminación.
1ª PREGUNTA: Cáles foron as diferentes candidaturas coas que se negociaron as
condicións do contrato e os fundamentos para elexir esta?
2ª PREGUNTA: Pódese facer a contratación antes das propias bass do procedemento
negociado?
Moitas grazas

O Sr. Alcalde di que lle contestarán no Pleno seguinte pois non coincide cos
plantexamentos da Concelleira.
E non habendo mais intervencións nin mais asuntos a tratar, dáse por rematada a
sesión sendo as 11:25 horas do día ó principio sinalado, de todo o que, en canto
Secretaria Xeral da Corporación, dou fe.
A Secretaria, Vº Pr.
O Alcalde,
Asdo: Lucía Artime Alonso Asdo: Félix Juncal Novas