Capa Escrita Pura e Dora - Asociación de Escritores en Lingua ...

O noso prato é outro, nós non nacemos para roer olvido: bebemos na fonte da
esperanza, para escribir no mar a “cristal transparencia / o embriago do lume”
para “tocar a rocha ardente e o negro mar das tercas teimosías” e pedimos para o
“efémero caudal da nosa vida, sangue de flores”.
Sabemos, porque así nolo ensinastes, que “non doe a luz... Doe a pisada herba...
As feridas cravadas nunha carne que enfría”.
Para celebrar a vida, bebemos versos con sede vella. Por iso plantamos as
árbores da esperanza ao carón da fonte, por iso erguemos pedras na auga que,
desde hoxe, vos celebra. Auga, aire, lume... Terra. Os catro elementos nos que
habitan os soños. Grazas por ensinarnos todo isto, mestras.
8
Xerardo Méndez*
Vogal do Consello Directivo da AELG
* Palabras dirixidas no Parque do Barbaña aos asistentes á Homenaxe “As escritoras na súa Terra”