Capa Escrita Pura e Dora - Asociación de Escritores en Lingua ...

LUZ
Será dourada, coma de sol, ó encomenzar e acción.
REPARTO
Don Rato
Can Pastor
Abella
Grilo
Formiga
Ran
Merlo
Xirasol
Volvoreta
Don Gato
(Si estes personaxes se cambearan por outros, ou se aumentaran, terán que ser
cambeados na escea dos diálogos o nome dos oficios que eles dín ter).
ACCIÓN
O erguerse o pano, cada personaxe, menos Don Rato, estará no seu posto facendo
as mímicas da súa especialidade: O can moveráse dunha beira á outra da
caseta, facendo guau soavemente de tempo en tempo. A abella achegaráse ás frores
que terá detrás indo de unha para a outra co bico. O grilo estregaráse as mans
pola espalda unha contra a outra como si foran aliñas para cantar gri gri gri... A
formiga ollará para unhos e para outros alisando as patiñas –as mans–. A ran
choutará e brincará entre xunco e xunco facendo croac croac. O merlo aceneará
co bico para os lados como cantando (si poidera facerse o chilro con magnetofón
millor). A volvoreta pouserá as antenas que lle sairán do gorro sobre da frol que
terá á beira. O xirasol moveráse paseniño ó seu redor, xirando. O Gato fará que
lambe no leite na cazola e que se relambe, saborexando.
SONS
A acción anterior terá como sons os propios destes animáis, como queda sinalado,
sin moita estridencia. Unha melodía leda e pastoril se axuntará con eles. Ha
de dar a sensación de unha escea campesiña, sin faltar o zoar das abellas. Estes
efectos poderíanse conseguir bastante ben con grabacións de sons de animales.
84