Capa Escrita Pura e Dora - Asociación de Escritores en Lingua ...

Pura Vázquez
Arróxannos esnúos, indefensos
nun mundo hostil que xa no berce fire.
Nada sabemos, nada, de canto nos agarda.
(Inocencia, feliz, marabillosa
cortina que nos vela ise futuro
que atesouramos nos cativos anos).
(“Nacer en ti”, de Se digo Ourense…)
Pura Vázquez Iglesias naceu en Ourense no ano 1918. Criouse na cidade de A
Coruña ata os sete anos en que volveu á súa cidade natal. A súa obra literaria
iniciouse sendo ela moi nova, con só quince anos, cando publica os seus primeiros
versos en La Zarpa, o gran xornal agrario e galeguista fundado por Basilio
Álvarez.
En Ourense fixo os primeiros estudos, o bacharelato e a carreira de Maxisterio,
desempeñando a súa primeira escola en terras ourensás para logo iniciar, por
motivos de clima, unha pelerinaxe por diversas escolas das provincias de Segovia,
Toledo, Sevilla e Madrid. Participou na revista Posío e no Círculo Azor e na
maioría das actividades culturais dos anos 40 na cidade. Segundo ten lembrado
Borobó, colaborou cos seus poemas en El Compostelano, desde 1941 e da man
do seu mestre Antonio Couceiro Freijomil, e tamén na páxina de Plumas e Letras
do xornal La Noche, que el mesmo dirixía en Santiago.
No ano 1955 viaxou a Caracas e foi encargada polas autoridades venezolanas
de rexentar un kindergatem piloto no mellor centro de Primaria de Caracas
daquela época. Un ano despois traballa como secretaria da Escola de Periodismo
da Facultade de Letras da Universidade venezolana, regresando a España no
ano 1968. Coñeceu e tratou a moitos dos escritores que máis admira como Gerardo
Diego, Vicente Aleixandre ou Uxío Novoneyra. Nas tertulias de Madrid estaban
presentes tamén nomes como José Hierro, Ramón Cabanillas, “Ben-Cho-
Shey”, Cunqueiro, Carmen Conde, Manuel María ou Marcial Suárez, evocados
tantas veces pola autora.
Xubilaríase por lei en Madrid, en 1985, ano en que enviuvou regresando definitivamente
a Ourense. Empezou moi nova a escribir nos xornais e revistas desta
cidade e a publicar os seus primeiros libros de versos desde os anos 40 en diante.
A obra lírica e narrativa de Pura Vázquez supera os 30 títulos (en galego e en castelán),
entre os que cabe subliñar o seu primeiro poemario, Intimas (Xistral, 1952);
Maturidade (1955), A saudade i outros poemas (1963), O desacougo (1971), Verbas
na edra do vento (1992), Man que escribiu no mar (1993), Se digo Ourense (1994),
25