baixar as receitas en formato PDF

AMEIXAS Á MARIÑEIRA
INGREDIENTES:
2 quilos de ameixas (Desbabadas en auga de mar)
2 cebolas
1 ou 2 vasos de auga da cocedura das ameixas
1 vaso de viño branco
Pementa branca e azafrán
Aceite de oliva, pan relado, tomate frito e perexil
PREPARACIÓN:
Despois de cocer as ameixas ao vapor, vertémolas nun
recipiente e cunha cunca apartamos unha pouca auga que nos
servirá para a posterior preparación da salsa.
Poñemos a tixola ao lume co aceite de oliva; unha vez que o
aceite comeza a quentarse, engadimos a cebola,previamente
picada, pementa, segundo o gusto, azafrán e o perexil triturado.
Cando a cebola comeza a estar branda (pocha),
arrimámoslle o tomate frito, o viño branco e de seguido,
removemos a salsa vertendo nela o pan relado. A medida que a
salsa vai engordando, botámoslle a auga das ameixas ata acadar a
espesura desexada.
Nunha tarteira ampla botamos as ameixas cunha pouca auga
da cocedura. Poñémolas ao lume, e de seguido, engadímoslle a
salsa quente que preparamos con anterioridade. Cunha culler de
pau removemos. Deixamos a lume lento ata servir.
Recollida por VENTURA MARIÑO GARCÍA 4 E.S.O.
Realizada por XOÁN VENTURA MARIÑO SANTAMARÍA
Época : De outubro a Nadal cando a ameixa está nas condicións óptimas
4