baixar as receitas en formato PDF

INGREDIENTES:
FILLOAS III
3 ovos 3 medidas de iogur de fariña
Un pouco de sal Un pouco leite
Rela de un limón Un pouco aceite
PREPARACIÓN:
Bótanse nun recipiente os 3 ovos, un pouco de sal, a rela do
limón e bátese co batedor de ferro. Faise un amoado botándolle a
fariña, e cando estea, bótaselle leite e bátese. Déixase repousar
media hora.
Bótase un pouco de aceite na tixola (ou úntase cun pouco de
touciño) e bótase un pouco de amoado á vez que se move para que
se estenda. Dáselle volta e cómense quentes.
Recollida por DAVID GONZÁLEZ GUDE de 1 E.S.O.
Realizada por BEATRIZ GUDE
FILLOAS IV
INGREDIENTES:
1 quilo de fariña 2 limóns
1 litro e medio de leite Sal
1 ducia de ovos Canela
PREPARACIÓN:
Collemos unha tarteira e botamos dentro o quilo de fariña,
a ducia de ovos, a reladura dos limóns, un pouco de canela e un
chisquiño de sal.
Collemos unha culler de madeira e mentres remexemos imos
botando pouco a pouco o leite para abrandar un pouco a masa.
Agora collemos unha tixola e poñémola ao lume cun pouco de
aceite e imos botando a masa na tixola cun cullerón. Cando estea
feita a filloa por un lado, dámoslle a volta para que se faga polo
outro lado.
Collemos un prato e botamos nel tódalas filloas.
Recollida por Mª ISABEL GARCÍA PÉREZ de 2 E.S.O.
Realizada por MARÍA SANLÉS REGO de Deán Grande
29