62 <strong>ELS</strong> <strong>tíðindi</strong> 11/<strong>2000</strong> Úrskurðir í vörumerkjamálum Í <strong>nóvember</strong> <strong>2000</strong> var úrskurðað í eftirfarandi andmælamálum: Umsókn nr.: 2192/1998 Dags úrskurðar: 7.11.<strong>2000</strong> Umsækjandi: PIERRE FABRE DERMO- COSMETIQUE, 45, Place Abel Gance, F- 92100 BOULOGNE, Frakklandi. Vörumerki: PhotoScreen (orð- og myndmerki) Flokkar: 3, 5. Andmælandi: Unilever N.V., Hollandi. Rök andmælanda: Andmælin byggð á ruglingshættu við skráð vörumerki andmælanda, PHOTO (orðmerki), nr. 85/1992. Úrskurður: Vörulíking var talin vera til staðar þar sem bæði vörumerkin ættu að auðkenna vörur sem hafi svipaðan tilgang og í mörgum tilvikum framleiði einmitt sami aðili bæði almennar snyrtivörur sem og sólarsnyrtivörur og sólarvarnir. Bent var á að í því tilviki sem hér um ræði, þá sé hluti af merki umsækjanda nákvæmlega hinn sami og merki andmælanda. Þegar merki sé þannig í heild sinni tekið upp í annað merki megi telja nokkrar líkur til þess að hætta á ruglingi geti skapast. Ekki sé þó sjálfgefið að ruglingshætta sé milli tveggja vörumerkja þó að annað merkið feli í sér hitt því líta verði á hvert mál sérstaklega og meta hvort ruglingshætta teljist vera til staðar. Tekið var fram að það sem úrslitum ráði við mat á því hvort ruglingshætta sé með vörumerkjum sé hvort heildarmynd merkjanna sé svo lík að ruglingi geti valdið. Þá var bent á að oft hafi merki að geyma tiltekinn þátt sem sé meira áberandi og hafi meiri áhrif á heildarmynd merkisins en aðrir þættir þess. Var tekið fram að merki andmælanda, PHOTO, yrði að teljast sérkennandi fyrir þær vörur sem merkinu sé ætlað að auðkenna í flokki nr. 3 þar sem það geti hvorki talist lýsandi né vísbendandi fyrir þær vörur sem um ræði. Merki umsækjanda, PhotoScreen, sé samsett úr orðunum Photo og Screen en merkinu sé ætlað að standa fyrir sólarvarnir og einhvers konar sólarsnyrtivörur í flokkum 3 og 5. Orðhlutinn Screen í merki umsækjanda verði því að teljast nokkuð lýsandi fyrir þær vörur sem merkinu sé ætlað að auðkenna og hafi því minni áhrif á heildarmynd merkisins en orðhlutinn Photo sem verði að teljast sérkennandi fyrir bæði þær vörur sem merki andmælanda og umsækjanda sé ætlað að standa fyrir. Orðhlutinn Photo sé því sterkari hluti merkisins PhotoScreen í tengslum við mat á ruglingshættu milli umræddra merkja og sá orðhluti merkis umsækjanda sé nákvæmlega sá sami og merki andmælanda. Með vísan til sjónarmiða um mat á ruglingshættu m.a. þegar annað merkið sé í heild sinni tekið upp í hitt merkið og þess að orðhlutinn Screen í merki umsækjanda verði að teljast veikur þáttur í heildarmynd merkis umsækjanda var það mat Einkaleyfastofunnar að almenningur gæti hæglega talið að um viðskiptatengsl milli aðila væri að ræða og því væri ruglingshætta með merkjunum. Því yrði að fallast á það með andmælanda að vörumerki umsækjanda, PhotoScreen (orðmerki), væri óskráningarhæft skv. 6. tl. 1. mgr. 14. gr. vörumerkjalaga nr. 45/1997 og því skyldi skráning merkisins felld úr gildi, sbr. 4. mgr. 22. gr. vörumerkjalaganna, sbr. 6. tl. 1. mgr. 14. gr. sömu laga. Umsókn nr.: 2547/1998 Dags úrskurðar: 7.11.<strong>2000</strong> Umsækjandi: Omega Farma ehf., Skútuvogi 1H, 104 Reykjavík, Íslandi. Vörumerki: SEROPRAM (orðmerki) Flokkar: 5. Andmælandi: H. Lundbeck A/S, Danmörku . Rök andmælanda: Andmælin eru byggð á eldri rétti andmælanda til vörumerkisins SEROPRAM, sbr. 7. tl. 1.mgr. 14. gr. eldri vörumerkjalaga, nr. 47/1968 ásamt 7. tl. 1.mgr. 14.gr. og 1. mgr. 13. gr. núgildandi vörmerkjalaga, nr. 45/1997. Andmælt er skráningu vörumerkisins SEREOPRAM (orðmerki), sbr. skráning nr. 163/1999, fyrir lyfjablöndu í flokki nr. 5. Úrskurður: Ekki var fallist fallist á frávísunarkröfu umsækjanda, þar sem vörumerkjaréttur gæti, m. a. stofnast fyrir notkun, skv. 2. tl. 1. mgr. 3. gr. vörumerkjalaga nr. 45/1997. Lög nr. 45/1997 tóku gildi þann 1. júní 1997, skv. 67. gr. laganna. Ljóst væri því að lög 47/1968 ættu hér ekki við. Bent er á að skv. 7. tl. 1. mgr. 14. gr. laganna sé það skilyrði að merki sé vel þekkt hér á landi. Ekki sé gert að skilyrði að notkun slíkra merkja sé í vondri trú (male fide). í Í eldri lögum hafi grandsemi verið skilyrði hvað hina erlendu notkun snerti, gagnstætt því sem kveðið sé á um í núgildandi lögum. Bent er á að orðin „vel þekkt hér á landi“ skv. 7. tl. 1. mgr. 14. gr. vörumerkjalaganna, þýða að merkið verði að vera þekkt innan viðskiptahóps vörunnar eða þjónustunnar, þ.e. að sá hópur álíti að hún eigi sama viðskiptauppruna, sem þýði að hún komi frá sama framleiðanda, innflutningsaðila, heildsala eða smásala. Tekið fram að það sé mat Einkaleyfastofu að gögn þau er andmælandi hefði lagt fram í málinu, hefðu ekki sýnt fram á að vörumerkið SEROPRAM væri þekkt hér á landi í skilningi 7. tl. 1. mgr. 14.gr. laga nr. 45/1997. Það væri því mat Einkaleyfastofu að ekki væri um ruglingshættu að ræða milli merkis andmælanda og merkis umsækjanda, í skilningi 1. mgr. 13. gr. laganna, þar sem merki andmælanda hafi hvorki verið skráð né sannanlega notað hér á landi, þá hafi andmælandi ekki lagt fram gögn er sýni fram á að vörumerki hans sé vel þekkt hér á landi. Með vísan til framangreinds fallist Einkaleyfastofan ekki á að villast megi á vörumerkinu SEROPRAM (orðmerki), nr. 163/1999 og vörumerki sem hafi verið vel þekkt hér á landi á þeim tíma er umsókn var lögð inn, sbr. 7. tl. 1. mgr. 14. gr. vörumerkjalaga nr. 45/1997 og skuli skráning vörumerkisins SEROPRAM (orðmerki), nr. 163/1999, halda gildi sínu.
11/<strong>2000</strong> Hönnun <strong>ELS</strong> <strong>tíðindi</strong> 63 Samkvæmt 25. gr. laga um hönnunarvernd nr. 48/1993 má ógilda skráningu hönnunar með dómi. Einnig geta skráningaryfirvöld lýst skráða hönnun ógilda, í samræmi við ákvæði 26. gr. laganna, ef krafa þar að lútandi berst innan tveggja ára frá skráningardegi, sbr. 28. gr. reglugerðar nr. 178/1994. — Skráningaryfirvöld úrskurða ekki um eignarrétt á hönnun. Skráningardagur:�(15)�15.11.<strong>2000</strong> Skráningarnúmer:�(11)�204 Umsóknardagur:�(22)�2.5.<strong>2000</strong> Umsóknarnúmer:�(21)�204 (55) (54) Fjölnota samsetningartengi. Flokkur: (51) 9.99 Eigandi: (71/73) J.K. Hönnun, Laufrima 22, 112 Reykjavík, Íslandi. Hönnuður: (72) Jón Kjartansson, Laufrima 22, 112 Reykjavík, Íslandi.