109_SNUNyhendeblad_2.. - SNU AS

NYTT OM NÆRINGSUTVIKLING FRÅ SNU
Næringsutvikling i Stord og Fitjar
Fokus på styrearbeid
NYTT
kreativt
knutepunkt
Kapital til nye
forretningsidear
Gode
støtteordningar
for etablerarar i
Fitjar
Nye bedrifter med
hjelp frå SNU
Nr. 1 2008

Leiar
Hege Økland
2
JAKTA PÅ DEI GODE IDEANE
Det er i dag mange som leitar etter
dei gode forretningsideane. Gode idear
som kan resultera i nye lønsame
verksemder, som har vekstpotensiale
og dei “rette” personane bak. Kapital
er tilgjengeleg hos investorar og i ulike
venture– og såkornfond som søkjer
etter investeringsprosjekt som tilfredsstiller
kriteria til vekst og lønnsemd.
Men før ein kan visa til gode tilbakemeldingar
frå marknaden, og når ein
står midt i ein kostbar utviklingsfase,
er det gjerne vanskelegare å overbevisa
investoren om at dette prosjektet er
det rette å investera i. Trongen for
kapital er likevel fullt ut til stades i
denne tidlege utviklingsfasen. Ein treng
gjerne hjelp og kapital til å testa ut
ideen, og hjelp til å søkja etter
partnarar og støttespelarar.
Gjennom fondet SNU Prosjektutvikling
AS, som du kan lesa meir om i bladet,
kan me tilby kapital i ein fase der andre
investorar ofte sit på gjerdet og ventar.
Me skal avlasta etableraren med risiko
og gjera det lettare å ta skrittet fullt
ut og satsa på eigen forretningsidé.
Ved eit aktivt eigarskap skal me gjennom
fondet vårt hjelpa etableraren gjennom
ein krevjande oppstart- og utviklingsfase.
Me vonar at vårt tilbod gjennom SNU
Prosjektutvikling skal gjera det mindre
risikofullt – og meir freistande – å ta
skrittet fullt ut og realisera ideen som
ein har tenkt på!
Konferansen vart arrangert for fjerde
gong, og arrangørane bak konferansen
var SNU, Atheno og Stord Næringsråd.
Konferansen hadde fleire framtidsretta
tema, der ungdom, gründerverksemd og
grøn innovasjon var overskriftene. Nytt av
året var kåring av dei beste ungdomsbedriftene
i Sunnhordland. To prisar på
10.000 kroner kvar vart delt ut, der den
eine prisen gjekk til ”Fønkis” frå Fitjar
vidaregåande skule, som ifølgje juryen
hadde den beste ideen. Den andre prisen
gjekk til ”Berbar personlighet” for best
forretningsutvikling.
Blant innleiarane var Agnes Bergo, kjent
som Pengedoktor og spaltist i ulike media
der ho gir råd om privatøkonomi. Ho
viste til undersøkingar som seier at det er
eit ynske om å bli sin eigen arbeidsgjevar
I SNU arbeider me med å tilby etablerarar
på Stord og Fitjar eit godt støtteapparat.
Me skal hjelpa etableraren med
å finna fram i jungelen av støtteordningar,
samarbeids- og finansieringspartnarar.
Kompetanse, nettverk og
kapital er tre viktige bidrag for at ein
forretningsidé skal slå ut i full blom.
Dette kan me i SNU hjelpa med.
I dette Nyhendebladet kan du lesa om
etablerarar som har starta nye bedrifter
med hjelp frå SNU. Dette skal forhåpentlegvis
gi inspirasjon til meir
nyskaping og fleire spanande bedrifter.
Lykke til – me hjelper gjerne til på
vegen!
Grøn og innovativ nyskapingskonferanse
Med strålande solskin og blå himmel vart
årets nyskapingskonferanse avvikla 7. mai
på Høgskulen Stord/Haugesund med om
lag 100 deltakarar.
Bandet Graceland Gospel, ei ”nyskaping” frå Høgskulen var ein viktig
del av programmet!
SNU AS
Postboks 217
5402 Stord
Hege Økland
Dagleg leiar
Tlf: 53 40 15 50
Mob: 977 53 695
hege.okland@snu.as
Jostein Sydnes
Forretningsutviklar
Tlf: 53 40 15 50
Mob: 913 71 097
jostein@snu.as
Ansvarleg redaktør:
Hege Økland
Journalist:
Ole Jacob Eide
Distribuert:
Stord
Fitjar
Kvinnherad
Sveio
Bømlo
som er årsaka til at mange vil starta for
seg sjølv, og ikkje det at dei trur dei vil
tena meir som eigen arbeidsgjevar.
Den nye direktøren ved Sør-Norge
Aluminium, Per Øyvind Sævartveit fortalde
om planane for utbygging av eit
kolkraftverk på Husnes. Sævartveit starta
innlegget sitt med å erklæra seg sjølv
som klimaskeptikar. Han peikte likevel på
kor viktig det er å vera føre var. Han
meiner difor at kolkraftanlegget som er
under planlegging på Husnes må ha
reinseteknologi på plass.
Merk deg dato for neste års nyskapingskonferanse
allereie no. Den er planlagt
til 6. mai 2009. Arrangørane ynskjer
alle nyskaparar hjarteleg velkomen til ny
nyskapingskonferanse!
Forsidefoto:
Øyvind Hjelmen
Grafisk design:
BO design & foto,
Bodil Haga
www.bodilhaga.no
Redaksjonen vart avslutta
1. august 2008.

Etablering og sikring
av framtidsretta arbeidsplassar
SNU er Fitjar kommune og Stord kommune sitt apparat
for næringsutvikling og etablerarhjelp. SNU tar del i alle
fasar frå idéutvikling til etablering og drift.
Næringsutvikling for framtida
Stadsutvikling og marknadsføring av regionen er viktig for å trekkja til
seg ungdom og kompetanse. Å sikra den rette kompetansen og dei
beste medarbeidarane er viktig for å utvikla eit robust, allsidig og konkurransedyktig
næringsliv. Etableringa av selskapet Fanari AS, som skal
vera eit kreativt knutepunkt i Sunnhordland, er eit resultat av dette.
Kompetanseutvikling i det eksisterande næringslivet er også viktig for å
styrkja konkurranseevna i det lokale næringslivet. Me gjennomfører
ulike kompetanseprogram som vert etterspurt i bedriftene. Døme på
slike program er kurs i prosjektleiing, styrekompetanse, arbeidsrett og
ulike internasjonaliseringsprogram.
Våre fokusområde
Næringsutvikling
Ungdom
Næring og samfunn
Sunnhordland har ein unik industri-, teknologi- og prosjektkompetanse
med eit særs stort verdiskapingspotensiale. Hovudmålsetnaden til
SNU er å bidra til etablering av nye arbeidsplassar, tryggja
eksisterande slike, samt å arbeida for å skapa ein meir
robust næringsstruktur.
SNU har fokus på ungdom gjennom etablerarkurs tilrettelagt for ungdom.
SNU-plassane har vist seg å vera nyttige treffstader for verk-semdene
i Stord og Fitjar, men også for utflytta ungdomar under utdanning, og
sjølve kommunane.
Næringsutviklingsarbeidet er eit ledd i eigarkommunane si samfunnsutvikling,
og SNU har her ei rolle med å knyta næringsliv og det
offentlege saman slik at ein sikrar ei næringsutvikling som er god
samfunnsutvikling og omvendt.
SNU - eit partnarskap med offentleg og privat samhandling
SNU er eigd av Fitjar kommune, Stord kommune, Fellesforbundet avd.
118, Stord Næringsråd og Fitjar Næringsråd. Modellen med offentlege
og private eigarar skal sikra ei god samhandling i næringsutviklingsarbeidet,
der partane skal ha ei felles forståing av prioritering av satsings-
og fokusområde.
Gratis etablerarhjelp
SNU tilbyr gratis hjelp til start av eiga verksemd, hjelp til utvikling av
forretningsplan, rettleiing og hjelp til bruk av det øvrige verkemiddelapparatet.
Me hjelper etableraren med oppretting av kontakt med
kompetansemiljø og investorar.
Ta kontakt dersom du har tankar om å starta eiga bedrift eller treng
hjelp til eit utviklingsprosjekt!
Styret i SNU
Grete Knudsen – styreleiar
Styreleiar i SNU sidan 2002.
Erfaring som stortingsrepresentant
og statsråd.
Nærings- og handelsminister i tre
ulike regjeringar.
Helge Gjøsæter – nestleiar
Administrerande direktør i Apply
AS. Delteke i SNU sitt omstillingsarbeid
sidan 2000.
Atle Tranøy – styremedlem
Konserntillitsvald og styremedlem
Aker ASA, styremedlem Forum for
Innovasjon, leiar Fellesforbundet
Sunnhordland. Delteke i SNU sitt
omstillingsarbeid sidan 2000.
Kari Patricia Kleppe –
styremedlem
Tidlegare direktør ved USF
Verftet i Bergen. I dag kulturhusleiar
for utvikling av Regionalt
kulturhus i Mandal.
Odd Sverre Larsen –
styremedlem
Dagleg leiar for varehuset Odd
Larsen AS i Fitjar. Styreleiar i
Fitjar Næringsråd og aktivt
engasjert i å styrkja næringslivet i
Fitjar.
Magne Heimvik – styremedlem
Administrerande direktør ved
Sunnhordland Kraftlag.
Arbeidserfaring frå konsulent- og
energibransjen. Nyvalt
styremedlem frå 2008.
3

Eigarar
SNU Prosjektutvikling AS vart
etablert ved inngangen til
2007.
Desse verksemdene har pr.
august -08 skote inn kapital i
SNU Prosjektutvikling AS:
Advantec AS
Aker Solutions – verksemdene
på Stord
Asator AS
Eldøyane Næringspark AS
Fellesforbundet Sunnhordland
Fitjar Kraftlag PL
JKP Invest AS
Leirvik Module Technology AS
Link Signatur AS
Palantir AS
Samspelsforum for Næringsutvikling
AS
Stord Industrier AS
Sparebanken Vest
Fakta
Desse verksemdene har
SNU Prosjektutvikling AS
pr. august -08 investert i:
Aluminox Scandinavia AS
Fanari AS
Stordfly AS
Fitjar Fritid og Småbåtservice AS
Dundelina AS
Styret
Styret i SNU Prosjektutvikling AS er:
Frank Breistein (styreleiar),
prosjektleiar Aker Solutions AS
Jan Arild Nesse (styremedlem),
regionbanksjef Sparebanken Vest
Bjørg Tislevoll (styremedlem),
avdelingsleiar ABB
Har du ein forretningsidé
og treng startkapital?
SNU Prosjektutvikling søkjer nye
investeringsprosjekt. På bakgrunn
av forretningsplanen vil SNU
Prosjektutvikling vurdera
investering i prosjektet.
Kontakt SNU for meir informasjon
og hjelp for vidare utvikling.
4
SNU Prosjektutvikling
– viktig startkapital for nye verksemder
Tilgang på kapital er ofte ein kritisk faktor ved etablering av nye verksemder.
Særleg i ein tidleg fase vil bankar og investorar vera varsame med å skyta
kapital inn i nye prosjekt eller bedrifter. Som følgje av dette vert mange idear
lagt på is, eller ein hentar inn kapital ved å låna hjå familie og vener. Nokre
tek òg opp lån med pant i privat eigedom.
SNU Prosjektutvikling AS er eit fond som er etablert i eit samarbeid
mellom SNU, Fellesforbundet Sunnhordland, Sparebanken Vest, og
ei rekke små og store bedrifter i Sunnhordland. Prosjektutviklingsfondet
tilbyr eigenkapital til nye prosjekt og verksemder
på eit tidleg stadium, der det er vanskeleg å få inn annan
kapital.
Gjennom prosjektutviklingsfondet får etableraren tilgang til eigenkapital,
kompetanse og nettverk som er viktig hjelp for å utvikla verksemda
vidare. Gjennom utøving av aktivt eigarskap er målsetnaden å hjelpa
nye selskap frå etablering og kommersialiseringsfase til vekstfase.
All avkastning på investeringane til SNU Prosjektutvikling vil verta
tilbakeført til fondet. Eigarane til SNU Prosjektutvikling skyt kapital inn
i fondet for å medverka til å skapa nye verksemder og næringar i Stord
og Fitjar. Dette viser at næringslivet i SNUkommunane har ei oppriktig
interesse for å skapa eit breiare og allsidig næringsliv i regionen.
SNU er rådgjevar for fondet.
Resultat
(Nyskapingsperiode)
Idefasen
Utvikling
Stipend Tilskot
(Vekstperiode)
Finansiering for dei ulike livsfasane til bedrifta
Risikolån/garanti
Konsolidering
Marknadslån
Omstilling
Tid
SNU Prosjektutvikling
AS går
inn i selskap i
ein tidleg fase,
gjerne allereie
i idéfasen eller
utviklingsfasen.

Fakta
Aluminox
Storkjøkenprodusenten vart etablert
i Hellas så langt tilbake som i 1929.
Det er ei ekte familiebedrift, og
det er Manolis Chiladakis som no
er hovudeigar. Han er tredje generasjon
som driv verksemda i Athen.
Dei leverer komplette løysingar til
alt frå restaurantar til skip. Verksemda
er i sitt slag den som har
overlevd lengst i Hellas, og den er
også den største leverandøren av
slike produkt på den greske
marknaden i dag. Forutan kontor
på Stord, er Aluminox også inne
på marknaden i Kina, Korea og i
USA.
Les meir om selskapet på
www.aluminox.no
Styreleiar Manolis Chiladakis og dagleg leiar
Ron Skjønberg har spanande utviklingsplanar
for Aluminox Scandinavia.
SKIP, KJØKEN og eit
gresknorsk samarbeid
Kva gjer eit gresk storkjøkkenfirma på Heiane på Stord? Jo, sel storkjøken sjølvsagt!
Aluminox Scandinavia A/S er eit resultat av eit spanande samarbeid mellom SNU,
lokale investorar, og den største storkjøkenprodusenten i Hellas.
Verksemda som held til på Heiane er allereie
byrja å hanka inn viktige kontraktar på den norske
skipsmarknaden. Dagleg leiar Ron Skjønberg er
stolt over at Aluminox si skandinaviske avdeling
har fått kontrakt på levering av storkjøken til to
skip ved Ulstein verft.
– Det er kjempekjekt å komma inn med
leveranse der, seier Skjønberg.
Han ser på verftet i Ulsteinvik som eit innovativt
verft med godt rykte. Det trur han kan vera
med på styrka Aluminox sin posisjon når dei skal
gje tilbod på andre skip. Og det er kjøken på
gyngande kjøl som er fokus i første omgang.
– Men me følgjer jo sjølvsagt med på kva som
skjer på landmarknaden også.
Førebels har dei levert inn tilbod på kjøkenutrusting
til 18 båtar. Stort sett heile pakka vert
produsert i Hellas, med unntak av nokre få
maskinar. Under utarbeiding av anboda har
Skjønberg tett dialog med kollegaene i Hellas.
Og i prosessen med å etablera seg på Stord har
bedrifta hatt eit godt samarbeid med SNU.
– Det har absolutt vore bra. Dei er flinke med
dei praktiske tinga, dei er veldig hjelpsame, og
dei stiller sjølvsagt krav. Og slik må det vera,
påpeikar Skjønberg.
SNU Prosjektutvikling AS er inne på eigarsida i
Aluminox Scandinavia saman med Asator AS og
Fonntech, medan produsenten i Athen er
majoritetseigar med 51 % av aksjane. Etter
planen skal SNU Prosjektutvikling AS trekkja seg
ut av verksemda når den er kome i godt gjenge.
Og med ei sentral plassering på Vestlandet har
Skjønberg tru på at dei blir fleire med mailadresse
aluminox.no i åra framover.
– Me ligg jo midt i smørauga, mellom viktige
skipsverft frå Molde i nord til Flekkefjord i sør,
avsluttar Skjønberg.
Kjøkkensjefen imponert over SNU og
kommunen
I Athen i Hellas sit styreleiar og hovudeigar
Manolis Chiladakis og gler seg stort over nyetableringa
på Stord. Han er overvelda over kor
godt dei er tekne hand om av både kommunen
og SNU.
– Me har følt oss veldig velkomne heile tida.
SNU har hjelpt oss mykje, og representantane
derifrå og i kommunen har vist oss at ting blir
løyst raskt og effektivt. Og dei er svært
fleksible, slår han fast.
Det er tydeleg at Chiladakis er meir vant med
system der ting kan ta månader før noko skjer.
– For oss var støtta frå SNU heilt avgjerande,
konstaterer grekaren.
Han ser på den norske marknaden som svært
viktig. Om dei lukkast her, trur han det kan
opna dører for å lukkast i andre land også. Og
han ser ikkje bort frå at ein også kan få til lokal
produksjon på sikt, om verksemda blir ein
suksess slik han håpar på.
5

Foto: Harald Nordbakken
Fakta
Fanari er eit aksjeselskap og har
eit breitt eigarskap med aktørar
frå næringa:
BO design & foto ved Bodil Haga
Eldøy Olav Møbeldesign AS
Fotograf Catherine Cameron
Fotograf Øyvind Hjelmen
Høgskulen Stord/Haugesund
Ingjerd Monsen Hjelmeland
Jørund Fjøsne Design
Link Signatur AS
SNU Prosjektutvikling AS
Sparebanken Vest
Stord Kommune
Samlar breidda av kreative næringar
Frå venstre: Harry Herstad, Åge Vallestad,
Olav Eldøy, Jane Jünger, Tjerand Espeland,
Catherine Cameron, Jørund Fjøsne, Ingjerd
Monsen Hjelmeland, Svein Halleraker, Liv
Kari Eskeland og Hege Økland
Den nye Fanari-sjefen, Catherine Cameron
Styret i Fanari AS:
Kari P. Kleppe (styreleiar),
tidlegare direktør ved USF Verftet
Jørund Fjøsne (nestleiar),
designar lokalisert i Fitjar
Svein Halleraker (styremedlem),
adm.dir. Link Signatur AS
Liv Reidun Grimstvedt
(styremedlem), dekan Høgskulen
Stord/Haugesund
Hege Økland (styremedlem),
dagleg leiar SNU AS
6
Kreativt knutepunkt
for Sunnhordland
Fanari er namnet på Sunnhordland sin nye samlingsstad for kreative
næringar. Og alle kreative hovud, hender og føter er velkomne.
Inviterer heile Sunnhordland
Den nye verksemda like ved gjestehamna i
byen Stord både utfordrar og inviterer. Og
ikkje berre dei på Stord, men alle i heile
sunnhordlandsregionen. Fanari driv med
framleige av lokale, hovudsakleg på Thiisafabrikken,
men Fanari skal også vera eit
nettverk og ein pådrivar for å utvikla
kulturnæringane og dei såkalla kreative
næringane i Sunnhordland.
Samlar breidda av kreative næringar
– Hovudmålet er at staden skal vera eit
kreativt knutepunkt. Sunnhordland har eit
godt utgangspunkt. Me har internasjonalt
anerkjente møbeldesignarar og skipsdesignarar.
Noreg og snart Nordens største
arkitektkontor er lokalisert på Stord. Sunnhordlandsforfattarane
er eit omgrep, og me
har nye og spanande musikarar. I tillegg
skjer det mykje spanande på festivalfronten
i Sunnhordland, seier dagleg leiar Catherine
Cameron, og legg til at det bør vera gode
muligheiter for spanande synergiar mellom
dei ulike kreative kreftene i Sunnhordland.
– No har me eit verkty, nemlig Fanari, som
kan vera med og gjera den enkelte meir
synleg, og ved at me samstundes samlar
fleire aktørar, vert me store nok til å ta på
oss større oppdrag som ofte forsvinn ut av
regionen, seier Fanari-sjefen.
Fanari-leiaren ynskjer seg alt frå grafiske
designarar, reklamefolk, kunstnarar,
musikarar og andre med skaparkraft inn i
Fanari.
– Eg utfordrar alle som trur dei kan vera
her, seier Cameron.
– Og gjerne nokon som bråkar litt, på ein
positiv måte, legg ho til og ler.
Samlokalisering i Thiisafabrikken
Samlokaliseringa på Stord med nye folk og
verksemder håpar ho kan gje staden nytt
liv. Ho meiner det er viktig at staden skal
vera publikumsvenleg.
– Det er eit mål at dette er ein stad der
folk finn det godt å arbeida og hentar
inspirasjon og motivasjon.
Ho trekkjer fram fellesarealet på kaiplan der
det kan vera mogeleg å ha kafédrift,
utstillingar, og andre typar arrangement.
Målsetnaden er å få fylla lokala med 10–15
ulike leigetakarar dei næraste åra. Og med
det også klara å trekkja folk mot sentrum.
At kanskje kulturskulen vil byggja på nabotomta,
trur ho vil vera med å styrkja
området.
Vil samarbeida med industri og næringsliv
Eit anna mål for Fanari er at leigetakarane
skal kunna dra nytte av kvarandre.
– Og industrinæringa har godt av å vita om
oss. Så slepp dei kanskje å dra til Bergen
eller Stavanger for å få den kompetansen
me kan tilby
Starta som eit SNU-prosjekt
SNU starta arbeidet med å etablera Fanari
tilbake i 2005. Dagleg leiar i SNU, Hege
Økland, leia hovudprosjektet som resulterte
i etableringa på nyåret i 2007. Mange
representantar frå næringar har delteke
med stor dugnadsinnsats i prosjektet fram
mot etableringa. Catherine Cameron har
vore med sidan oktober i fjor, og starta i
jobben som dagleg leiar i byrjinga av mai i
år.
Fotograf og Fanari-sjef
Cameron er utdanna kreftsjukepleiar og har
administrativ utdanning og erfaring frå
Noreg og USA. No har ho tatt steget ut av
helsevesenet og arbeider som kunstfotograf
ved sida av jobben i Fanari. Dei siste åra har
ho hatt 9 utstillingar i utlandet og er representert
i fleire internasjonale samlingar.
Arbeidet med Fanari brenn ho sterkt for, og
det dei har fått til på kulturhuset USF i
Bergen er til stor inspirasjon, fortel fotografen.
Der er det omlag 300 som i dag har sitt
daglege arbeid, innanfor alle fagfelt av
kunst og kultur. Fanari og Cameron bør
vera ein ypparleg kombinasjon for å danna
eit liknande miljø for sunnhordlendingane i
åra framover.

Vil du bli med i Fanari eller ynskjer du
meir informasjon?
Kontakt Catherine Cameron
info@fanari.no
Mobil: 94 17 10 33
INTERNASJONAL I
Fanari
Ein av dei nye leigetakarane i Thiisafabrikken er
Ingjerd Monsen Hjelmeland. Tekstilkunstnaren som
er utdanna ved Kunsthøyskolen i Bergen, kan visa
til mange utstillingar både innanlands og utanlands.
No gler ho seg til å få nye kollegaer på Stord.
Det er om lag eitt år sidan Hjelmeland tok kontakt med kulturkontoret
i Stord kommune og vart vist vidare til SNU på Thiisafabrikken.
Ho fortel at SNU–leiar Hege Økland var raskt på
banen for å ordna lokale, og Monsen Hjelmeland fekk nytta seg
av mellombels lokale på loftet i Thiisafabrikken før jul i fjor.
Tekstilkunstnaren dreiv eiga bedrift i Førde frå 1996 til 2006.
Men no ynskjer ho å profilera Stord. Ho lagar blant anna klede,
som skal kunna fungera skulpturelt i utstillingssammenheng, men
samtidig vera funksjonelle. Men ho tek gjerne andre utfordringar
også:
Eg er open for forskjellige ting, det kan vera både utsmykkings-
oppdrag og design, fortel ho.
Monsen Hjelmeland meiner det er viktig at det blir nytta fagfolk
innanfor kunstnarfaget.
– Det er veldig bra om det lokale næringslivet kan bruka lokale
kunstnarar, slår ho fast.
Ved å leiga lokale av Fanari ser Ingjerd Monsen Hjelmeland fram
til å bli ein del av eit fellesskap.
– Eg har arbeidd mykje aleine tidlegare, og det kan ofte vera
tungt.
Ho ser ein klar fordel ved å arbeida i eit fellesskap som dette, der
ein kan søkja hjelp frå kvarandre og dela erfaringar.
– Eg gler meg til å få kollegaer her på Stord, avsluttar ei optimistisk
Ingjerd Monsen Hjelmeland.
Vil du vita meir, sjekk ut kunstnaren si heimeside:
www.ingjerd.com
Inkluderande Profesjonell Nyskapande
Utforskande Sjeneros
Fanari sine kjerneverdiar.
- MÅ TENKJA LANGSIKTIG
For at Fanari skal bli ein suksess må me bli
synlege og byggja eit godt miljø. Samstundes
må politiske miljø ta ansvar for langsiktig og
heilskapleg tilrettelegging, som gjer det
mogleg å rekruttera til og utvikla Fanari. Det
meiner styreleiar i selskapet, Kari Patricia
Kleppe.
Ho arbeidde i mange år som leiar for kulturhuset USF i
Bergen, og veit mykje om kva som må til for å lukkast
med ei slik etablering. Kleppe var med i arbeidet med
marknadsundersøkinga som vart gjort for å sjekka ut
om Fanarikonseptet var noko folk ynskte.
Me gjekk breitt ut i Stord og Fitjar kommune, og høyrte
Styreleiar Kari Kleppe har klare tankar om korleis Fanari skal utviklast
Ingjerd er på plass i Fanari
om det var behov og interesse for noko slikt.
Responsen var eintydig positiv frå kunstnarar og andre
kreative som vart spurt. Alle var interesserte i eit slikt
nettverk, fortel Kleppe. Men dei hadde og eit sterkt
ynske om lokalisering. Dei fleste ville til sentrum, nær
publikum.
Om ikkje alle etablerer seg i Thiisafabrikken, så ser
Kleppe det likevel som viktig at dette blir ein møteplass
for kreative miljø under ein felles Fanari-paraply. Og ho
er klar på ein ting:
Det finst flust av flinke folk!
Det er eit viktig element for eit selskap som har som
hovudmål å styrkja dei kreative næringane i regionen.
7

Høg
aktivitet
i Fitjar
8
Ei rivande utvikling er i ferd med å
skje på Årskog. Gravemaskinar,
boremaskinar og lastebilar av ulike
slag er i full aktivitet fleire plassar.
Det er bygd nye bygg, og fleire vil
truleg koma i løpet av året.
Sentralt og strategisk plassering
Håkonar Næringspark ligg strategisk til langs
vegen frå Fitjar mot Sandvikvåg, og ifølgje
ordførar Harald Rydland gjer dette sitt til at
området er attraktivt.
– Næringsparken ligg midt mellom Bergen
og Haugesund. For næringsliv med dette
som sitt geografiske nedslagsfelt, er det
klart at dette er eit attraktivt område, seier
Rydland.
– Vegen går rett forbi, og parken har også
djupvasskai. Dette gjer at me no har selt
fleire tomter, og at me har hatt mange
interessentar på vitjing, fortel ordføraren
som også er næringssjef i Fitjar Kommune.
Rydland trur på ytterlegare vekst for næringsparken.
– Det verkar som om mange har
fått auga opp for Håkonar Næringspark som
ein strategisk god stad å etablera seg.
Auka profesjonalisering
Kommunen ynskjer å gjera området endå
betre for dei som etablerer seg i Håkonar
Næringspark. Dei har engasjert SNU til å
sjå om det er mogleg å etablera eit driftsselskap
som kan ivareta interessene til dei
som har etablert seg i parken. Vidare ynskjer
dei at SNU skal arbeida med å leggja ytterlegare
til rette for nyetableringar. Gunvald
Ottesen frå SNU leiar prosjektet.
– Målsetjinga til prosjektet er i første omgang
å sjå om det er forretningsgrunnlag for
etableringa av eit slikt selskap. Ein ser for
seg at selskapet skal ivareta fellesinteressene
til dei som er etablerte og eig eigedom i
Håkonar Næringspark, og å marknadsføra
og vidareutvikla området, fortel Ottesen.
Han vil i dialog med dei ulike interessentane
i parken så snart som mogleg.
– Til hausten tek me sikte på å få ei avklaring
på om dette er mogleg å realisera, stadfestar
Ottesen.
GODT FOR
gründerar
I FITJAR
Av og til kan det løna seg å vera liten
distriktskommune. For Fitjar sin del er
det ein fordel for dei som ynskjer å starta
næringsverksemd. Her er det større sjanse
for å få tilskot til nyetablering enn i Stord
kommune.
Årsaka til forskjellen er kort sagt at Fitjar ligg
innanfor rammene i eit såkalla distriktspolitisk
verkemiddelområde, og det gjer ikkje Stord.
Bakgrunnen er politiske vurderingar heilt frå EU
til den norske regjeringa, og vidare ut i distrikts-
Noreg.
Bur du i Fitjar har du med andre ord tilgang til
mange finansieringsordningar om du tenkjer på å
starta eiga verksemd eller vidareutvikla ei eksisterande
verksemd. Blant anna kan du søkja
Innovasjon Noreg om etablerarstipend. Dei legg
vekt på innovasjon, vekstpotensiale og lønnsemd.
Ynskjer du å satsa internasjonalt kan det vera
mykje å henta. Treng du hjelp til design, kan
Innovasjon Noreg hjelpa med både rådgjeving og
finansiering av kostnader du måtte ha til dette.
I ein kommune som Fitjar med mykje kystlinje og
jordbruksareal, er det ofte marine verksemder
og arbeid innan landbruk som er aktuelt. Innanfor
begge desse næringane kan Innovasjon Noreg
tilby finansiering som tilskot eller lån.
Også frå Samarbeidsrådet for Sunnhordland er
det mogeleg å søkja midlar. Dei disponerer eit
regionalt næringsfond som er for nyetablerarar i
distriktskommunar. Her kan ein søkja om støtte
til etablering, samt kostnader knytt til vidareutvikling
av verksemda. Maksimalt kan ein få
støtte til 20 % av totalkostnaden i eit prosjekt.
Såkornfondet, Fjord Invest Sør Vest, som du kan
lesa meir om til høgre er også aktuelt for Fitjarverksemder.
Plussar ein på den kompetansen og
støtta SNU kan hjelpa til med, ja så har fitjarbuar
no ein alle tiders sjanse til å lukkast med ei nyetablering
om ideen er god nok!
Såkornfondet, Fjord Invest Sør Vest, er også aktuelt for Fitjar-verksemder. Plussar ein på den
kompetansen og støtta SNU kan hjelpa til med, ja så har fitjarbuar no ein alle tiders sjanse til
å lukkast med ei nyetablering om ideen er god nok!

Ung Etablerar i Sunnhordland
Eit av satsingsområda til SNU er ungdom, og SNU har som målsetnad å
leggja til rette for at ungdom skal få naudsynt kompetanse, støtte og
rettleiing til å kunne etablera eiga verksemd.
Mange idear blant ungdom
Erfaringsmessig er ungdom ei gruppe som treng meir støtte og rettleiing ved etablering av
eiga verksemd, enn dei som har vore i arbeidslivet i nokre år. SNU ser i sitt arbeid samstundes
at det blant gruppa 19-30 år fins mange gode idear og eit stort potensiale i gründerverksemd.
Enklare å starta eiga verksemd
SNU arrangerer, i samarbeid med Samarbeidsrådet for Sunnhordland, etablerarsamlingar
som er spesielt retta mot personar mellom 19 og 30 år. Vår satsing på unge skal hjelpa til
slik at det blir lettare for unge å starta utviklingsprosjekt ved å gi tilgang på kompetanse,
nettverk og tilgang til kapital.
Profesjonell rettleiing
Ung Etablerar i Sunnhordland har profesjonelle coachar som sjølv har erfaring frå eigne
etableringar og vore med på små og store prosjekt. Saman med gjesteførelesarar frå ulike
bransjar og miljø er dei med på å gje kursa eit spanande og lærerikt innhald.
Fjord Invest
SørVest AS
Fjord invest SørVest AS er eit
distriktsretta fond med ein
forvaltningskapital på 216
millionar kroner. Selskapet som
har hovudkontor i Førde, skal
investera i distriktskommunar
på Sør-Vestlandet.
Fjord Invest SørVest skal investera
i små- og mellomstore bedrifter,
samt innovative prosjekt i ein
tidleg utviklingsfase der det er
vanskeleg å oppnå ekstern
finansiering.
Prioriterte investeringsområde
er industriprosjekt i tidlegfase
(såkornfase) i små og mellomstore
bedrifter.
I Sunnhordland kan fondet
investera i prosjekt i Fitjar,
Austevoll, Tysnes, Kvinnherad
og Etne. Kontakt SNU eller
Atheno ved Sylvi R. Sørfonn
for meir informasjon!
Notis
Naprapat Kjersti Ystad anbefalar andre unge
etablerarar å delta på etablerarkurs.
SNU og Samarbeidsrådet arrangerer
nytt etablerarkurs retta mot ungdom
hausten 2008. Søknadsfrist 5. sept.
2008. Kontakt SNU for meir informasjon.
Naprapat med
positive erfaringar
frå etablerarkurs
Hausten 2007 arrangerte SNU og Samarbeidsrådet
første etablerarsamlinga for
ungdom. Ei av deltakarane var Kjersti
Ystad. Ho flytta til Stord for å starta
eigen naprapatklinikk. Kjersti har drive
klinikken sidan juli 2006, og følte behov
for å få inspirasjon til å driva vidare og å
få meir informasjon om det å driva eiga
bedrift.
– Gjennom utdanninga i naprapati fekk
me noko informasjon om det å starta
eiga verksemd, men eg er utdanna
naprapat i Sverige, og det er klart at
mykje er annleis i Noreg, fortel Ystad.
Ein naprapat undersøkjer og behandlar
både musklar og ledd. Ein nyttar blant
anna manipulasjon, akupunktur og massasje
i naprapati.
– Etablerarkurset gav meg mykje god
informasjon og tvinga meg til å gjera den
jobben som ein lett skyv framom seg når
ein startar for seg sjølv. Eg laga ein forretningsplan
og sette meg nokre mål for
bedrifta som har vore nyttig for meg,
seier Kjersti.
– Eg vil også trekkja fram dei gode førelesarane
på kurset. Veldig lærerikt å høyra
andre sine erfaringar frå det å starta for
seg sjølv, tykkjer Ystad.
Ystad kjem eigentleg frå Ål i Hallingdal
og hamna på Stord nokså tilfeldig.
– Eg har besteforeldre på Fitjar så eg
kjende jo staden frå før, men forutan det
så kjende eg ikkje så mange her, fortel
Kjersti.
Som aktiv handballspelar har Kjersti funne
seg godt til rette på Stord.
– Det er godt idrettsmiljø her, men ein
av grunnane til at eg melde meg på
kurset var nettopp det at eg fekk utvida
nettverket mitt. Det er fint å kunna dela
erfaringar med andre, seier ho.
– Å starta for seg sjølv kan vera ganske
einsamt, påpeikar Ystad. Ho er difor glad
for at ho er lokalisert i Sport-Treff der
ho er blitt del av eit større miljø.
9

FRÅ ELDØYANE TIL TEXAS
Suksessbedrifta Advantec har hatt nokre få
og framgangsrike år sidan starten i 2005.
Verksemda som blant anna lagar elektrohydrauliske
system for offshoremarknaden,
sysselset no omlag 90 personar. Advantec
har no tatt steget over dammen som eit
resultat av eit internasjonaliseringsprosjekt i
samarbeid med SNU.
Dei ligg ikkje på latsida ute på Eldøyane. Sjølv om det
skjer mykje på den nasjonale marknaden, vel Advantec
no også å sjå mot Houston, Texas. Dei har allereie
opna ei avdeling i oljebyen i Texas. Noko av årsaka er
at det her finst fleire tunge aktørar i marknaden som
bedrifta ynskjer ei større tilnærming til.
Blant desse er Vetco Gray, Aker Solutions, og FMC,
fortel dagleg leiar Magnar Aaland.
Før etableringa gjorde Advantec ei marknadsundersøking
i samarbeid med SNU og Innovasjon Noreg.
Marknadsundersøkinga kartla internasjonale kundar og
prosjekt, marknadsmessige krav, og resulterte i ein
handlingsplan som viste korleis dei skulle gripa fatt i
marknaden. No er dei altså i gang.
I løpet av 3–5 år håpar Aaland at omsetnaden frå
Houston-avdelinga kan utgjera 20–25 % av omsetnaden
i selskapet.
No er det hardt arbeid som gjeld, og å prøva å vera
dyktige nok, slår Aaland fast.
Han trur at opninga av ei avdeling i Texas vil kunna bli
ein døropnar til den internasjonale marknaden, og at
det kan hjelpa bedrifta å komma i posisjon for å gje
tilbod på ulike jobbar som dei i dag ikkje er med og
byr på.
Ved avdelinga i Houston er Jan Even Østrem og ein
amerikanar dei første tilsette. Østrem er tilsett som
dagleg leiar, eller president som det så fint heiter der
borte. Ikkje rart sonen varsla vener og kjente om at
han skulle reisa til USA, fordi faren skulle bli
president!
Magnar Aaland og Advantec tek
steget over dammen.
Utfordrar på kvalitet og service
Pacta er ei av bedriftene som i oppstartsfasen nytta seg av SNU sin kompetanse.
No er bedrifta i godt gjenge, og dagleg leiar Vibecke Beyer fortel om godt resultat
for bedrifta både i 2007, og så langt i år.
Vibecke Beyer tok skrittet
fullt ut og starta si eiga
bedrift hausten 2006.
– Eg starta det heile med å
utvikla ein forretningsplan
Vibecke Beyer kan visa til eit fint resultat
for den nye bedrifta.
allereie etter første driftsår.
Arbeidsprosessen med
utvikling av forretningsplan
var viktig; – både for å få
tanken om eiga bedrift til å modna hos meg sjølv, men også for å
bli meir medviten om produkttilbod, prisstrategi og marknad, fortel
Beyer. Ho råder alle gründerar til å leggja vekt på å arbeida fram
ein forretningsplan for verksemda.
– Forretningsplanen blir etterspurt av investorar, bankar og samarbeidspartnarar.
I tillegg er forretningsplanen sjølvsagt eit
styringsdokument som stadig må oppdaterast. SNU hjelpte meg
med utarbeiding av planen, og kopla meg i neste runde til lokale
investorar som no har investert i selskapet, fortel ho, og legg til at
det å få kontakt med investorar som hadde tru på idéen var
utslagsgjevande for at forretningsplanen vart realisert og Pacta vart
etablert.
Frå sin base i Sagvåg har inkassobyrået blitt ein aktør med Sunnhordland-
og Haugalandregionen som hovudmarknad.
Me ynskjer å skilja oss ut frå resten av bransjen, seier Beyer.
– Me skal utfordra dei største aktørane på lokalkunnskap, kvalitet
10
og ikkje minst tilgjenge. Dei minste aktørane skal me utfordra med
våre komplette tenester og moderne løysingar, seier Beyer i tru
salsstil. – Dette er viktige konkurransefortrinn som me har lagt
vekt på heilt frå oppstartsfasen.
Me kjenner marknaden godt, slår Fakta
ho fast.
Sjølv har ho arbeidd innanfor det
same fagfeltet på Stord sidan 1997,
og bør ha godt belegg for ei slik
utsegn. Den daglege leiaren fortel at
det er svært viktig for dei å ta vare
både på kunde og betalar. Og ho
opplever lite støy frå irriterte folk.
Me kjem langt med å lytta, og å ta
oss tid til å diskutera løysingar. Og
det å møta folk med respekt er
viktig, fortel ho vidare.
Kor store Pacta blir i framtida har
ikkje Vibecke Beyer noko klart svar
på. Me skal veksa, gro, - og bli
større. I første rekke vil me
fokusera på næringslivet i Hordaland
og Rogaland, avsluttar ho. Meir
informasjon om Pacta finn du på
www.pacta.no
Forretningsplan
Har du ein forretningsidé og
ynskjer å utvikla denne
vidare, løner det seg å starta
med å laga ein forretningsplan.
Prosessen med å laga
ein forretningsplan hjelper
deg med å gjennomarbeida
forretningsideen din. Forretningsplanen
skal innehalda ei
skildring av:
Mål
Forretningsidé
Produktet/tenesta
Marknadsvurdering
Budsjett og finansiering
Framdriftsplan
Selskapsform
Nyttige nettsider:
www.bedin.no
www.etablerar.no

SNU VIDEREUTVIKLES
Etter at omstillingsperioden er over, fremstår
SNU i ny drakt. Våre gode eiere står fortsatt ved
oss, som Fitjar og Stord kommuner, Fellesforbundet
Sunnhordland og næringsrådene i Fitjar
og Stord. I tillegg støtter en rekke av bedriftene
i vår region opp med prosjektmidler på en fremtidsrettet
måte, slik at vi sikrer investeringer i
nyetablerte bedrifter, også i en periode der
ledigheten er lav. Ikke dårlig!
For utfordringene står i kø. Den fremtidige
samfunns- og næringspolitiske oppgave er å
modernisere etablerte strukturer for en ny tid.
Folk flest og bedriftene har andre behov enn vi
hadde bare for få år siden, og verktøyene må
endres deretter. Når verden rundt oss forandrer
seg, forandrer vi oss. Å leve med omstilling er
både smertefullt og frydefullt, alt etter hvem vi
spør. Endring er like fullt en naturlig del av
tilværelsen, noe Sunnhordlandsregionen opplever
og lever med til fulle.
Undersøkelser som kartlegger hvor folk i etableringsfasen
ønsker å slå seg ned, peker på det
selvsagte at det skal være jobbtilbud til familien,
samt tjenester som utdanning, helsetilbud og et
bredt tjenestetilbud i det hele. Men fritidstilbud
og muligheten til å forflytte seg enkelt og raskt
utover regionale og nasjonale grenser, tillegges
økt vekt. Vi vil ha både det urbane sammen med
det lokale og nære, som gir identitet og tilhørighet.
Dette stiller selvsagt også nye og store krav til
det politiske systemet.
Når det gjelder næringsutvikling, er Fitjar og
Stord i en unik situasjon, med store muligheter i
forhold til landets vekstnæringer; offshore og
maritim virksomhet, oppdrett, IT, finans og
kultur. Men nye og eksisterende bedrifter skriker
etter kompetent arbeidskraft og mulighet til
jevnlige omskoleringer, videreutdanning, samt
forsknings- og utviklingsmiljøer som kan sikre at
vi holder ypperste nivå innen våre hovedområder.
De kulturelle produktene, opplevelsesindustri og
turisme er nye og voksende industrier. I følge
siste OECD-rapport er veksten på dette området
på 5-20 % pr. år innen OECD-områdene. Det
ligger her til rette for å utvikle konsepter som
kan utnytte mulighetene i regionen bedre enn i
dag. Men det kommer ikke av seg selv. SNU
mener at Fanari som nå er etablert, er et viktig
virkemiddel for synliggjøring og utvikling av de
kreative næringene, og i fortsettelsen må
nærheten til kompetanse og utviklingsmiljøer gis
en helt annen vekt, for det krever kunnskap,
innsatsvilje og innovasjon for å videreutvikle det
som nå ligger i startgropen.
Det nye SNU skal i enda høyere grad holde
fanen oppe i forhold til nye ideer og etableringer.
Det er nå vi legger det viktige grunnlaget for
fremtidens bedrifter som den unge generasjonen
skal inn i. Og vi skal fortsatt bidra til å gjøre
regionens bedrifter robuste til å klare svingningene
fra en global virkelighet som omgir oss.
Vi er ikke i tvil: Fitjar og Stord skal bli en enda
tyngre motor nasjonalt og globalt. Og samtidig
utvikle spennende nærmiljøer med et rikt kulturliv
som gjør at folk vil til Fitjar og Stord, fordi vi
byr på så mye. I det arbeidet trenger vi alle ”VI
VIL-FOLKENE” som ser mulighetene og vurderer
hindring som det lille ekstra som skal vinnes
over.
Vi inviterer våre kunnskapsinstitusjoner til et tett
samarbeid i vårt videre arbeid, slik at vi sikrer at
våre vekstnæringer ligger i fremste rekke, og at
vi gjennom utvidet kompetanse og FOU-arbeid
ytterligere dokumenterer det.
Styreleiaren har ordet
Grete Knudsen
Det nye SNU skal i enda høyere grad
“
holde fanen oppe i forhold til nye ideer
og etableringer.
11

Hyttefolkets
feltarbeidarar
Dei byggjer bokstaveleg talt verksemda stein for stein,
karane i Fitjar Småbåt og Fritidsservice AS. Hyttefolk
er ikkje synonymt med utedo og familiedugnad lenger.
No vil dei ha tv-bilete frå fiberkabel og ferdig steinsett
kaikant utanfor kåken.
12
Like ved sjøkanten i det nye hyttefeltet på
Kråko i Fitjar puslar Oddvar de Fine og
Arnt Helland saman steinteppet. Heile
800 kvadratmeter belegningsstein skal på
plass.
Fullt belegg på hotellet
Den relativt nye bedrifta vart etablert i
desember 2006. Under oppstarten
hjelpte SNU til med marknadsføring og
oppstartsmidlar. Hovudsatsinga var båthotell. Dette vart ein
suksess, og i vinter var hotellet fullt med 62 fritidsbåtar innomhus.
– Me skulle gjerne hatt større plass i vinter, fortel dagleg leiar
Oddvar de Fine.
Og resultatet av at det var drygt 80 som ville ha plass i fjor, har
gjort sitt til at dei no utvidar kapasiteten på industriområdet på
Årskog. Førebels har dei sett ei grense på 23 fot som makslengde
på båtane.
– Me ser på mogelegheiter for kanskje å ta opp større båtar etter
kvart, seier de Fine.
Mange av leigetakarane er hyttefolk, men det er også nokre
fitjarbuar som nyttar seg av det nye tilbodet.
Nye servicetilbod til hyttefolket
Samstundes med båthotell-satsinga ynskjer dei å tilby hyttefolket
det dei måtte trenga av vaktmeistertenester og tilsyn. Og den
store satsinga på Kråko har gjeve karane nok å hengja fingrane i.
– Me tek både malararbeid, steinsetting og anna arbeid
hytteeigarane måtte ynskja, fortel dei.
Dei ser for seg at det kan bli aktuelt å køyra faste rundar for å
halda tilsyn med hytteeigedommane, slik at folk som bur langt frå
fritidsbustaden veit at alt er ok når dei opnar hyttedøra på fredagskvelden.
Mykje tyder på at dei fem medarbeidarane i Fitjarverksemda
ikkje blir arbeidslause med det første!
SNU Prosjektutvikling med på eigarsida
Gründerane har søkt om å få SNU Prosjektutvikling AS med på
eigarsida i selskapet for å få tilgang på naudsynt kapital til utviding
og utvikling av verksemda.
– Det er også verdfullt å få inn eit eksternt
styremedlem som kan delta i den strategiske
utviklinga av selskapet, seier eigarane
Torstein Grimen, Jostein Prestbø og
Oddvar de Fine.
– SNU Prosjektutvikling AS ynskjer å vera
ein aktiv eigar og hjelpa nystarta verksemder
i ein krevjande oppstart- og
kommersialiseringsfase. Fitjar Småbåt og
Fritidservice er ei spanande bedrift som
utnytter til fulle alle mulegheitene som
den veksande hyttemarknaden i Fitjar gir
dei lokale verksemdene. Det blir spanande
å vera med denne verksemda vidare, seier
Hege Økland i SNU.
Notis
Visste du at –
Prisen for å lagra
småbåt innandørs
på vinterstid på
Fitjar, er vesentleg
rimelegare enn til
dømes hjå Garstad
i Stavanger.
Medan opptak og
lagring av ein 20fotar
i Fitjar kjem
på om lag 6 200
kroner, kostar det
20 000 kroner å
plassera farkosten
på hotellet i oljebyen.

Ynskjer breiare satsing innan kunst, kultur og reiseliv
Stord-ordførar Liv Kari Eskeland ser
det som svært viktig med mangfald
innan næringsutviklinga i kommunen.
Samtidig som fokus må vera på å
vidareutvikla det me er gode på,ynskjer
ho seg ei auka satsing også utanom
dei tradisjonelle næringane på øya.
Eskeland er og klar på kva som er hovudutfordringa
når det gjeld ny næringsutvikling.
– Dei store verksemdene evnar å få til knoppskyting,
noko me er svært nøgd med. Fokus
på forsking og samarbeid med læringsinstitusjonane
veit eg har høg prioritet saman med
rekruttering av arbeidskraft, og på desse områda
vert det etter kvart jobba målretta også
på tvers av bedriftene, noko eg trur vil vera
tenleg for alle. Me er så heldig stilt at kommunen
er attraktiv i forhold til nyetableringar
og utviding av eksisterande verksemder, så ei
utfordring er at me pr i dag har litt for lite
variert næringsareal å tilby. Dette har me
sjølvsagt fokus på, og me jobbar for å få dette
på plass.
Når det gjeld viktige satsingsområde seier ordføraren
fylgjande:
På Fitjar ser ordførar Harald Rydland
andre utfordringar enn det kollegaen
på Stord gjer. Han trur på tilrettelegging
for innbyggjarane og innflyttarar, og at
god trivsel vil gje auka sjanse for at folk
vil starta ny næringsverksemd.
Medan mange reiser til Stord for å arbeida, er
stoda litt annleis i nabokommunen.
– I Fitjar har me litt for mykje pendling frå
kommunen. Me må verta flinkare til å fortelja
folk kor godt det er å bu her, og at Fitjar er
ein god stad å etablera næringsverksemd. Me
må fylgja opp med tomter, båtplassar og eit
godt offentleg tilbod, meiner Rydland.
Han trur at om kommunen gjer seg attraktiv
for tilflyttarar, så vil det bli lettare å få folk til
– Me har mykje som går mot marin/offshorenæringar,
og dette skal me sjølvsagt dyrka.
Men for å syta for at me har breidda i tilboda
våre, skulle eg gjerne sett at me klarte å få til
ei større satsing på kunst og kultur.
Ordføraren meiner SNU har ein viktig jobb å
gjera for å auka breidda.
– SNU var ein god aktør då det ein periode
såg mørkt ut for offshore-næringa for nokre
år sidan, og er framleis ein svært viktig reiskap
for nyskaping og utvikling av bedrifter i kommunen.
SNU er kommunen sitt verkemiddel
og reiskap i så måte.
Ho oppfordrar folk til å bruka SNU, og er sjølv
svært nøgd med arbeidet dei gjer.
– Men kva verksemder ynskjer du deg aller
mest i kommunen?
– Me tek imot alt, seier Eskeland og smiler.
– Men eg ser me har eit potensiale til å bli
sterkare også på reiseliv. Me har jo ein unik
natur, og har mykje å tilby dei som kjem
tilreisande! Saman med solide arbeidsplassar
innan eit vidt spekter, gjev dette oss fleire
bein å stå på og eit viktig mangfald, avsluttar
Stord-ordføraren.
Vil gjera seg attraktive for innbyggjarar og tilflyttarar
å bli buande og bli freista til å skapa nye
arbeidsplassar.
– Kor viktige er SNU i arbeidet for å skapa
nye arbeidsplassar i kommunen?
– Samarbeidet med SNU har vore vellukka for
Fitjar kommune. Dei har vore kommunen sin
næringsutviklar, og sit med god kompetanse
på dette feltet. Me hadde ikkje klart å oppnå
det same med eigne krefter, slår Rydland fast.
Ordføraren har ikkje spesielle ynske for kva
verksemder han vil ha etablert i kommunen
framover, men håpar på auka aktivitet.
– Aller helst håpar me på etablering av bedrifter
som skapar ein del arbeidsplassar, men alle
nyetableringar er viktige og positive, avsluttar
Fitjar-ordføraren.
Stord-ordførar Liv Kari Eskeland.
Fitjar-ordførar Harald Rydland.
13

Nytt spanande
tilskot til designmiljøet i
Sunnhordland
Regionen vår har fleire kjende designarar. No skjer det
òg spanande ting innan formgjeving av barneklede.
Bak satsinga står ei kvinne med stor internasjonal erfaring
innan tekstildesign. Kolleksjonen og merkevara er klar for
lansering i samband med moteveka i hovudstaden til
hausten.
Det var kjærleiken og ikkje det fine vestlandsveret som førde Monica
Sanchez frå Colombia til Noreg. Ho har utdanning innan tekstildesign
i heimlandet, og arbeider no hardt for å få slå gjennom med eksklusive
barneklede av merket Dundelina. Ideen bak Dundelina-konseptet fekk
formgjevaren for omlag to år sidan. Her er det snakk om ein jentefigur
som drøymer seg bort i ei rik fantasiverd. Designaren har etablert eit
samarbeid med sunnhordlandsforfattaren Roald Kaldestad, som har
utarbeidd ei forteljing om Dundelina.
Handlinga speglar seg i ymse motiv på jentekleda som Monica Sanchez
formgjev. Ein spanande miks som ho allereie har hausta gode
erfaringar frå. Målet er å få til ei bok til kvar kolleksjon.
– Det eg likar spesielt godt med dette, er at det involverer andre
kreative menneske, noko som også gjev meg ekstra energi, fortel
Sanchez.
Viktig støtte
Men det er ikkje gjort over natta å få designa og produsert barneklede.
Sanchez har arbeidd tett saman med Hege Økland i SNU for å
finna samarbeidspartnarar og få realisert selskapet. Ho trur det ville
vore svært vanskeleg å få til satsinga utan fagleg hjelp og gode råd
derifrå.
14
– I tillegg har det vore veldig viktig med den økonomiske stønaden
undervegs, fortel Sanchez.
Investorar i prosjektet er SNU Prosjektutvikling og Vik Sandvik Holding.
– Me ser på selskapet som eit spanande og viktig tilskot for designmiljøet
og dei kreative næringane i regionen, seier Hege Økland.
Stord, Bergen og Colombia
Monica Sanchez meiner det har vore ein stor fordel å etablera seg på
Stord i høve til for eksempel i Bergen, eller Colombia for den saks
skuld.
– Dørar opnar seg lettare her, og det er lettare å bli kjend med folk,
slår ho fast.
Dundelina har allereie vore ute på den norske marknaden i utvalde
butikkar i Stavanger og Bergen. Mottakinga var svært god. Neste
kolleksjon blir etter planen presentert i eige showroom i samband med
Oslo Fashion Week i haust, og er klare for alle Dundelina-jenter i
februar månad. Fram mot den tid håpar tekstildesignaren å vera på
plass med dei nye kleda i omlag 20 utvalde norske butikkar. Ho har
og planar om gradvis å erobra den danske marknaden.
– Kva med lokale forhandlarar?
– Eg vil gjerne koma i kontakt med nokon som kan selja desse kleda
lokalt. Samstundes er eg òg interessert i å finna nokre designpartnarar
i regionen. Nokon som er kule, og som toler litt spansk temperament,
avsluttar Sanchez og ler.

Team Sunnhordland, frå venstre Helge Drange,
Reidun Rykkje, Sylvi R. Sørfonn, Gro J. Gjerde,
Ragna Flotve, Karen Thauland, Magne Raknes og
Hege Økland. Elling Hetland, Trond Sætereng og
Tore Dalseide var ikkje tilstades då bilete vart teke.
Fakta
Desse er medlemmer av
Team Sunnhordland:
Magne Raknes
– næringssjef Bømlo kommune
Karen Thauland
– dagleg leiar Kvinnherad
Næringsservice
Ragna Flotve – dagleg leiar Sveio
Næringsservice
Sylvi R. Sørfonn
– dagleg leiar Atheno AS
Hege Økland
– dagleg leiar SNU AS
Elling Hetland
– rådmann Etne kommune
Gro Jensen Gjerde
– dagleg leiar Samarbeidsrådet
for Sunnhordland
Reidun Rykkje
– næringskonsulent Samarbeidsrådet
for Sunnhordland
Trond Sætereng
– rådmann Kvinnherad kommune
Helge Drange
– konsulent Tysnes kommune
Tore Dalseide
– Austevoll Næringsråd
Næringslivet deltek
Heile 80 sunnhordlendingar hadde funne vegen
til Oslo torsdag 17. april. Der blei dei møtt av
Stord-ordførar Liv Kari Eskeland og varaordførar i
Fitjar, Gisle Levåg, som ynskte velkomen og
informerte om kva tilbod kommunane kan tilby
til dei som vil flytta heim igjen. Heile åtte lokale
verksemder presenterte seg i Oslo for studentar
og utflyttarar, og viste til spanande arbeidsplassar
heime.
Langsiktig rekruttering
SNU har arrangert slike SNU-plassar i Oslo tre
gonger, i tillegg til fleire i Trondheim og Bergen,
noko som tyder på at tiltaka vert sett på som
positive. Målet til SNU-plassane er å få heim
igjen folk – kanskje ikkje i morgon, men i overimorgon.
Då er det viktig at dei utflytte har eit
positivt syn på heimstaden og verksemdene der.
Samlar og vidareforedlar
kompetanse
Team Sunnhordland er namnet på eit nystarta
nettverk. Målet er at regionen skal bli endå betre
og samkøyrt på næringsutvikling.
Gro Jensen Gjerde frå Samarbeidsrådet for Sunnhordland
er koordinator for arbeidet i Team
Sunnhordland. Ho er klar på at ein ikkje oppnår
utvikling i regionen ved å sitja på kvar si tue.
– Me kan spela kvarandre gode, påpeikar ho.
Ho ynskjer at ein skal kunna utnytta kunnskapen
som ligg i kvar enkelt kommune, og i næringsutviklarar
som Samarbeidsrådet, SNU og Atheno
(tidl. Industrinettverket VIS). Dei er alle representerte
i Team Sunnhordland.
– Me må rett og slett utnytta breiddekompetansen
som finst.
I førekant av etableringa av Team Sunnhordland
såg ein på fleire ulike modellar for å organisera
arbeidet. Det vart gjennomført eit viktig arbeid
med å laga samspelsreglar og drøfta etikkspørsmål,
og ein prøvde å finna best mogelege måtar
å samarbeida på. Gro Jensen Gjerde meiner dei
no er komen fram til ein god modell å byggja
vidare på. Og arbeidet er allereie godt i gang.
Noko av det viktigaste Team Sunnhordland no
Spesielt i dag er næringslivet på jakt etter
arbeidskraft.
Sosial møteplass med relasjonsbygging
Deltakarane på SNU-plassane er som regel ei
jobbar
med, er
rekruttering
av arbeidskraft
til
kommunane.
Det er eit
skrikande
behov for å
få tak i
kvalifisert
arbeidskraft
til næringslivet
og
offentleg
sektor,
konstaterer
Jensen Gjerde.
Rekruttering og omdømmebygging er eit
felles prosjekt for Team Sunnhordland.
Andre viktige område dei har sett på agendaen,
er omdømmebygging, og arbeid med å få til eit
skikkeleg mottakssenter for arbeidarar som kjem
til Sunnhordland. Det er med andre ord eit
ambisiøst og nytenkjande nettverk som no er
etablert i vårt distrikt.
SNU-plass som rekrutteringsarena og sosial møteplass
SNU-plass er ein møteplass for studentar og utflyttarar frå Sunnhordland og næringslivet i regionen. SNU har arrangert
slike treffstader heile sju gonger sidan 2001, og at SNU-plassane stadig er populære fekk ein prov på i Oslo denne våren.
Mange utflytta sunnhordlendingar hadde teke turen
til SNU-plassen i Oslo. Frå venstre: Torgeir Matre,
Astrid Vatne, Kristin Eidsnes og Eirin Vikanes Bjelland.
god blanding av studentar og folk som er i arbeid.
Nokre er kjem for å treffa kjensfolk, medan
andre har meir konkrete planar for å flytta heim
til Stord eller Fitjar.
– Hyggjeleg å treffa andre stordabuar. Det er vel
kanskje den viktigaste grunnen til at eg deltok på
SNU-plassen, seier Torgeir Kismul Matre på
SNU-plassen i Oslo. Han er sivilarbeidar i
miljøstiftinga Zero.
– Kjekt å høyra at bedriftene på Stord går så bra,
seier medisinstudenten Eirin Vikanes Bjelland.
– Ja, du blir nesten litt overraska, seier Astrid
Vatne, som studerer geofag ved Universitetet i
Oslo. – Og litt stolt, seier Eirin og smiler. Når
jentene blir spurde om dei ser for seg å ein dag
etablera seg på heimstaden, må dei likevel dra
litt på det. – Kanskje Fitjar, kanskje Stord.
Kanskje ikkje. Tida vil visa, seier Kristine Eidsnes
frå Fitjar.
15

P.s:
Ung etablerar i Sunnhordland
Søknadsfrist: 5. september
Første samling: 21. -22. september
Meir informasjon finn du på
www.snu.as
Styrebank
På www.snu.as kan du enkelt
leggja inn din kompetanse og
verta tilgjengeleg for styrearbeid
i etablerte og nyetablerte
aksjeselskap i Sunnhordland.
Spanande utfordring
SNU har sidan 2005 hatt ansvar for
utgreiing om ei mogleg etablering
av eit rehabiliteringssenter innan
yrkesrehabilitering i Sævarhagen
på Stord. No søkjer me etter
prosjektleiar som skal leia prosjektet
fram mot etablering.
Har du erfaring frå prosjektleiing,
er samfunnsengasjert og ynskjer å
driva prosjektet fram mot etablering,
så kan dette vera noko for
deg.
Kontakt SNU for meir informasjon.
FOKUS PÅ STYREKOMPETANSE
Eit velfungerande styre utgjer ein viktig ressurs for små og større verksemder.
Styrerolla har fått aukande merksemd, og mange ynskjer meir kompetanse om
kva ansvar, rolle og oppgåver eit styre skal ha. SNU arrangerte kurs i styrekompetanse
våren 2008, i samarbeid med Innovasjon Noreg og Handelshøyskolen BI.
Ei variert og entusiastisk gruppe menneske frå ulike bedrifter og bransjar deltok på det
første kurset SNU arrangerte om styrearbeid. Deltakarane fekk her kunnskap om lovar og
reglar som gjeld strategiarbeid, sentrale prinsipp for økonomistyring og rekneskapsførsel,
og korleis ein skal få eit medvite forhold til rolla som styremedlem, deriblant ansvar og
forpliktingar overfor bedrifta sine ulike interessentar. Føredragshaldar Kjell Standal gjorde
temaet interessant og lærerikt for dei om lag 30 deltakarane. Kurset gjekk over to samlingar
og vart avslutta med ein 72 timars heimeeksamen. Bestått eksamen gjev 6 studiepoeng.
Kurset vart arrangert av SNU i samarbeid med Innovasjon Noreg og Handelshøyskolen BI,
og alle 27 deltakarane på kurset avslutta kurset med heimeeksamen.
På jakt etter ekstern styremedlem?
Er du på leit etter eksterne styremedlemmer
til di bedrift, så kan
henda du finn den rette i SNU sin
styrebank. Her er lokale kandidatar
samt andre med styreerfaring
registrert i databasen.
Kanskje har desse den kompetansen
som di bedrift er på jakt
etter.
Er du interessert i styreverv, kan
du registrera deg i SNU sin
styrebank.
Meir informasjon på
www.snu.as
Starta for deg sjølv? Hjelp til utvikling av forretningsidé? Utviklingsprosjekt?
Me tilbyr gratis rådgjeving
og hjelp til etablerarar!
Ta kontakt for avtale.
Hege Økland
Dagleg leiar
Jostein Sydnes
Forretningsutviklar
Gunvald Ottesen
Senior forretningsutviklar
Du treff oss på tlf: 53 40 15 50. Les meir om SNU og prosjekta våre på www.snu.as