Nye ungdomsbøker fra Ungdomsbokgildet 2019
You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
Bjørn Ingvaldsen<br />
Nattskift i Nekropolis<br />
Gyldendal <strong>2019</strong><br />
Presentert av Stig Elvis Furset<br />
Vi har alle eit liv. I Nattskift i Nekropolis heiter dette livet Max. Han går i<br />
niande klasse. Foreldra er skilt. Faren til Max har ein ny familie: Kamilla,<br />
kona, og dei to småttisane Thea og Tobias.<br />
Når Max er der, annakvar helg, snakkar faren<br />
om at dei skal gjere ting i lag. På skikkeleg.<br />
Kanskje fotballtur til England! Men,<br />
det blir aldri. Faren må ha tid til familien.<br />
Til Kamilla. Som spør om ikkje sønnen skal<br />
leggje seg snart.<br />
Mora til Max seier at ho tenkjer best om<br />
natta. Då er ho nede i kjellaren. Der studerer<br />
ho gravplassar nær antikke byar. Såkalte<br />
nekropolis. Der nede, saman med alle vinflaskene,<br />
er ho som ein arkeolog, og ikkje ei<br />
uføretrygda åleinemor. For det var arkeolog<br />
ho skulle bli.<br />
Viss det ikkje var for at Max vart født, så<br />
ville det gått slik. Viss det ikkje var for at<br />
ho hadde dette livet å ta hand om, så ville<br />
ho reist ut. Til spennande land. Viss det<br />
ikkje var for Max, så ville ho hatt livet for<br />
seg sjølv.<br />
Så då mora oppnår kontakt med ein<br />
kjend arkeolog, og han skal holde foredrag<br />
på ei utstilling, og inviterer henne, så må ho<br />
dra. Max blir med.<br />
Kan eit liv vere eit blendverk? Kva viss livet<br />
er basert på løgner, som blir stabla oppå<br />
kvarandre? Kor stor kan vekta av desse bli,<br />
før alt raser, slik at ein til slutt fornektar livet<br />
sjølv? At alt berre er fiksjon. Og at boka om<br />
dette livet blir lukka? Mora finner til slutt<br />
dei døde sin by.<br />
Kan ein leve eit liv i einsemd? Eit liv kor<br />
du blir fortalt at du er i vegen. At du er grunnen<br />
til at andre ikkje får levd. Max finner til<br />
slutt dei døde sin by.<br />
Nattskift i Nekropolis er ei mørk bok. Allereie<br />
på dei første sidene kjente eg på ei<br />
snikande uro over tilstanden til mora. Ho er<br />
sjuk! Og Max forstår at han til sist ikkje har<br />
noko handlingsrom. Det er berre ein utveg.<br />
Skriver Bjørn Ingvaldsen skrekkromanar?<br />
Skrekkforattaren Joe Hill uttalte i eit intervju<br />
i New York Times i vår dette: “Nokon trur<br />
skrekk handlar om sadisme, om å slenge<br />
innvollar på lesaren (…), men den mest<br />
verknadsfulle skrekken, den handlar om<br />
empati”. Det er der vi er med her. Eg har<br />
sjeldan hatt så stor medkjensle med ein<br />
fiktiv karakter som med Max. Sjølv om det<br />
er vondt å lese, har ein ikkje vondt av det.<br />
13
Change language