Eiliv Vinje - Universitetet i Bergen

VIDD
nærmare greie for i det følgjande, først med tilvising til Holberg-litteraturen, deretter
ved omtale av tekstane.
Holbergitteraturen
Det er ein generell dom at Holberg for ein del er nyskapande som historikar. Allereie
samtida rekna han som banebrytande i kraft av at han skreiv samanhengande
historie i ein folkeleg og ledig stil; hans historie er "den förste […] i Norden som man
kan lese uden Vemmelse" seier Sneedorff (Sneedorff 1759, 41). "Hans Danmarks
Historie er endnu den bedste, vi have paa vort Sprog", seier Peter Fr. Suhm (Suhm
1789, IV, 308). Dessutan opererer han med eit utvida historiebegrep, slik ein ser
tendensar til i samtidig historiografi i både England og Frankrike. Voltaire gir
uttrykk for at historia ikkje bare bør handla om kongar og krigar, men ha eit breiare
blikk på utviklinga og gi plass til beskriving av næringsliv, handel, utdanning,
kultur, osv. Ei liknande haldning finn ein hos Holberg, i både teori og praksis. Ellen
Jørgensen understreker at han set ord på slike tankar før Voltaire, og likeins før
tilsvarande figurar i engelsk samtid (Gibbon og Hume) (Jørgensen 1931, 186).
Eit anonymt skriv, forfatta på fransk truleg kort tid etter Holbergs død,
inneheld ei vurdering av forfattarskapen. Skrivet er utforma som fortruleg brev til
ein venn, dvs. same type brevfiksjon som Holberg sjølv gjer flittig bruk av i sine
Epistler: "Je reviens a Votre lettre, Monsieur, dans laqvelle Vous me demandez: qvel
est mon sentiment de Mons r d'Holberg et de ses ouvrages?" (Bruun 1870-71, 210). I
omtalen av historieverka rosar den anonyme forfattaren Holberg for å praktisera eit
nytt og utvida historiebegrep, og han understreker at det krevst forstand og
dømmekraft for å laga eit slikt verk.
[…] au lieu de remarqver le nombre des morts et des blessés dans les combats, il
instruit le lecteur de ce qvi a brouillé les parties, il parle des prog rès de leurs armes, de
la conduite des généraux, autant qv'il convient à un historien, et il n'oublie jamais de
dire, qvels ont été les effets de la victoire; d'avoir fait fleurir le commerce, d'avoir
protégé le mérite, soutenu les sciences et les arts, d'avoir contribué au vrai bonheur du
peuple […]. […] pour écrire une histoire comme celle, dont je parle, il faut un
jugement exact, un esprit, qvi sçait réfléchir et pénétrer jusqv'aux causes les plus
cachées d'un événement. (Bruun 1870-71, 218.)
Historikaren Caspar Paludan-Müller gir ei liknande vurdering. I lys av at det
er eit utvida historiebegrep Holberg praktiserer, og i lys av at han drar nytte av eit
stor kjeldetilfang, omfattande også nyare samtidig forsking, får han ros særleg for si
evne til syntese; Paludan-Müller framhevar seleksjon og val som den
77